Chapter Title : മായാവി 1 [പോക്കർ ഹാജി]

കണ്ട് തന്നെ നോക്കിയ മായാവിയെ നോക്കി ലുട്ടാപ്പി മനസ്സിൽ പറഞ്ഞു

..ഡാ  പേട്ട്‌  കുട്ടിച്ചാത്താ .. ഞാനും  നിന്നെപ്പോലെ  ഒരെണ്ണമാ  എനിക്ക്  നിന്നെ  രക്ഷിക്കാനൊന്നും  അറിയത്തില്ല .ആകെ  അറിയാവുന്നതു  കുന്തം  ഓടിക്കാൻ  മാത്രമാ ..

ലുട്ടാപ്പിയുടെ  ചിന്തകൾ അങ്ങനെ  പോകുമ്പോഴും  കുട്ടൂസൻ  പൂജയുടെ  മൂർദ്ധന്യ  അവസ്ഥയിലേക്ക്  കത്തിക്കയറുകയായിരുന്നു  ..

ഇവിടെ ഇപ്പോൾ  നടക്കുന്ന  കുട്ടൂസന്റെ ഈ പരവേശം പിടിച്ച മന്ത്രവാദത്തിനു കാരണമായ സംഭവം നടക്കുന്നത് അൽപ  ദിവസങ്ങൾക്കു  മുമ്പാണ് …

  * * * *

രാജുവിന്റെയും രാധയുടെയും കളി കണ്ടു മയങ്ങി കിടന്ന  മായാവിയെ ഡാകിനി കുപ്പിയിലാക്കി എന്ന വിവരം ലുട്ടാപ്പി പറഞ്ഞതനുസരിച്ച് കുട്ടൂസനും  ലുട്ടാപ്പിയും  കൂടി  ഡാകിനിയെ അന്വേഷിച്ചിറങ്ങിയതായിരുന്നു .തള്ളയുടെ  വീടിനടുത്ത്  കുന്തം  ലാൻറ്  ചെയ്ത  രണ്ടു  പേരും  കൂടി  വീടിന്റെ  വാതിലിൽ  മുട്ടിവിളിച്ചു

“..ഡാകിനീ .. ഡാകിനീ  വാതിലു തുറ ..ഇത്  ഞാനാ  കുട്ടൂസൻ ..”

അകത്ത്  നിന്നും  വിളി  ഒന്നും  കേൾക്കാഞ്ഞിട്ട് കുട്ടൂസൻ  ലുട്ടാപ്പിയോട്  പറഞ്ഞു.

“..ഡാ  ലുട്ടാപ്പി .., നീയപ്പുറത്തതൊക്കെ  ഒന്ന്  നോക്കിയെടാ .തള്ള  വീട്ടിനകത്തൊന്നുമില്ലെന്ന  തോന്നുന്നേ ..”

ലുട്ടാപ്പി വീടിനു  ചുറ്റും  കറങ്ങിയിട്ടു  വന്നപ്പോഴും  കുട്ടൂസൻ  വാതിലിൽ  മുട്ടി  വിളിച്ചോണ്ടിരിക്കുകയായിരുന്നു .

“..തള്ള  അവിടെങ്ങും  ഇല്ല  കുട്ടൂസാ..”

“..ഏഹ്.. പിന്നെ ഡാകിനിയിതെവിടെ പോയി...”

പെട്ടന്നാണ്  അകത്ത്  നിന്നും  ഞരക്കം  കേട്ടത് .

“..ദേ ..ഡാ ..  അകത്തുണ്ടെന്നു  തോന്നുന്നു  അനക്കം  കേൾക്കുന്നുണ്ട് ..”

“..ഡാകിനീ .. ഡാകിനീ ..വാതില്  തുറ ..ഞാനാ  കുട്ടൂസൻ  “..

കുട്ടൂസൻ വിളിച്ചിട്ട് അനക്കമൊന്നും കേൾക്കാഞ്ഞിട്ട് ലുട്ടാപ്പി ഇടപെട്ടു .

“..ദേ  തള്ളെ  വാതില്