Chapter Title : മസാജ് തെറാപ്പിസ്റ്റ് 6 [Eros – God of Lust]

പറഞ്ഞു കൊടുക്കുന്നുണ്ട്.” സ്വർണ്ണ ചെറിയൊരു കുസൃതി ചിരിയോടെ അവളുടെ അച്ഛനെ നോക്കി ഭീഷണിപ്പെടുത്തി.

“എടി മോളെ, കുരുത്തക്കേടൊന്നും കാണിക്കലെ..!” അയാള്‍ കരകരത്ത ഒരു ചെറിയ റഫ് ചിരിയോടെ സ്വർണ്ണയുടെ തോളിൽ കൈ വച്ചമർത്തി.

“ആ കൊച്ചനെന്താ പുറത്ത്‌ തന്നെ നിന്നു കളഞ്ഞത്, കേറി വാ കൊച്ചനേ.” അന്നേരം അപ്പച്ചൻ ഉറക്കെ പറഞ്ഞിട്ട് മെല്ലെ എഴുനേറ്റിരുന്നു.

അപ്പോ ആ അമ്മച്ചി എഴുനേറ്റ് ചെറിയ കൂനലോടെ നടന്നുവന്ന് സ്വർണ്ണയുടെ അടുത്തായി നിന്നിട്ട് എന്നെ നോക്കി പുഞ്ചിരിച്ചു. “കഴിഞ്ഞ തവണ കണ്ടതേക്കാളും നീ ക്ഷീണിച്ച് പോയല്ലോ ചെറുക്കാ.”

“അത്രയ്ക്ക് തിരക്കായിരുന്നു അമ്മാമ്മേ.” പുഞ്ചിരിയോടെ ഞാൻ പറഞ്ഞു.

“മ്ഹും കേറി വാ. ഞാൻ പോയി കുടിക്കാന്‍ എന്തെങ്കിലും എടുക്കാം.” അമ്മച്ചി മെല്ലെ വീട്ടിനകത്തേക്ക് നടന്നുപോയി.

“അപ്പോ തുടങ്ങാം, അല്ലേ..?” സ്വർണ്ണയോട് ഞാൻ ചോദിച്ചു.

“തുടങ്ങാം. ജിനു വരൂ.”

ഞാൻ എന്റെ ട്രോളി ബാഗുമായി കേറി പോയപ്പോ അവർ രണ്ടുപേരും വഴിയില്‍ നിന്നും മാറി.

ഞാൻ പൂമുഖത്ത് കേറി അവര്‍ക്ക് മുന്നിലായി നിന്നു.

“വേറെ ആരെയും കാണുന്നില്ലല്ലോ സർ..?” അകത്ത് ഹാളിലൊക്കെ എന്റെ കണ്ണുകൾ പരത്തി കൊണ്ട്‌ ഞാൻ പറഞ്ഞു.

“അവർണ മോള് അവളുടെ ഭർത്താവിന്റെ വീട്ടില്‍ ഒരാഴ്ച നില്‍ക്കാന്‍ പോയി. ഇന്നലെയാണ് പോയത്.” സുബാഷ് സർ പറഞ്ഞു. “പിന്നെ കാര്‍ത്തിക മോള് അവളുടെ ഫാഷന്‍ ഡിസൈൻ വർക്ക്സിനായി വേണ്ട ഫാബ്രിക്ക് മെറ്റീരിയൽസും മറ്റും ബൾക്കായി എടുക്കുന്നതിന് വേണ്ടി എന്റെ ഭാര്യയെയും കൂട്ടി എറണാകുളത്ത് പോയിരിക്കുകയാണ്. വെളുപ്പിനെ പോയി. അത്രയും ദൂരമുള്ളത് കൊണ്ട്‌ തിരികെയെത്താൻ രാത്രിയാകും. വണ്ടി കൊണ്ടുപോയത് കൊണ്ട്‌ അവര്‍ക്ക് നല്ല ഈസിയായിരിക്കും.”