Chapter Title : മീനത്തിൽ താലികെട്ട് 4 [കട്ടകലിപ്പൻ]

യാത്ര ചെയ്തു വന്നതല്ലേ ഒന്നുപോയി കുളിച്ചു ഫ്രഷായിട്ട് മതി ബാക്കിയെന്തും .,!"

"അത് കുഴപ്പമില്ല,

ഞാൻ എന്തായാലും ആ തക്കുടു മുണ്ടനെ ഒന്ന് കണ്ടിട്ടേ ഉള്ളു എന്തും,

മനു ചേട്ടൻ അന്ന് ചേച്ചിയുടെ കല്യാണത്തിന് കണ്ടതല്ലേ ചേച്ചിയെ,

വാ നമുക്ക് ഒന്നുപോയി കാണാം..!"

വീണ പെട്ടെന്ന് എന്റെ കയ്യിൽ പിടിച്ചുകൊണ്ടു വലിച്ചു,

എന്റെ മനസ്സിൽ ലഡ്ഡു പൊട്ടി,

ഇതാണ് രോഗി ഇച്ഛിച്ചതും റമ്മു വൈദ്യൻ കല്പിച്ചതും റമ്മു എന്നൊക്കെ പറയുന്നത്.!

ഞാൻ വിപിയെ ഒന്ന് പാളി നോക്കി,

അവൻ അഭിയോട് എന്തൊക്കെയോ പറഞ്ഞുകൊണ്ട് അവന്റെ പുറകെ പോകുന്നുണ്ട്,

വീണ എന്നെയും വലിച്ചുകൊണ്ടു ആ വീടിന്റെ വർക്ക് ഏരിയയോട് ഏറ്റവും അടുത്ത ഒരു റൂമിലേയ്ക്ക് വലിച്ചു കൊണ്ടുപോയി ,

കതകിൽ അവൾ അക്ഷമയായി ഒന്ന് രണ്ടു വട്ടം മുട്ടി

" അച്ചു ഞാൻ അകത്തേയ്ക്കു വരാട്ടോ, കൂടെ മനുവും ഉണ്ട്..!"

"ഒരു മിനിറ്റ്,.."

അകത്തു നിന്ന് ഒരു അശരീരി ,

വീണ എന്റെ മുഖത്തേയ്ക്കു ഒന്ന് നോക്കി ചിരിച്ചു,

ഞാൻ തിരിച്ചും

" മനുവെന്താ ഭയങ്കര എയർപിടിച്ചു നിൽക്കുന്നേ.?,

ഒന്ന് കൂളാവ് മാഷെ.."!

അവൾ പെട്ടെന്ന് മെല്ലെ എന്റെ വയറ്റിലേയ്ക്ക് ഒരു ഇടി ഇടിച്ചു.!

വേദനയെടുത്തില്ലെങ്കിലും,

എന്നിൽ വീണയുടെ സ്വഭാവമാറ്റം അത്ഭുതം ഉണ്ടാക്കി,

അവൾ ഒരിക്കലും എന്നോട് ഇങ്ങനെയൊന്നും പെരുമാറിയട്ടെ ഇല്ല,

ഏതവസരത്തിലും ഒരു അകൽച്ച പാലിച്ചിരുന്നു,

അല്ലെങ്കിൽ പിന്നെ മറ്റുള്ളവർ ഉണ്ടാവണം, എന്നാലും ഒരിക്കലും ഇത്ര അധികാരത്തോടെയും സ്നേഹത്തോടെയും എന്നോട് പെരുമാറിയട്ടെ ഇല്ല.!

എനിയ്ക്കു ആകെ ആശയകുഴപ്പമായി,

ഇവൾ ശെരിക്കും എന്നെ സ്നേഹിക്കാൻ തുടങ്ങിയോ.?

അതോ ഇതെല്ലം