Chapter Title : മസാജ് തെറാപ്പിസ്റ്റ് 5 [Eros – God of Lust]

മൊബൈൽ അവളെ ഏല്പിച്ചിട്ട് വണ്ടി ഓടിക്കുന്നതിൽ ശ്രദ്ധിച്ചു. ഏകദേശം രണ്ട് മണിക്കൂറോളം അവർ മൂന്ന്‌ പേരും സംസാരിച്ച ശേഷമാണ് നിര്‍ത്തിയത്.

“നിനക്ക് എങ്ങനെയാണ് ഇത്രയും നല്ല ആൾക്കാരേ കിട്ടിയത്..?” കോൾ കഴിഞ്ഞ് ധ്വനി എന്നോട് ചോദിച്ചു.

“ഭാഗ്യം കൊണ്ടായിരിക്കും.” ചിരിച്ചുകൊണ്ട് ഞാൻ പറഞ്ഞു.

അതിന്‌ അവളും ചിരിച്ചു. പക്ഷേ ആ ചിരിയില്‍ ചെറിയ സങ്കടം ഉണ്ടായിരുന്നു.

“നിന്റെ നാട്ടില്‍ പോയി ഞാൻ സെറ്റിലായിട്ട് സമയം കിട്ടുന്നത് പോലെ എന്നെ വന്ന് നേരിട്ട് കാണണമെന്ന് അവർ പറഞ്ഞിട്ടുണ്ട്. എത്ര പെട്ടന്നാണ് എനിക്ക് നല്ല ഫ്രണ്ട്സിനെ കിട്ടുന്നത്..!!” അവൾ എന്തോ ആലോചിക്കും പോലെ പുറത്തേക്ക്‌ നോക്കി പുഞ്ചിരിച്ചു.

ഞാൻ അവളെ ശല്യം ചെയ്യാതെ അവളുടെ ചിന്തയില്‍ തന്നെ വിട്ടു. അര മണിക്കൂര്‍ കഴിഞ്ഞാണ് അവൾ പിന്നെയും എന്നോട് ഓരോന്ന് സംസാരിക്കാൻ തുടങ്ങിയത്‌.

ഒടുവില്‍, രാത്രി പതിനൊന്ന് മണിയോടെ, മഹാരാഷ്ട്രയിലുള്ള സോലാപൂർ എന്ന സ്ഥലത്ത്‌, ഞാൻ സ്ഥിരമായി റൂം എടുക്കാറുള്ള, വലിയ ഹോട്ടലിൽ പോയി.

“അടുത്തടുത്തായി രണ്ട് റൂമുകൾ ഉണ്ടോന്ന് ചോദിച്ച് നോക്കാം.” ഹോട്ടലിന് പുറത്ത്‌ വച്ച് അവളോട് ഞാൻ പറഞ്ഞു.

“ജിനു, നമ്മൾ രാവിലെ നാല്‌ മണിക്ക് ഇവിടെ നിന്ന് തിരിക്കുമെന്നല്ലേ നീ പറഞ്ഞത്. വെറും നാലോ അഞ്ചോ മണിക്കൂര്‍ റസ്റ്റ് എടുക്കാനായി എന്തിനാ രണ്ട് റൂം. ഒന്ന് മതി.” അവള്‍ പറഞ്ഞു.

“ധ്വനി നമ്മൾ ഒരുമിച്ച്—”

“എനിക്ക് നിന്നെ വിശ്വാസമാണ് ജിനു.”

“എന്നാലും ധ്വനി—”

“നിന്റെ കൈയിൽ ഒരുപാട്‌ കാശുണ്ടെന്നറിയാം. അതുകൊണ്ട്‌ അതിന്റെ വില നിനക്കറിയില്ലേ. പക്ഷേ എനിക്കറിയാം. ഒരു റൂം മാത്രം ബുക്ക് ചെയ്താല്‍ മതി ജിനു.