Chapter Title : മരുഭൂ വസന്തം 5 [ലസ്റ്റർ]

പുതിയൊരു സാമ്രാജ്യം കെട്ടിപ്പടുക്കാൻ അവൾ നിർബന്ധിക്കുന്നു. രണ്ടുപേർക്കും പാർട്ണർഷിപ്പിൽ ഒരു കോമേഴ്‌ഷ്യൽ അസിസ്റ്റൻസ് ഗ്രൂപ്പ്‌ ആരംഭിക്കാം എന്ന് പറയാൻ തുടങ്ങിയിട്ട് കുറച്ചു ദിവസങ്ങൾ ആയി. കേട്ടപ്പോൾ വളരെ താത്പര്യം തോന്നി.

തന്റെ പ്രൊഫഷനുമായി ബന്ധമുള്ള ലോകം. അക്കൗണ്ടിങ്ങും ഓഡിറ്റിങ്ങും ബിസിനസ്‌ സപ്പോർട്ടിങ്ങുമൊക്കെയായി തനിക്ക് പരിചയമുള്ള പ്രവർത്തന മേഖല. പക്ഷേ ഒന്നും മറുപടി പറഞ്ഞില്ല, ആലോചിക്കാം എന്ന് മാത്രം പറഞ്ഞു ഒഴിഞ്ഞു മാറി. പക്ഷേ അവൾ ആ തീരുമാനത്തിൽ ഉറച്ചു നിൽപ്പാണ്. നിലവിൽ പല കമ്പനികളുമായി നല്ല ബന്ധമുള്ള നൂറ പറയുന്നത് വളരെ വേഗം നല്ലൊരു വളർച്ച കമ്പനിക്ക് ഉണ്ടാവുമെന്നാണ്.

പക്ഷേ തന്റെ തലയിൽ ഇപ്പോൾ സ്വന്തം വിജയത്തെക്കാൾ കൂടുതൽ താൻ അകപ്പെട്ടിരിക്കുന്ന കുരുക്കിൽ നിന്ന് പുറത്തു ചാടുക എന്നതാണല്ലോ. ശാരിക മരിച്ചു കഴിഞ്ഞ സ്ഥിതിക്ക് നിയമപരമായി ഭർത്താവായ താൻ ആരുടെ പേരിലേക്ക് തന്റെ ഷെയർ കൈമാറണം എന്നതാണ് വിഷയം. ആകെയുള്ള സഹോദരൻ ശരത് ജീവനോടെയുണ്ടോ എന്ന് പോലും അറിയില്ല. രാജൻചേട്ടൻ തന്നിൽ നിന്ന് അകന്ന് നിൽക്കുകയും ശത്രുവിനെ പോലെ മാറ്റി നിർത്തുകയും ചെയ്യുന്നു. എന്താണ് തന്റെ ജീവിതത്തിൽ സംഭവിച്ചത്.?

അമ്മുവിനെ മാത്രം കണ്ടതേയില്ല. കല്യാണത്തിന് കണ്ടപ്പോൾ എന്തോ ഒരകൽച്ച അവളുടെ പെരുമാറ്റത്തിൽ അനുഭവപ്പെട്ടിരുന്നു. പഴയ സൗഹൃദവും സ്നേഹവും പ്രകടിപ്പിച്ചു താൻ സംസാരിക്കാൻ ശ്രമിച്ചപ്പോൾ പേരിനു മാത്രം ഒന്ന്രണ്ട് വാക്കുകൾ മിണ്ടിയെന്നു വരുത്തി അവൾ തന്നിൽ നിന്ന് അകന്ന് മാറി.

അന്ന് കാട്ടിൽ നിന്ന് രക്ഷപ്പെടുത്തി മടങ്ങിയപ്പോൾ, അവൾ പുലരാൻ തുടങ്ങുന്ന അരണ്ട വെട്ടത്തിൽ വസ്ത്രം ധരിക്കാൻ മടിച്ചു നിന്നത് വാഹിദ് ഓർത്തു. തനിക്ക് മുന്നിൽ ആ ഇളം