Chapter Title : മരുഭൂമിയിൽ പെയ്ത മഴ [ജോൺ എബ്രഹാം]

കാണാൻ പറ്റുമോ?"

​അവൾ ഉടനെ മറുപടി നൽകി, "നോക്കാം... നാളെ പോകുന്നതിന് മുൻപ് നീ ഒന്നുകൂടി മെസ്സേജ് അയക്ക്. അപ്പോൾ പറയാം."

​എന്നിട്ട് അവൾ ഒരു "Good Night" കൂടി അയച്ചു. ആ മെസ്സേജും നോക്കി, നാളത്തെ ആ കൂടിക്കാഴ്ച നടക്കുമോ എന്നോർത്ത് ഞാൻ മെല്ലെ ഉറക്കത്തിലേക്ക് വഴുതി വീണു.

പിറ്റേ ദിവസം രാവിലെ, ഞാൻ മീറ്റിംഗിന് പോകാൻ റെഡിയായി നിൽക്കുമ്പോഴാണ് അവളുടെ മെസ്സേജ് വന്നത്: "Good morning Spiderman... മീറ്റിംഗിന് പോയോ?"

​ഞാൻ റിപ്ലൈ ഇട്ടു: "ഇല്ല, റെഡിയായിക്കൊണ്ടിരിക്കുന്നു."
​"ഓക്കേ..." അവൾ മറുപടി നൽകി.

​വൈകുന്നേരം കാണാൻ പറ്റുമോ എന്ന് ഒന്നുകൂടി ഉറപ്പിക്കാൻ വേണ്ടി ഞാൻ ചോദിച്ചു: "അപ്പോ വൈകുന്നേരം കാണാൻ പറ്റില്ലേ?"

​"മീറ്റിംഗ് കഴിഞ്ഞിട്ട് മെസ്സേജ് ഇട്, അപ്പോൾ നോക്കാം..." എന്നായിരുന്നു അവളുടെ മറുപടി.
​ഒന്നുകൂടി ഉറപ്പിക്കാൻ വേണ്ടിയാണ് ഞാൻ അത് ചോദിച്ചതെന്ന് ആതിരയ്ക്ക് മനസ്സിലായിക്കാണും എന്ന് ഞാൻ വെറുതെ വിചാരിച്ചു. എന്തായാലും മീറ്റിംഗ് കഴിഞ്ഞ് അവളുടെ ആ പച്ചക്കൊടിക്ക് വേണ്ടിയുള്ള കാത്തിരിപ്പിലായിരുന്നു ഞാൻ.

മീറ്റിംഗ് തുടങ്ങിയപ്പോൾ തന്നെ ഞാൻ ഫോൺ സൈലന്റ് ആക്കിയിരുന്നു. പക്ഷേ മനസ്സ് മുഴുവൻ ഫോണിലായിരുന്നു. അഞ്ച് മണിക്ക് മീറ്റിംഗ് കഴിഞ്ഞ് പുറത്തിറങ്ങിയ ഉടനെ ഞാൻ ഫോൺ എടുത്തു നോക്കി. ആതിരയുടെ മെസ്സേജ് വന്നിട്ടുണ്ട്: "കഴിഞ്ഞോ മീറ്റിംഗ്?"
​ഞാൻ ഉടനെ അവളെ വിളിച്ചു. ഫോൺ എടുത്ത പാടെ അവൾ ചോദിച്ചു, "എവിടെയാണ് ഇപ്പോൾ ഉള്ളത്?"

​"ഞാൻ ഇപ്പോൾ വൈറ്റിലയിലാണ്." ഞാൻ മറുപടി നൽകി.

​"ഓക്കേ... എങ്കിൽ നേരെ മെട്രോ എടുത്ത് ടൗൺഹാൾ സ്റ്റേഷനിൽ ഇറങ്ങൂ. ഞാൻ അവിടെ വെയിറ്റ് ചെയ്യാം."