Chapter Title : മസാജ് തെറാപ്പിസ്റ്റ് 5 [Eros – God of Lust]

സ്വതന്ത്രമായി സന്തോഷത്തോടെ ചിരിക്കുന്ന ധ്വനിയെ കണ്ടപ്പോ കുറച്ച് നേരത്തേക്ക് ഞാൻ വായും പൊളിച്ച് ഇമ വെട്ടാതെ നോക്കി നിന്നുപോയി.

“ജിനു, പബ്ലിക് സ്ഥലത്ത്‌ ഇങ്ങനെ വാ പൊളിച്ച് നിക്കല്ലേ…!” നാണിച്ച് ചിരിച്ചുകൊണ്ട് വന്നിട്ട് എന്റെ കൈയിൽ അവൾ പതിയെ നുള്ളി.

ഞാൻ പെട്ടന്ന് പരിസര ബോധം വന്ന് വായ അടച്ചിട്ട് അവളെ അടിമുടി നോക്കി. പെണ്ണ് ആകെ മാറിയിരിക്കുന്നു. അല്ലെങ്കിൽ തന്നെ അവള്‍ക്ക് നല്ല ഭംഗിയാണ്, പക്ഷേ ആ ഭംഗി ഇപ്പൊ മറ്റൊരു തലത്തിലേക്ക് ഉയർന്നിരിക്കുന്നു.

ചില ആളുകളൊക്കെ അവളുടെ മേക്കപ്പ് പോലും ഇടാതെയുള്ള നാച്വറല്‍ ഭംഗിയെ നോക്കി ആസ്വദിക്കുന്നതും ഞാൻ കണ്ടായിരുന്നു. പക്ഷേ ആ നോട്ടം ഒന്നും മോശമായ തരത്തിൽ അല്ലായിരുന്നു.

“എങ്ങനെ, കൊള്ളാമോ..?” ഉത്സാഹത്തോടെ ചോദിച്ചിട്ട് അവൾ ഒന്ന് വട്ടം കറങ്ങി നിന്നു.

“നോക്കിയേ, എത്ര ആളുകളാണ് നിന്നെ നോക്കുന്നത്…? അപ്പോ പിന്നെ അങ്ങനെ ചോദിക്കേണ്ട കാര്യമുണ്ടോ..?” ചിരിച്ചുകൊണ്ട് ഞാൻ ചോദിച്ചു. പക്ഷേ ആരൊക്കെയാണ് അവളെ നോക്കുന്നതെന്ന് അവള്‍ മൈന്റ് പോലും ചെയ്തില്ല. അവൾ എന്റെ കണ്ണില്‍ മാത്രം നോക്കി.

“ആരെങ്കിലുമൊക്കെ നോക്കിക്കോട്ടേ, അതിൽ നിന്നൊക്കെ എന്തെങ്കിലും മനസ്സിലാക്കാൻ എനിക്ക് താൽപര്യമില്ല.” അവൾ പെട്ടന്ന് സീരിയസ്സായി പറഞ്ഞു. “നി പറ ജിനു, നിന്റെ അഭിപ്രായം മാത്രമാണ് എനിക്ക് വേണ്ടത്.”

“ഓ….!” ചെറുതായി ഞാൻ അന്ധാളിച്ച് ഞാൻ പെട്ടന്ന് ചുറ്റിലും നോക്കി. അങ്ങിങ്ങായി നടക്കുന്ന കുറെ ആളുകൾ ഇപ്പോഴും അവളെ വിടര്‍ന്ന കണ്ണുകളോടെ നോക്കുന്നുണ്ടായിരുന്നു. “കൊള്ളാമോ എന്ന് ചോദിച്ചാൽ എന്ത് പറയാനാ..? നിന്റെ ഭംഗിയാണ് ഹൈലൈറ്റ്, ഭയങ്കരമായി ആകര്‍ഷിക്കുന്നു. പിന്നെ നിന്റെ ഔട്ട്ഫിറ്റും അടിപൊളിയാണ്.” അവളെ