Chapter Title : മഞ്ഞ്മൂടിയ താഴ് വരകൾ 13 [സ്പൾബർ]

കട്ടിലിൽ നിന്നെഴുന്നേറ്റ് വാതിലിന് നേരെ നടന്നു.

പെട്ടെന്ന് റംല അവളുടെ കൈ പിടിച്ച്, ഭവിഷ്യത്തുകളൊന്നുമോർക്കാതെ ഒറ്റപ്പറച്ചിൽ.

“അതുമ്മാ… അത് ടോണിച്ചനാ…”

ആ പറഞ്ഞത് നബീസു ശരിക്ക് കേട്ടില്ല.കേട്ടെങ്കിലും അവൾക്കത് മനസിലായില്ല.

“ആര്….?”

കണ്ണുകൾ കൂർപിച്ച് കൊണ്ട് നബീസു ചോദിച്ചു.

“ അത്…ഉമ്മാ… ഇവിടെ കട തുടങ്ങാൻ വന്നില്ലേ.. ടോണിച്ചൻ.. അവനാ…”

റംലക്ക് വേറെ വഴിയില്ലായിരുന്നു. ഷംസൂനെ പറയുന്നതിനേക്കാൾ നല്ലത് ടോണിയാണെന്നവൾക്ക് തോന്നി.ഇത് ചിലപ്പോ ഉമ്മ ക്ഷമിക്കും.. ഷംസൂന്റെ പേരെങ്ങാൻ പറഞ്ഞാൽ താനും, ഷംസുവും ഈ വീട്ടിൽ നിന്ന് പുറത്താവും..

എന്നാൽ പുതിയൊരു പേര് കേട്ട ഞെട്ടലോടെ നബീസു കിടക്കയിലേക്കിരുന്നു.
അതെങ്ങിനെ ശരിയാവും… ?
ഒന്നാമത് ടോണിയിവിടെ വന്നിട്ട് കുറച്ച് ദിവസങ്ങളേ ആയിട്ടുള്ളൂ.. ആകെ ഒരു തവണയാണവൻ ഈ വീട്ടിൽ വന്നത്. അതിനിടക്ക് അവർ രണ്ടാളും പരസ്പരം ഒന്നും സംസാരിച്ചിട്ട് പോലുമില്ല.
പിന്നെങ്ങിനെ അവനുമായി…?

വേറെയുമുണ്ട് പ്രശ്നം…ഷംസു… അവൻ പിന്നെ എവിടെയായിരുന്നു. അവന്റെ മുറിയിൽ അവനുണ്ടായിരുന്നില്ല.അത് തനിക്കുറപ്പാണ്. മാത്രമല്ല, അവൻ പുറത്തേക്കി
റങ്ങിയിട്ടില്ല. കാരണം മുൻവാതിൽ അകത്ത് നിന്ന് കുറ്റിയിട്ടത് താൻ ശ്രദ്ധിച്ചതാണ്.അവൻ ഈ വീട്ടിനുള്ളിൽ തന്നെയുണ്ടായിരുന്നെന്ന് ഉറപ്പാണ്.
പക്ഷേ, ഇവൾ പറയുന്നു അവളുടെ മുറിയിലുണ്ടായിരുന്നത് ടോണിയാണെന്ന്.

പെട്ടെന്ന് നബീസുവൊന്ന് വിറച്ച് പോയി. എന്റെ റബ്ബേ…. ഇനി രണ്ടാളും കൂടി..?
അത്രയൊന്നും ചിന്തിക്കാനുള്ള ശേഷി നബീസൂന് ഉണ്ടായില്ല.

“റംലാ നീയെന്തൊക്കെയാണീ പറയുന്നത്… ? ടോണിച്ചനോ… അവനെ നീയറിയോ… ?
ഒരു തവണയല്ലേ നീയവനെ കണ്ടത്…?”

റംല ഒന്നും മിണ്ടാതെ താഴോട്ട് നോക്കി നിന്നു.
ഇനിയെന്ത് പറയണമെന്ന് അവൾക്കറിയില്ല. ഷംസുവിനെ രക്ഷിക്കാനാണ് ടോണിയുടെ പേര് പറഞ്ഞത്. അതിപ്പോ വീണ്ടും കുരിശായോ…