Chapter Title : മസാജ് തെറാപ്പിസ്റ്റ് 8 [Eros - God of Lust]

മേല്‍ വീണു.

റിഥി എന്തോ മനസ്സിലാക്കാൻ ശ്രമിക്കും പോലെ എന്റെ കണ്ണുകളിൽ കൂർപ്പിച്ചു നോക്കി.

“കർണ്ണാടകയിലുള്ള എന്റെ ഒരു ലാബിൽ നിന്നും കോൾ വന്നുകൊണ്ടിരിക്കുകയാണ്. അതാ വേഗം കഴിച്ചിട്ട് എണീറ്റത്.” ഞാൻ മറുപടി കൊടുത്തു.

“എന്നാ പിന്നെ കോൾ എടുത്ത് ചേട്ടന് സംസാരിച്ചൂടേ..? എന്തെങ്കിലും അർജന്റായിരിക്കും.” ഒടുവില്‍ റിഥി എന്നോട് സംസാരിച്ചു.

“കഴിക്കുന്നതിനിടയ്ക്കും, ആളുകള്‍ക്കടുത്ത് വച്ചും അച്ചാച്ചൻ ബിസിനസ്സ് കോളുകൾ എടുക്കാനും സംസാരിക്കാറുമില്ല.” ജെസ്സിയാണ് റിഥിക്കുള്ള മറുപടി കൊടുത്തത്. എന്നിട്ട് എന്നോട് പൊയ്ക്കോളാൻ ജെസ്സി കണ്ണുകൾ കൊണ്ട്‌ പറഞ്ഞു.

ഞാനും അവള്‍ക്ക് ഒരു പുഞ്ചിരി കൊടുത്തിട്ട് വേഗം അവിടം വിട്ടു. എന്റെ പ്ലേറ്റ് കഴുകി വച്ചിട്ട് ഞാൻ എന്റെ റൂമിൽ ചെന്ന് റെഡിയായ ശേഷം വേഗം പുറത്ത്‌ എന്റെ വണ്ടിക്കടുത്തേക്ക് വന്നു. വണ്ടി പരിശോധിച്ച് റെഡിയാക്കിയ ശേഷം ഞാൻ അകത്ത് കയറിയിരുന്ന് വണ്ടി സ്റ്റാര്‍ട്ട് ചെയ്തിട്ട് ലാബിലേക്ക് വിളിച്ചു.

അവിടെ സംസാരിച്ച ശേഷം എന്റെ മറ്റുള്ള ചില ലാബുകളിലും ഞാൻ വിളിച്ച് ചില കാര്യങ്ങൾ തിരക്കിയ ശേഷം കുറെ നിര്‍ദേശങ്ങളും ഞാൻ കൊടുക്കാൻ തുടങ്ങി. ധ്വനിയുടെ ദേഹത്തുള്ള പാടുകള്‍ മാറ്റാനുള്ള അപൂര്‍വ ഔഷധം ഉണ്ടാക്കാനുള്ള ചില ഔഷധ കൂട്ടുകൾ തയ്യാറാക്കി വയ്ക്കാൻ വേണ്ടി ഡെല്‍ഹിയിൽ വരുന്നതിന് മുമ്പ്‌ ഞാൻ എന്റെ ചില ലാബുകളിൽ വിളിച്ച് നിര്‍ദേശിച്ചിട്ടുണ്ടായിരുന്നു. അതിന്റെ രഹസ്യ ഫോര്‍മുലയും, തയ്യാറാക്കാനുള്ള നിര്‍ദേശങ്ങളും ഞാൻ കൊടുത്തിട്ടുണ്ടായിരുന്നു. അങ്ങനെയാവുമ്പോ ഞാൻ തിരികെ നാട്ടില്‍ പോയശേഷം പല ലാബുകളിലായി തയ്യാറാക്കിയ ആ ഔഷധ കൂട്ടുകളൊക്കെ ശേഖരിച്ച ശേഷം എന്റെ ചില രഹസ്യ കൂട്ടുകളും ഉണ്ടാക്കിയ ശേഷം വേഗത്തിൽ ധ്വനിയുടെ ഔഷധ