Chapter Title : മറന്നു പോയ സൗഹൃദം [ജിന്ന്]

നീങ്ങി.

പിന്നീട് ബിൽ കൊണ്ട് വന്നപ്പോഴും ജ്യോതിയുടെ ചുണ്ടിൽ പുഞ്ചിരി തത്തികളിക്കുന്നുണ്ടായിരുന്നു.ബില്ലിലെ പൈസ അവൾക്ക് കൊടുക്കുമ്പോൾ ടിപ്പിനൊപ്പം ടിഷ്യൂ പേപ്പറിൽ എന്റെ നമ്പർ കൂടി അവൾക്ക് കൊടുത്തു ഒന്ന് നോക്കിയ ശേഷം അവൾ ടിഷ്യൂ പേപ്പർ സാരിയുടെ ഉള്ളിലൂടെ കൈയിട്ടു ബ്രായ്ക്ക് ഉള്ളിലേക്ക് വച്ചു പിന്നെയും ഒരു പുഞ്ചിരി സമ്മാനിച്ച് അവൾ അടുത്ത ടേബിളിലേക്ക് നടന്നകന്നു.

സിദ്ദു അപ്പോഴും മീനാക്ഷിയുടെ ഡാൻസിൽ ആയിരുന്നു ശ്രദ്ധ മുഴുവൻ.

ഓഫിസിലെ തിരക്ക് പിടിച്ച ദിവസമായിരുന്നു അന്ന്, ഒരു പതിനൊന്നു മണി കഴിഞ്ഞപ്പോൾ ആണ് ഫോൺ ശബ്ദിച്ചത്, പരിചിതമല്ലാത്ത നമ്പറിൽ നിന്ന് വന്ന കോളിന്റെ മറുവശത്ത് അവളായിരുന്നു ജ്യോതി,

ഞാൻ ജ്യോതിയാണ് ഓർമ്മയുണ്ടോ?

ഹും.. ഓർമയുണ്ട്,

എന്തിനാ നമ്പർ ഒക്കെ തന്നത്?

വെറുതെ സംസാരിക്കാലോ….

സംസാരിച്ചാൽ മാത്രം മതിയെങ്കിൽ ബാറിൽ വരുമ്പോൾ ആകാമല്ലോ…

എന്നിട്ട് അവൾ ചിരിച്ചു.

അല്ല ജ്യോതി നമുക്ക് ഒന്നു കാണാൻ കഴിയുമോ?

പുറത്ത് എവിടെയെങ്കിലും വച്ച്,

ആറുമണിക്ക് മുൻപ് വരുവാണെങ്കിൽ കാണാം,

അതിനെന്താ,

നാലുമണിക്ക് അടുത്തുള്ള പാർക്കിൽ വച്ചു കാണാം എന്നു പറഞ്ഞു ഞാൻ ഫോൺ വച്ചു.

അടുത്ത ക്യാബിനിൽ നിന്ന് എന്നെ സാകൂതം വീക്ഷിക്കുന്ന സിദ്ധു വിനെയാണ് ഞാൻ കണ്ടത്,

ഞാൻ കണ്ണ് കൊണ്ട് എന്താ എന്ന് ചോദിച്ചു,

അവൻ ചുമലുകൾ കുലുക്കി ഒന്നുമില്ല എന്ന് പറഞ്ഞു.

വൈകിട്ട് നേരത്തെ തന്നെ ഓഫീസിൽ നിന്നിറങ്ങി, സിദ്ധു വിനോട് എന്തോ കള്ളം പറഞ്ഞാണ് ഇറങ്ങിയത്.

സമയം നാലുമണി കഴിഞ്ഞതേ ഉള്ളായിരുന്നു, പാർക്കിൽ തിരക്ക് തുടങ്ങിയിട്ടില്ല, ഞാൻ ഒരു സിഗരറ്റ് വാങ്ങി കത്തിച്ചു ചുണ്ടിൽ വച്ചു ശക്തിയോടെ ഉള്ളിലേക്ക് വലിച്ചു സാവധാനം പുക പുറത്തേയ്ക്ക് ഊതി, ആ പുകയ്ക്കിടയിലൂയിടെ ഞാൻ കണ്ടു ജ്യോതി നടന്ന് വരുന്നത് ഒപ്പം മീനാക്ഷിയും,

പാർക്കിന്റെ മുന്നിൽ നിന്ന എന്നെ നോക്കി ഒന്ന് പുഞ്ചിരിച്ചിട്ട് മീനാക്ഷി മുന്നിലേക്ക് നടന്നു.

ജ്യോതി നടന്ന് എന്റെ അടുക്കലേക്ക് വന്നു,

വന്നിട്ട് ഏറെ നേരം ആയോ?

ഇല്ല, ഇപ്പോഴെത്തിയതേ ഉള്ളൂ…

സിഗരറ്റ് താഴേയ്ക്കിട്ട് ഞാൻ ഷൂ കൊണ്ട് ചവിട്ടി കെടുത്തി, എന്നിട്ട് മുന്നോട്ട് നടന്നു.

പാർക്കിന്റെ ഒഴിഞ്ഞ കോണിൽ ഞങ്ങൾ