Chapter Title : മരുഭൂ വസന്തം 4 [ലസ്റ്റർ]

എന്റെ കുഞ്ഞും നാളെ ഒരു കഞ്ചാവ് മാഫിയയുടെ ഭാഗമാകുന്നതഗ് എനിക്ക് അക്‌സെപ്റ് ചെയ്യാൻ പറ്റില്ല. എനിക്ക് മുന്നോട്ട് പോകാൻ ബുദ്ധിമുട്ടാണ്." അവൻ തീർത്തു പറഞ്ഞു. മുറിയിൽ അവളുടെ കരച്ചിൽ മാത്രം അവശേഷിച്ചു.

കരച്ചിൽ പതിയെ പതിയെ മൂക്ക് ചീറ്റലായി പരിണമിച്ചു വന്നപ്പോഴേക്കും വാഹിദ് ഉറങ്ങിപ്പോയി. പിന്നീട് എന്തോ ശബ്ദം കേട്ട് ഞെട്ടിയുണർന്നപ്പോൾ വലിയ ഗ്ലാസ് വാതിൽ തുറന്ന് കിടക്കുന്നത് കണ്ടു. ചെവിയോർത്തപ്പോൾ ബാൽക്കണിയിൽ നിന്ന് ഫോണിൽ തർക്കിക്കുന്ന ശാരികയുടെ ശബ്ദം കേട്ടു.

"ഇല്ല..പറ്റില്ല.. ആ ശരീരത്തിൽ ഒരു പോറലെങ്കിലും ഞാൻ കണ്ടാൽ എല്ലാവരും അതോടെ തീരും. ഞാൻ എല്ലാം ഇവിടെ അവസാനിപ്പിക്കുകയാ. നിങ്ങടെ ബ്ലാക്ക് വേൾഡ് ഗെയിമിൽ എന്നെ നോക്കണ്ട. ഇവിടെ അവസാനിക്കുകയാ എല്ലാം." അവൾ ആക്രോശിക്കുന്ന ശബ്ദം അധികം ഉച്ചത്തിൽ അല്ലെങ്കിലും അവൻ കേട്ടു.

കണ്ണടച്ച് ഉറങ്ങുന്നത് പോലെ കിടന്നപ്പോൾ ഗ്ലാസ് വിൻഡോ നീങ്ങുന്ന ശബ്ദവും കിടക്കയിലേക്ക് കേറുന്ന അനക്കവും അവൻ തിരിച്ചറിഞ്ഞു. മൊബൈൽ ഫ്ലാഷ് ഓൺ ചെയ്തു തന്റെ ശരീരത്തിൽ നിന്ന് പുതപ്പ് നീക്കി പരിശോധിക്കുന്നത് കൺപ്പോളകൾക്ക് ഇടയിലൂടെ അവൻ കണ്ടു.

ഉറക്കത്തിനിടയിൽ എന്ന വ്യാജേന അവനൊന്നു തിരിഞ്ഞു കിടന്നപ്പോൾ അവൾ വേഗം മൊബൈൽ ഓഫ് ചെയ്തു കിടക്കയിലേക്ക് വീണു. വാഹിദ് കൈ നീട്ടി അവളെ പരതി നോക്കുന്നത് പോലെ തപ്പിത്തടഞ്ഞു ചുറ്റിപ്പിടിച്ചപ്പോൾ ശാരിക അവന്റെ അടുത്തേക്ക് നീങ്ങിക്കിടന്നു. പക്ഷേ അവനെ കെട്ടിപ്പിടിക്കാൻ അവൾക്കൊരു ബുദ്ധിമുട്ട് അനുഭവപ്പെട്ടു. എങ്ങിനെയോ താൻ അശുദ്ധമായ ഒരു വസ്തുവാണെന്ന കുറ്റബോധം അവൾക്ക് അനുഭവപ്പെട്ടു.

കണ്ണ് നനയുന്നുണ്ട്, പക്ഷേ കരയാൻ തോന്നുന്നില്ല. അനങ്ങാതെ വാഹിദിന്റെ കൈയിൽ തന്റെ കൈ വച്ച്