Chapter Title : മഴയ്ക്ക് ശേഷം 3 [Ruther]

ഞാൻ അവളെ നോക്കി.

അവൾ ഒന്നും പ്രത്യേകിച്ച് പ്രതീക്ഷിക്കുന്നതുപോലെ തോന്നിയില്ല. വെറുതെ ചോദിച്ചതുപോലെ.

“നിനക്ക് ഏറ്റവും ഇഷ്ടമുള്ളത് എന്താ?”

“മ്മ്.”

അവൾ അധികം ആലോചിച്ചില്ല.

“ചിക്കൻ സ്റ്റ്യൂ.”

ഞാൻ ചിരിച്ചു.

“അത്ര ഇഷ്ടമാണോ?”

“ഭയങ്കര ഇഷ്ടാ .”

“എങ്കിൽ നാളെ ഡിന്നർ എന്റെ വീട്ടിലായാലോ?”

അവൾ എന്നെ നോക്കി.

“ശരിക്കും?”

“ശരിക്കും . നിനക്ക് ചിക്കൻ സ്റ്റ്യൂ വേണമെങ്കിൽ.”

“വേണം.”

“അപ്പോൾ നാളെ ഉണ്ടാക്കാം.”

“എങ്കിൽ ഞാനും സഹായിക്കാം ”

“അതിന് ,നിനക്ക് പാചകം അറിയാമോ?”

“കുറച്ചൊക്കെ.”

“കുറച്ചൊക്കെ കൊണ്ട് ചിക്കൻ സ്റ്റ്യൂ ഉണ്ടാക്കാൻ പറ്റുമോ?”

“അത് നാളെ നോക്കാം.”

ഞാൻ ചിരിച്ചു.

“ശരി.”

അവൾ വീണ്ടും എന്റെ കൂടെ നടന്നു.

പിന്നെ ഒന്നും പ്രത്യേകിച്ച് സംസാരിച്ചില്ല.

ഞാൻ ബാസ്കറ്റിലേക്ക് സാധനങ്ങൾ എടുത്തുവെച്ചുകൊണ്ടിരുന്നു.

അവൾ എന്റെ കൂടെ നടന്നു.

പക്ഷേ വീട്ടിലേക്ക് മടങ്ങുമ്പോൾ എന്റെ മനസ്സിൽ ഒരു കാര്യം മാത്രം ഉണ്ടായിരുന്നു.

നാളെ ആദ്യമായി മീനാക്ഷിക്കായി ഞാൻ പാചകം ചെയ്യുകയാണ്.

അതിൽ എന്തോ ഒരു പ്രത്യേക സന്തോഷമുണ്ടായിരുന്നു.

അത് വെറുമൊരു ഡിന്നറിന്റെ സന്തോഷമായിരുന്നോ എന്ന് അന്ന് എനിക്ക് അറിയില്ലായിരുന്നു.

വെള്ളിയാഴ്ച രാവിലെ ഓഫീസിലേക്ക് പോകുമ്പോൾ തന്നെ വൈകുന്നേരത്തെക്കുറിച്ച് എന്റെ മനസ്സിൽ ഒരു ചെറിയ സന്തോഷമുണ്ടായിരുന്നു.

ഏഴ് മണിയോടെ വരാമെന്നാണ് മീനാക്ഷി പറഞ്ഞിരുന്നത്.

ജോലി കഴിഞ്ഞ് നേരെ വീട്ടിലെത്തി കുളിച്ചു. വീട് എല്ലാം ഒന്ന് വൃത്തി ആക്കി , എല്ലാം അടുക്കി പെറുക്കി വെച്ച്. അടുക്കള ഒന്ന് കൂടി വൃത്തിയാക്കി. പാചകം ചെയ്യാനുള്ള സാധനങ്ങൾ പുറത്തെടുത്തു വെച്ചു.

സാധാരണ ദിവസങ്ങളിൽ ഞാൻ വൃത്തിയാക്കുമ്പോൾ ഇത്രയും ശ്രദ്ധിക്കാറില്ല.

പക്ഷേ ഇന്ന്