Chapter Title : മസാജ് തെറാപ്പിസ്റ്റ് 5 [Eros – God of Lust]

ആളുകൾ വെയിറ്റ് ചെയ്തോളും, ഇനി നീ പോയി മര്യാദക്ക് കൈയും മുഖവും കഴുകീട്ട് വേഗം എന്റെ വീട്ടിലേക്ക് വാ.

ഫുഡ് കഴിച്ചിട്ട് മതി ഇനി നിന്റെ ജോലി.” ഗ്രേയ്സി ചേച്ചി അധികാരത്തോടെ എന്നോട് പറഞ്ഞിട്ട് സ്വന്തം മോളെ നോക്കി പറഞ്ഞു, “ഷിജി മോളെ, ഈ അങ്കിളേ വിശ്വസിക്കാന്‍ പറ്റില്ല, അതുകൊണ്ട്‌ മോള് അങ്കിളിന്റെ കൂടെ നിന്ന് അങ്കിളേ അങ്ങോട്ട് കൂട്ടിക്കൊണ്ടു വാ.” അത്രയും പറഞ്ഞിട്ട് എന്റെ മറുപടിക്ക് പോലും വെയിറ്റ് ചെയ്യാതെ ചേച്ചി വേഗം പുറത്തേക്ക്‌ പോയി. ഷിജി മോളെ ചിരിച്ചുകൊണ്ട് അവിടെ തന്നെ നിന്നു.

ഞാൻ കഴിച്ചു തീരുന്നത് വരെ എല്ലാവരും ഇവിടെതന്നെ വെയിറ്റ് ചെയ്യാനായി ചേച്ചി വെയിറ്റിങ് ഏരിയയിൽ ഇരിക്കുന്ന ആൾക്കാരോട് പറയുന്നതും എനിക്ക് കേൾക്കാമായിരുന്നു.

ഗ്രേയ്സി ചേച്ചി എന്റെ സ്വന്തം ചേച്ചിയെ പോലെയാണ്. എന്നെ സ്വന്തം അനിയനായി കണ്ട് എന്നോട് അതിന്റേതായ അധികാരവും കാണിക്കാറുണ്ട്. ചേച്ചിയുടെ ഭർത്താവും എന്നെ ഒരു കുടുംബ അംഗത്തെ പോലെ തന്നെയാണ് കാണുന്നത്. ചേച്ചിയുടെ ഭർത്താവ് അവരുടെ വീട്ടില്‍ നിന്നും അര കിലോമീറ്റർ മാറി, മത്സ്യബന്ധന സാമാഗ്രികൾ വില്‍ക്കുന്ന ഒരു വലിയ സ്റ്റോർ നടത്തുകയാണ്. ഷിജി മോളും എന്നെ സ്വന്തം അങ്കിളായിട്ടാണ് കാണുന്നത്. അവള്‍ക്ക് എന്നെ ഭയങ്കര ഇഷ്ട്ടവുമാണ്. അവളിപ്പോ ഏഴിൽ പഠിക്കുന്നു, അടുത്തുള്ള ഒരു ഇംഗ്ലീഷ് മീഡിയം സ്കൂളിൽ.

ഷിജി മോള്ക്ക് എന്റെ ഗ്രീന്‍ ഹൗസും തോട്ടവുമൊക്കൈ ഭയങ്കര ഇഷ്ട്ടമാണ്. അവള്‍ക്ക് ഒഴിവ് കിട്ടുമ്പോഴൊക്കെ എന്റെ കൂടെ എന്റെ എന്റെ ഗ്രീന്‍ ഹൗസും തൊട്ടത്തിലുമൊക്കെ വന്ന് സഹായിക്കാറുണ്ട്. ഗ്രീൻ ഹൗസും തോട്ടവും പരിചരിക്കേണ്ട വിധമൊക്കെ അവൾ എന്നോട്