മരുഭൂവിൽ ഒരു മരുപ്പച്ച 2

Marubhoovil Oru Marupacha Part 2 | Author : Manu | Previous Part

"എന്തു ധൈര്യത്തിലാടാ നീയെന്നെ ഉമ്മവെച്ചത്?" ചേച്ചി മെല്ലെ കവിൾ തുടച്ചു.. "ധൈര്യത്തിലല്ല ചേച്ചീ, ഇഷ്‌ടത്തിലാണ് ഉമ്മ വെച്ചത്...." സ്വതവേ ചുവന്ന കവിളുകൾ ഒന്നുകൂടി തുടുത്തു...കണ്ണുകൾ നിറഞ്ഞു... "കരയല്ലേ ചേച്ചീ, ഇഷ്‌ടായതുകൊണ്ടല്ലേ ഞാൻ"... സോറി "അതല്ലെടാ, ഇത്രയും സ്നേഹത്തോടെ ഒരു ചുംബനം എനിക്കിതുവരെ കിട്ടിയിട്ടില്ല" ചേച്ചി എനിക്കഭിമുഖമായി കസേര തിരിച്ചു. "ശരിക്കും?" "ഉം"******** ശരിയുടെയും തെറ്റിന്റെയും രസകരമായ ചില വസ്തുതകൾ പറയാം, ശരിയും തെറ്റും എന്നുമെപ്പോഴും ശരിയോ തെറ്റോ ആയിരിക്കണമെന്നില്ല, ശരിയുടെ 'മൂർദ്ധന്യതയിൽ' ചെറിയൊരു തെറ്റ് ചിലപ്പോൾ വലിയൊരു ശരിയായിരിക്കാം..എന്റെ ശരി പലപ്പോഴും എന്റേതുമാത്രമായിരിക്കാം, തിരിച്ചും . ആദ്യ ചുംബനം ഒരു ചെറിയ തെറ്റ് ആയിരുന്നു... പക്ഷേ ചേച്ചിയുടെ കവിളിനെ തഴുകിയ ആനന്ദകണ്ണുനീർ  എന്റെ ചുംബനം ശരിയായിരുന്നെന്ന് എന്നോട് പറഞ്ഞു കൊണ്ടിരുന്നു...

ഉച്ചക്കുശേഷം ഞാൻ മനപ്പൂർവ്വം ഡ്യൂട്ടിക്ക് പോയില്ല, സ്നേഹാതിരേകത്താൽ പകർന്നു നൽകിയ ചെറിയൊരുചുംബനം, ആ നേരത്തെ ചെറിയൊരു ശരി എന്റെ മനസ്സിൽ അപ്പോഴേക്കും മഹാമേരു കണക്കെ വലിയൊരു തെറ്റായി വളർന്നു കഴിഞ്ഞിരുന്നു.. കുറ്റബോധം എന്റെ തലയെ ബ്ലാങ്കെറ്റിനുളളിലാക്കി.. "എന്ത് പറ്റിയെടാ, പനിക്കുന്നുണ്ടോ? റൂംമേയ്റ്റ് സലാം ചോദിച്ചു.. "ഒന്നുല്ലാ, ഒരുശാറില്ല"ഞാൻ ആലോചിക്കുകയായിരുന്നു, എന്തുപറ്റി എനിക്ക്?, എന്റെ സ്വപ്‌നങ്ങൾ? ഞാൻ എന്നോടുതന്നെ ചെയ്ത പ്രതിജ്ഞകൾ? (..നിസ്സഹായമായൊരവസ്ഥയിൽ പ്രധിരോധിക്കാനാവാതെ ഏതെങ്കിലുമൊരു സ്ത്രീ വേദനിക്കുന്നത് നിങ്ങൾ കണ്ടിട്ടുണ്ടോ?, അതും നിങ്ങൾ കാരണം...എന്നാൽ അങ്ങിനെയുണ്ടായി, ഞാൻ കാരണം തന്നെ...വേദനയുടെയും വെറുപ്പിന്റെയും നിന്ദ്യമായ ആ നോട്ടം ഞാൻ ഏറ്റുവാങ്ങിയിട്ടുണ്ട്.....നാട്ടിലുള്ള സകലരുടെയും സ്വപ്നദേവതയായിരുന്ന 'പൊന്നമ്മചേച്ചി'