Chapter Title : മഴയത്തു വന്ന മോഹം 5 [Vashalan]

എഴുന്നേൽക്കേണ്ട കാര്യമില്ലായിരുന്നു. ജിത്തുവും കലോത്സവത്തിന് പോയിരുന്ന ബാക്കി കുറച്ചുപേരും അവരവരുടെ സീറ്റുകളിൽ നിന്ന് എഴുന്നേറ്റു നിന്നു. മിസ്സ് മുൻനിരയിൽ നിന്ന് ഓരോരുത്തരുടെയും പേര് ചോദിച്ച് പരിചയപ്പെടാൻ തുടങ്ങി.

​ജിത്തുവിന്റെ ഊഴമെത്തിയപ്പോൾ മിസ്സിന്റെ ശ്രദ്ധ നേരെ പോയത് അവന്റെ കവിളിലേക്കാണ്. രാവിലെ എന്റെ കയ്യിൽ നിന്ന് കിട്ടിയ അടിയുടെ ആ വലിയ ചുവന്ന പാട് അവിടെ നല്ല ഒന്നാന്തരം തെളിഞ്ഞു കിടപ്പുണ്ടായിരുന്നു.

​അത് കണ്ടിട്ട് മിസ്സ് ഒരു ചെറിയ കുസൃതിയോടെ അവനോട് ചോദിച്ചു: "എന്താ പേര്? ജിത്തു... അല്ലെ? അല്ല

ജിത്തൂ, കവിളിൽ എന്താ ഒരു വലിയ ചുവന്ന പാട്? ഇന്നലെ കലോത്സവത്തിന് പോയി ഡാൻസ് കളിച്ചപ്പോൾ സ്റ്റേജിൽ നിന്ന് താഴെ വീണതാണോ? അതോ അവിടെവെച്ച് ആരെങ്കിലും വക വല്ല 'സമ്മാനവും' കിട്ടിയതാണോ?"

​ഇതു കേട്ടതും ക്ലാസ്സിലെ പിള്ളേരെല്ലാം കൂടി ജിത്തുവിനെ നോക്കി ആർത്തു ചിരിക്കാൻ തുടങ്ങി. രാവിലെ അവന് എന്റെ കയ്യിൽ നിന്ന് കിട്ടിയ എട്ടിന്റെ പണിയുടെ കാര്യം ക്ലാസ്സിൽ എല്ലാവർക്കും അറിയാമല്ലോ. ആ ചിരി കൂടിയായപ്പോൾ അവന് നിൽക്കപ്പൊറുതിയില്ലാതായി.

​എല്ലാവരും കൂടി തന്നെ കളിയാക്കി ചിരിക്കുന്നത് കണ്ടപ്പോൾ ജിത്തുവിന് ശരിക്കും നാണക്കേടും അതിലേറെ ദേഷ്യവും വന്നു. അവൻ പെട്ടെന്ന് ഒരു കലിപ്പിൽ മിസ്സിനോടായി പറഞ്ഞു: "അതൊക്കെ എനിക്ക് വീണപ്പോ പറ്റിയതാ... അത് മിസ്സ് അന്വേഷിക്കേണ്ട

കാര്യമില്ലല്ലോ. പേര് ചോദിച്ചില്ലേ, ക്ലാസ്സ് തീരാറാവുകയും ചെയ്തു... ഇനി ഞാൻ ഇരുന്നോട്ടെ?"

​ഒരു വിദ്യാർത്ഥിയിൽ നിന്ന് ഒട്ടും പ്രതീക്ഷിക്കാത്ത ആ പരുക്കൻ മറുപടി കേട്ടപ്പോൾ മിസ്സ് ശരിക്കും വല്ലാതെയായിപ്പോയി. എല്ലാവരുടെയും മുന്നിൽ വെച്ച് അവൻ അങ്ങനെ പറഞ്ഞപ്പോൾ ആ വെളുത്ത