Chapter Title : മഴ മേഘങ്ങൾ 2 [Gibin]

നോക്കിയപ്പോൾ ബാൽക്കണിൽ നിന്നു മഴ നോക്കി നിൽപ്പുണ്ട്. ഞാൻ സമയം നോക്കി. 6:15. ഇരുട്ടി തുടങ്ങി. മഴ ഇപ്പോളും കുറഞ്ഞിട്ടില്ല. ആ മഴ നോക്കി നിന്നു അവൾ കണ്ണീർ തുടയ്ക്കുന്നത് എനിക്ക് കാണാമായിരുന്നു. എന്നാലും ഒന്നും അറിയാത്ത പോലെ ഞാൻ പോയി മിറർ ഗ്ലാസ്‌ തുറന്നു. "ഹാ, നീ ഇവിടെ നിക്കുവായിരുന്നോ?" അനു പെട്ടെന്ന് തിരിഞ്ഞു നിന്നു കണ്ണീർ തുടച്ചിട്ട് ഒന്നും സംഭവിച്ചില്ല എന്ന രീതിയിൽ എന്റെ നേരെ തിരിഞ്ഞു. "നീ ഉണർന്നോ? ഞാൻ വന്നു നോക്കിയപ്പോൾ മൂന്നു പേരും നല്ല ഉറക്കം ആയിരുന്നു. ഞാൻ എന്തായലും ചായ ഇട്ടു വെച്ചു. "ഇതും പറഞ്ഞു അവൾ നേരെ അടുക്കളയിലേക്ക് നടന്നു. ഞാനും പുറകെ നടന്നു. എന്താ ഇവർക്ക് സംഭവിച്ചത് എന്ന് എനിക്ക് അറിയില്ല. എന്താണേലും പ്രശ്നം ഗുരുതരം ആണെന്ന് മനസ്സിലാകുന്നുണ്ട്. അടുക്കളയിൽ അവൾ ചായ ചൂടാക്കുന്ന സമയം ഞാൻ ഗ്ലാസ്‌ കഴുകി എടുത്തു. ആ നേരം നിത്യയും ഉള്ളിലേക്ക് വന്നു. ഞങ്ങൾക്ക് രണ്ടു പേർക്കും ചായ ഒഴിച്ചു തന്നിട്ട് അവൾ പറഞ്ഞു. "താങ്ക്സ്. നിങ്ങൾ രണ്ടു പേരും ഇല്ലായിരുന്നേൽ ഞങ്ങൾ ഇപ്പോൾ പെരുവഴിയിൽ നിന്നേനെ. അങ്ങനെ ഉണ്ടായിരുന്നേൽ ഇപ്പോൾ ഞങ്ങൾ ജീവിച്ചിരിക്കുമോ എന്ന് പോലും അറിയില്ലാരുന്നു." നിത്യ അവളെ നോക്കി പറഞ്ഞു. "സഹായം ചോദിച്ചു വരുന്നവരെ തിരിച്ചു അയക്കരുത് എന്ന് ശ്രേയ തന്നെയാ എന്നെ പഠിപ്പിച്ചത്. എന്നാൽ ആ ശ്രേയ തന്നെ നിങ്ങളെ ആരോ കൊല്ലാൻ പോകുവാ എന്ന് അറിഞ്ഞുകൊണ്ട് നിന്നെ ഇറക്കി വിടണം എങ്കിൽ നിങ്ങൾ തമ്മിൽ എന്തോ വലിയ പ്രശ്നം ഉണ്ട്. അതു എന്താണെന്ന് എനിക്ക് അറിയണം." അനു ആ ചോദ്യത്തിന് ഒന്ന് പതുങ്ങി. എന്നിട്ട് ഉത്തരം പറഞ്ഞു. " ചെറുപ്പം മുതൽ കുവൈറ്റിൽ വളർന്ന എനിക്ക് കേരളത്തിൽ പഠിക്കാൻ അവസരം കിട്ടിയപ്പോൾ പേടി ആയിരുന്നു. ആ പേടിയോടെ പ്ലെയിൻ കേറി. ആ ഫ്ലൈറ്റിൽ ശ്രേയ ഉണ്ടായിരുന്നു. എന്റെ വിഷമം ഒക്കെ കണ്ടു ഇവിടെ വരുന്ന വരെ അവൾ സംസാരിച്ചു കൊണ്ടേ ഇരുന്നു. എന്റെ ടെൻഷൻ ഒക്കെ മാറി. അവൾ അന്ന് മുതൽ എന്നും എന്നെ