Chapter Title : മൗനവസന്തം 1 [കബനീനാഥ്]

ആ രഹസ്യം അവരുടെ ബന്ധങ്ങളിൽ എന്തൊക്കെ മാറ്റങ്ങൾ വരുത്തുമെന്ന് അപ്പോൾ അവൾക്ക് അറിയില്ലായിരുന്നു…

*************************************************

കാർ പാർക്കിങ്ങിൽ നിർത്തിയപ്പോൾ ഷാനു ആദ്യം പുറത്തിറങ്ങി. ഡിക്കി തുറന്ന് സൂസന്റെ സ്യൂട്ട്കേസ് എടുത്തു. അവൾ കാറിൽ നിന്നിറങ്ങി ചുറ്റുമൊന്ന് നോക്കി..

“ഇതാണല്ലേ നിങ്ങളുടെ ഫ്ലാറ്റ്?”

“അതെ. ഇവിടെ അടുത്തുതന്നെയാണ് ഓഫീസ്. അതുകൊണ്ട് യാത്രയ്ക്കൊന്നും വലിയ ബുദ്ധിമുട്ടില്ല.”..

“നല്ല സ്ഥലമാണല്ലോ.”

“അകത്തേക്ക് വാ. എന്നിട്ട് പറയാം.”

ഷാനു ബാഗുമായി ലിഫ്റ്റിനടുത്തേക്ക് നടന്നു..

സൂസൻ ഹാൻഡ് ബാഗും എടുത്ത് പിന്നാലെ ചെന്നു.

ലിഫ്റ്റിൽ കയറിയപ്പോൾ അവൾ വീണ്ടും ചോദിച്ചു..

“നീ ഒറ്റയ്ക്കാണോ ഇപ്പോൾ ഇവിടെ?”

“അതെ.”

“അപ്പോൾ ഭക്ഷണമൊക്കെ പുറത്തുനിന്നാണോ?”

“എന്താ ആന്റി, എന്നെ കണ്ടാൽ അങ്ങനെ തോന്നുമോ? ഞാനൊക്കെ നന്നായി പാചകം ചെയ്യും.”

“ആണോ? ഇത്രയും നാളായിട്ട് നിന്റെ ഈ കഴിവിനെക്കുറിച്ച് ഒരക്ഷരം പോലും പറഞ്ഞു കേട്ടിട്ടില്ലല്ലോ.”

“അതിനൊക്കെ ഒരു സമയമുണ്ട്, ആന്റി.”

അവൾ ചിരിച്ചു..

“എന്നാൽ ഈ പത്തു ദിവസവും നിന്റെ പാചകത്തിന്റെ കഴിവ് ഞാനൊന്നറിഞ്ഞിട്ടു തന്നെ കാര്യം”

“അയ്യോ, ഞാൻ ചുമ്മാ പറഞ്ഞയാണേ..!

ഇത്തവണ ഷാനു ശരിക്കും ചിരിച്ചു.

ഒരുപാട് ദിവസങ്ങൾക്കു ശേഷം അവന്റെ മനസ്സു തുറന്നൊരു ചിരി..

ലിഫ്റ്റ് തുറന്നു. ഷാനു മുന്നിൽ നടന്ന് ഫ്ലാറ്റിന്റെ വാതിൽ തുറന്നു..

“വാ, ആന്റി.”

സൂസൻ അകത്തേക്ക് കയറി..

നല്ല വൃത്തിയുള്ള ഫ്ലാറ്റ്. വലിയൊരു ലിവിങ് റൂം. ഒരു വശത്ത് സോഫയും അതിനു മുന്നിൽ ചെറിയൊരു ടീപ്പോയും. ചുമരിനോട് ചേർന്ന് ടെലിവിഷൻ.

ജനലിനരികിൽ കുറച്ച് ഇൻഡോർ ചെടികൾ. ഒരു മൂലയിൽ ചെറിയൊരു ബുക്ക് ഷെൽഫും..

“കൊള്ളാമല്ലോ. നല്ല ഭംഗിയുണ്ട്.”

“ഹെബയാ