Chapter Title : മീനാക്ഷി കല്യാണം 2 [നരഭോജി]

എനിക്കുറപ്പുണ്ട് ഈ രണ്ടു കൊല്ലത്തിനിടക്ക് ശ്യാം ഒരിക്കൽ പോലും ഇങ്ങനെ ശബ്ദം ഉണ്ടാക്കി ഇറങ്ങി പോയിട്ടില്ല. ഇത് മറ്റാരോ ആണ്. തുറക്കാൻ ശ്രമിച്ച കണ്ണിൽ, പുലർകാല രശ്മികൾ അവയുടെ ഹൃദ്യമായ വിരലുകൾ കൊണ്ട് കുത്തി.

റൂമിൽ ഒരുപാട് ആളുകൾ ഉണ്ട്. എന്തെങ്കിലും പറയുന്നതിന് മുൻപേ, ആരോ എന്നെ കോളറിൽ പിടിച്ച്‌ പൊക്കി, ചുമരിനോട് ചേർത്ത് ഒട്ടിച്ചു. അപ്പോഴാണ് കണ്ണ് ശരിക്കും ആൾകാരെ ഒക്കെ ഒന്ന് സൂം ചെയ്തത്. അടിപൊളി മീനാക്ഷിടെ കുടുംബക്കാര് മൊത്തം ഉണ്ട്, ഇന്ന് അപ്പോ ഇടി കൊണ്ട് എന്റെ കാര്യം തീരുമാനം ആയത് തന്നെ.

പകുതി എയറിൽ പെരുവിരൽ നിലത്തു കുത്തി ഞാൻ എന്നെ ദേഷ്യത്തിൽ തുറിച്ചു നോക്കുന്ന കണ്ണുകൾ നോക്കി രാഘവൻ മാമൻ , മീനാക്ഷിടെ കസിൻസ് രമേശനും , സതീശന് . സതീശന്റെ മസ്സിൽ ഉരുട്ടി കയറ്റിയ കയ്യാണ് എന്നെ നിലത്തു വീഴാതെ എയറിൽ താങ്ങി പിടിച്ചിരിക്കുന്നത്, പിന്നിലും ആരോ രണ്ടു മൂന്ന് പേരുണ്ട് എവിടെയോ കണ്ട ഒരു ഓര്മ മാത്രേ ഉള്ളു, തല്ലു കിട്ടുമ്പോ വിശദമായിട്ട് പരിചയപെടാം . അതിനും പിന്നിൽ ഇവരെ പിടിച്ചു മാറ്റാനും സമാധാനിപ്പിക്കാനും ശ്രമിക്കുന്ന രണ്ടു മൂന്ന് പേരെ ഞാൻ നോക്കി , മീനാക്ഷിയുടെ അരുമ ആങ്ങള മനു  , അവന്റെ തൊട്ടപ്പുറത്തു അഭി , പാവം കല്യാണത്തിന് വേണ്ടി മുടി ഒക്കെ വേറെ രീതിയിൽ വെട്ടി മീശ ഒക്കെ സെറ്റു ചെയ്തു നിർത്തിയിട്ടുണ്ട് , എന്നാലും കണ്ട മനസിലാവും പട്ടാളം തന്നെന്നു , അപ്പുറത്തു തിരക്കിൽ നിന്ന് ഒഴിഞ്ഞു കട്ടളപടിയിൽ കയ്യും ചാരി നിന്നു