Chapter Title : മഞ്ഞു മൂടിയ പാപങ്ങൾ 1 [Dr. Wanderlust]

കേട്ടിട്ടുണ്ടെങ്കിലും അവളുടെ ജീവിതത്തിൽ അതില്ല. അതുകൊണ്ട് സമയം ചിലപ്പോൾ നീണ്ടു നീണ്ടു നിൽക്കും.

അപ്പോഴാണ് ഷിബിൻ അവളുടെ ദിവസങ്ങളിൽ ഇടം പിടിച്ചത്.

ആദ്യം അവൻ വെറും പരിചയം. തോട്ടത്തിൽ ജോലി ചെയ്യുന്ന ഒരു ചെറുപ്പക്കാരൻ. മണ്ണും മഴയും ചേർന്ന ജീവിതം. പക്ഷേ അവന്റെ കണ്ണുകളിൽ ഒരു തിടുക്കമുണ്ട്. സംസാരത്തിൽ ഒരു സ്വാഭാവികത. ഗ്രാമത്തിലെ പല പുരുഷന്മാരെ പോലെ മന്ദഗതിയിലുള്ളവനല്ല.

“ചേച്ചി, ലോറി ചേട്ടൻ പോയോ?”

“പോയി.”

“എത്ര ദിവസം?”

“അറിയില്ല. രണ്ട് മൂന്ന്.”

അവൻ തലകുനിക്കും. പിന്നെ മറ്റൊരു വിഷയം. മഴ. റോഡ്. പണി. ചിലപ്പോൾ സിനിമ.

സംഭാഷണം സാധാരണമാണ്. പക്ഷേ വാക്കുകളുടെ ഇടയിൽ ഒരു നീണ്ടുനിൽപ്പ് ഉണ്ടാകും. അവൻ അവളെ നോക്കുമ്പോൾ കുറച്ച് അധികസമയം നോക്കും. അവൾ അത് ശ്രദ്ധിക്കും. ആദ്യം അവൾ തിരിഞ്ഞു പോകും. പിന്നെ കുറച്ചു നേരം കൂടി നിൽക്കും.

ഒരു ദിവസം അവൻ പറഞ്ഞു,

“ഇവിടെ ഒറ്റയ്ക്ക് ബോറടിക്കില്ലേ?”

“പതിവാണ്.”

“പതിവാകുന്നതാണ് അപകടം,” അവൻ ചിരിച്ചു.

“എന്ത് അപകടം?”

“മനസ്സ് മറ്റെവിടെയെങ്കിലും പോയാൽ അറിഞ്ഞുകൂടാ.”

മേരി അതു കേട്ട് ചിരിച്ചു.

“നിനക്ക് ഇത്രയും കാര്യങ്ങൾ ആരാണ് പഠിപ്പിച്ചത്?”

“പഠിപ്പിക്കാൻ ആരുമില്ല. നോക്കിയാൽ മതി.”

അവൻ പറഞ്ഞത് അവൾ മറക്കാൻ ശ്രമിച്ചു. പക്ഷേ രാത്രിയിൽ കിടക്കുമ്പോൾ ആ വാക്ക് ഓർമ്മവന്നു — മനസ്സ് മറ്റെവിടെയെങ്കിലും പോയാൽ അറിഞ്ഞുകൂടാ.

---

ഗ്രാമത്തിൽ ആളുകൾ നോക്കാൻ പഠിച്ചവരാണ്.

ഒരു വൈകിട്ട് കുഞ്ഞച്ചന്റെ ഭാര്യ casually പറഞ്ഞു,

“അടുത്ത തോട്ടത്തിലെ പയ്യൻ ഇവിടെ വരാറുണ്ട്. എന്താ കാര്യം?”

മേരി വളരെ സ്വാഭാവികമായി പറഞ്ഞു, “വെള്ളം ചോദിക്കും. ചിലപ്പോൾ ചെറിയ സഹായം.”

“ശരി,” അവൾ പറഞ്ഞു. പക്ഷേ അവളുടെ കണ്ണിൽ സംശയം.

ആ ദിവസം മേരിക്ക് ഒരു ചെറിയ അസ്വസ്ഥത.

താൻ തെറ്റ് ഒന്നും ചെയ്തിട്ടില്ല. പക്ഷേ ആളുകളുടെ കണ്ണ് ചിലപ്പോൾ തെറ്റില്ലാത്ത കാര്യങ്ങളെയും മങ്ങിയതാക്കും.

---

ഒരു മഴയുള്ള വൈകിട്ട് ഷിബിൻ വീട്ടുമുറ്റത്ത് നിന്നു.

“ചേച്ചി, മഴ തോരും ഇവിടെ നിന്നോട്ടെ ?”

“അതിനെന്താടാ .”

അവൾ അടുക്കളയിൽ തിരക്കിലായിരുന്നു. അവൻ വാതിൽക്കൽ നിന്നു സംസാരിക്കും.

“ചേച്ചി, നിങ്ങളെ കാണുമ്പോൾ കോട്ടയം ഭാഗം ഓർമ്മ വരും.”

“എന്താ?”

“അവിടത്തെ പെണ്ണുങ്ങൾക്ക് ഒരു ശൈലി ഉണ്ടല്ലോ. സംസാരിക്കുമ്പോൾ… കണ്ണ് നേരെ നോക്കും.”

മേരി അവനെ നോക്കി.

“അത് നല്ലതല്ലേ?”

“നല്ലതാണ്,” അവൻ പറഞ്ഞു. “പക്ഷേ ചിലപ്പോൾ അതൊരു അപകടവുമല്ലേ .”

“എന്ത് അപകടം?”