Chapter Title : മീനത്തിൽ താലികെട്ട്  3 [കട്ടകലിപ്പൻ]

ചങ്കു കൂട്ടുകാരൻ ആണെങ്കിലും, സത്യത്തിൽ എന്റെ ചേട്ടന്റെ കൂടെ പഠിച്ച വിധ്വാൻ ആണ്, എന്നെ ഒരു പത്തു പതിനഞ്ചു വർഷം മുന്നേ പരിചയപ്പെട്ടത് മുതൽ പക്ഷെ എന്റെ കൂടെയാണ് എന്ന് മാത്രം.!

"എടാ വേറൊരു കാര്യം ഞാൻ നിന്നോട് ഇപ്പോ പറയാം ,

അവൻ വിളിച്ചപ്പോ തന്നെ കള്ളവും പറഞ്ഞു ഇറങ്ങി അവനെ കാണാൻ ഓടിയ പെണ്ണിനെ ഇനി നിനക്ക് വേണ്ടാ,

അവളെ വേണേൽ ഒരെണ്ണം കരണത്തു പൊട്ടിച്ചട്ടു നീ വാടാ,

പുറകെ വരുന്ന പൊല്ലാപ്പൊക്കെ ഞാൻ നോക്കിക്കോളാം,

ഇട്ടേച്ചും വാടാ ആ മൊതലിനെ,

നിനക്ക് അവളിലും നല്ലതു വേറെ നൂറെണ്ണം കിട്ടും..!"

അവൻ ഫോൺ കട്ട് ചെയ്തു,

എനിയ്ക്കിപ്പോ അടക്കി വെച്ച ദേഷ്യമെല്ലാം സ്വിച്ചിട്ടപോലെ ഒറ്റയടിക്ക് പൊന്തിവന്നു,

ഇനി ഒന്നും നോക്കേണ്ട കാര്യമില്ല, വീണയും വേണ്ട ഒരു മലരും വേണ്ട..

ഞാൻ ചാടി എണീറ്റു

" യു ബാസ്റ്റേർഡ്...!"

പെട്ടെന്ന് വീണയുടെ ദേഷ്യത്തിലുള്ള ആക്രോശമാണ്‌ എന്നെ ഞെട്ടിച്ചത്,

കലിതുള്ളി ഒരു ഭദ്രകാളിയെ പോലെ അവൾ വിനുവിന്റെ മുന്നിൽ ചീറി നിൽക്കുന്നു,

സത്യത്തിൽ ഇത് പക്ഷെ എന്റെ ഡയലോഗ് അല്ലായിരുന്നോ, എന്ന അത്ഭുതവും,

പിന്നെ കാര്യം എന്താണെന്നു മനസിലാവാത്ത കൊണ്ടുള്ള അമ്പരപ്പും എന്നെ ആകെ അങ്കലാപ്പിലാക്കി

" വീണ വെറുതെ രോഷം കൊള്ളേണ്ട കാര്യമൊന്നുമില്ല,

ഒരു മാസം മറ്റൊരാളുടെ കൂടെ കഴിഞ്ഞെന്നറിയുമ്പോൾ ആരും ചോദിക്കുന്ന ഒരു കാര്യമേ ഞാനും ചോദിച്ചുള്ളൂ..!"

വിനു അപ്പോഴും സൗമ്യമായി അവളോട് സംസാരിക്കുന്നു

ഞാൻ വേഗം ഓടി അങ്ങോട്ടേയ്ക്ക് എത്തി

" എന്ത് പറ്റി, എന്താ കാര്യം.?

ഞാൻ കാര്യം മനസിലാവാതെ അവരെ