Chapter Title : മഞ്ജുവിന് മാത്രം സ്വന്തം 6 [Zoro]

പിടിച്ച് നീളത്തിലും വീതിയിലും കീറി….. .. യുദ്ധത്തിൽ ചിതറി കിടക്കുന്ന കടുകിനെ ഞാൻ എണ്ണയിൽ വറുത്ത് കൂടെ ദാസന്മാരായ കറിവേപ്പില ആവശ്യത്തിന് ഉപ്പും ഞാൻ ചേർത്ത്…. അവരെ ഒക്കെ മൂടുവാൻ ഞാൻ റവ എടുത്തു…. തീ കൂട്ടി ഞാൻ എല്ലാവരേയും നന്നായി ഇളക്കി കുറച് കാരറ്റും അവരുടെ അണ്ണാക്കിൽ ഇട്ടു….. എൻ്റെ പക തീർന്നില്ല…. വെള്ളം ഒഴിച്ച് ബാകിയിരുന്ന എല്ലാറ്റിനെയും മുക്കി കൊന്നു…… മറ്റൊരു അടുപ്പിൽ ചട്ടി വെച്ചു അതിൽ നേരത്തെ അരിഞ്ഞ സവാള തക്കാളി മുളക് ഇഞ്ചി വെളുത്തുള്ളി പേസ്റ്റ് ഇട്ട് വയറ്റി…. മുളക് പൊടി മല്ലി്പൊടി … ഫിഷ് മസാല എന്നീ ചേരുവകൾ നല്ലതുപോലെ ഇട്ടു അവന്മാരെ ഞാൻ പീഡിപ്പിച്ചു ….. ഉലുവയും വെള്ളവും ചേർത്ത് ചൂടാക്കിയ ശേഷം രാജാവായ മീനിനെ ഞാൻ അതിൽ ഇട്ടു വേവിപ്പിച്ചു……. അങ്ങനെ ഞാൻ ഉപ്പുമാവും മീൻ കറിയും ഉണ്ടാക്കി….. ഇതിനെ പരീക്ഷിക്കുവാൻ ഞാൻ അളിയനെ ഇരയാക്കി…. പുള്ളി ഒന്നും പറയാതെ മുഴുവൻ കഴിച്ചു…… ഞാൻ അൽഭുത പെട്ട് അത് ഒന്ന് രുചിച്ച് നോക്കി എൻ്റെ മോനെ ഒന്നും പറയാനില്ല വായിൽ വെക്കാൻ കൊള്ളതില്ല….. . ഞാൻ മുഖം കൊണ്ട് കഥകളി കളിക്കുന്ന കണ്ട അളിയൻ ഇനി മേലാൽ അടുക്കളയിൽ കയറിയാൽ മുട്ടുകാൽ തല്ലി ഒടിക്കുമെന്ന് വാർണിങ് തന്നു…

ഞാൻ മുളയിലെ എൻ്റെ അടുക്കള മോഹം നിർത്തിവെച്ചു … അളിയൻ ഡ്യൂട്ടിക്ക് പോയതിനു ശേഷം എനിക് മൊത്തം ഒരു മടുപ്പ് തോന്നി…. റൂമിൽ ഇരുന്നു വല്ലാതെ വീർപ്പുമുട്ടി…. വീണ്ടും കഴിഞ്ഞ കാര്യങ്ങൾ ഓർമ്മ വരുമെന്ന് തോന്നിയപ്പോൾ ഞാൻ ഓട്ടോ ചേട്ടന്മാരുടെയും KSRTC ബസ്സിൻ്റെയും സഹായത്തിൽ തിരുവനന്തപുരം ചുറ്റുവാൻ തുടങ്ങി…..

നഗരമിതൊന്നാന്തരം

അമ്പാനികൾ നൂറായിരം അതിലൊരു ധാരാവിയിൽ

നീരാവിയായ് ഈ ജീവിതം

മുന്നിലെ കണ്ണാടിയും

പുച്ഛം തരും കോലം മുഖം

ലല ലല ലല ലല്ലല്ലാല ലല ലല ലല ലല്ലല്ലാല ലല ലല ലല ലല്ലല്ലാല ലാലാല ലാലാല ലാലാലലാ

റോഡും പാലവും…മൃഗശാലയും ,,,, ലുലു മാളും,,,,,,, തിരക് പിടിച്ച് ഓടുന്ന കൊറേ മനുഷ്യരെയും ,,,, പല മന്ത്രി മന്ദിരങ്ങളും…