Chapter Title : മഴയ്ക്ക് ശേഷം 2 [Ruther]

അവൾ എന്റെ അടുത്ത് വന്ന് നിന്നു.

“ഒരു കാര്യം ചോദിച്ചോട്ടെ?”

ഞാൻ തല ഉയർത്തി നോക്കി.

“ചോദിക്ക്.”

“നീ എപ്പോഴും ഇത്ര സീരിയസ് ആണോ?”

“ഞാനോ?”

“മ്മ്.”

“അതെന്താ അങ്ങനെ ചോദിച്ചത്?”

“നീ ആരോടും അങ്ങനെ അധികമായി സംസാരിക്കാറില്ല. ആരുടെ കാര്യത്തിലും ഇടപെടാറില്ല. നിന്നെ ബാധിക്കാത്ത കാര്യങ്ങൾ നീ നോക്കാറേയില്ല.”

“അത് സീരിയസ് ആയതുകൊണ്ടല്ല. എനിക്ക് എന്റെ സമാധാനമാണ് ഏറ്റവും വലുത്. വെറുതെ ആവശ്യമില്ലാത്ത കാര്യത്തിൽ ഇടപെട്ട് ഉള്ള സമാധാനം കളയുന്നതെന്തിനാ?”

അവൾ ചിരിച്ചു.

“അത് നല്ല കാരണം ആണ്.”

“സത്യം.”

അവൾ കുറച്ചുനേരം അവിടെ നിന്നു.

“എനിക്ക് കുറച്ച് സംസാരിക്കാൻ ഉണ്ട്. നിന്റെ അഭിപ്രായം അറിയാനാണ്.”

“എന്താ?”

“നാളെ പറയാം.”

“അപ്പോൾ ഇന്ന് എന്തിനാ പറഞ്ഞത്?”

അവൾ വീണ്ടും ചിരിച്ചു.

“നാളെ മറക്കാതിരിക്കാൻ.”

“അതുശരി, കളിയാക്കുവാണോ?”

അവൾ ചിരിച്ചുകൊണ്ട് പുറത്തേക്ക് പോയി.

അടുത്ത ദിവസം വൈകുന്നേരം അവൾ വീണ്ടും വന്നു.

“ജോലി കഴിഞ്ഞോ? ഒരു ചായ കുടിക്കാൻ പോയാലോ?”

“എങ്കിൽ അണ്ണന്റെ കടയിൽ പോകാം. അതാണ് എന്റെ സ്ഥിരം സ്ഥലം.”

“ശരി. എങ്കിൽ ഞാൻ പുറത്ത് വെയിറ്റ് ചെയ്യാം.”

അങ്ങനെ ഞങ്ങൾ രണ്ടുപേരും ഒരുമിച്ച് അണ്ണന്റെ കടയിലേക്ക് നടന്നു.

ചായ കുടിക്കുന്നതിനിടക്ക് അവൾ ഓഫീസിലുള്ള അവളുടെ പ്രശ്നങ്ങൾ എന്നോട് പറഞ്ഞു. ഒരു സഹപ്രവർത്തകനോടുള്ള മിസ്അണ്ടർസ്റ്റാൻഡിങ്. കാര്യം വളരെ ചെറിയതായിരുന്നു, പക്ഷേ അവൾ അതിനെക്കുറിച്ച് ഒരുപാട് ചിന്തിച്ചിരുന്നു.

ഞാൻ അവളുടെ മുഴുവൻ കഥയും കേട്ടിട്ട് പറഞ്ഞു,

“ഇതൊക്കെ നീ ഇത്രയും സീരിയസ് ആയി എടുക്കേണ്ട കാര്യമില്ല.”

അവൾ എന്നെ നോക്കി.

“നിനക്ക് പറയാൻ എളുപ്പമാണ്. ഞാനല്ലേ ഇവിടെ