Chapter Title : മീര ടീച്ചറായി [Shyam Nair]

രക്ഷപെട്ടു.  എയിഡഡ് സ്കൂളാണ്.  സർക്കാർ ശമ്പളം ലഭിക്കും.

ഇനിയങ്ങോട്ട് കുടുംബത്തിലും സമൂഹത്തിലും തന്റെ അന്തസ്സ് വർദ്ധിക്കും.  ഇതൊക്കെ ചിന്തിച്ചാണ് മീര തിരികെ വീട്ടിലോട്ടുള്ള ബസിൽ ഇരുന്നത്.  എന്തായാലും നാളെ വന്ന് വിശദ വിവരം തിരക്കി അറിയാമെന്നു വിചാരിച്ചു.

മീര വീട്ടിലെത്തി വൈകിട്ട് എന്നോട് വിവരം പറഞ്ഞു.  എനിക്കും ഒരു ഉത്സാഹം തോന്നി.  ഈ ജോലി അവൾക്ക് ലഭിച്ചാൽ അധികം താമസിയാതെ കടങ്ങൾ തീർക്കാനും കുറച്ച് കാശ് സമ്പാദിക്കാനും കഴിയും.

സഹോദരങ്ങളുടെ ഇടയിൽ ഞാൻ മാത്രമാണ് ഇത്തിരി താഴ്ന്ന നിലയിലുള്ളത്.  ഇതോടെ അതിനൊരു പരിഹാരമാകുമെന്ന് ഞാനും കരുതി.  വീട്ടു ജോലിക്കിടയിലും സ്കൂളിലെ ജോലി സ്ഥിരപ്പെടുന്നതിനെപ്പറ്റിയുള്ള ചിന്തയായിരുന്നു മീരയുടെ മനസ്സ് മുഴുവൻ. എന്റെയും. ക്ഷമയും ആകാംക്ഷയും അടക്കാൻ വയ്യാതെ അവൾ സ്കൂളിൽ ഏറ്റവും അടുപ്പമുള്ള ലില്ലി ടീച്ചറെ വിളിച്ചു.

ലില്ലി ടീച്ചർ പങ്കുവച്ച വിവരം ഞങ്ങളുടെ എല്ലാ സന്തോഷവും ഇല്ലാതാക്കി.  സ്കൂൾ മാനേജരുടെ സഭയിൽ പെട്ട ആരോ ആ പോസ്റ്റിലേക്ക് അപേക്ഷിച്ചിട്ടുണ്ടത്രേ. സഭാംഗമാണെന്നു മാത്രമല്ല, വലിയ തുക നൽകാനും അവർ തയ്യാറാണെന്ന വിവരവും അറിഞ്ഞു.  കണ്ടുതുടങ്ങിയ സ്വപ്നം തുടക്കത്തിലേ ഉപേക്ഷിച്ച് മീര തുണിയലക്കുന്ന ജോലി തുടർന്നു. ഞാനും നിരാശനായി.

പിന്നീട് ജോലി കഴിഞ്ഞ് രാത്രി വളരെ വൈകിയാണ് ഫോൺ നോക്കുന്നത്.  ലില്ലി ടീച്ചറിന്റെ മിസ്ഡ് കോൾ കിടക്കുന്നു. എന്തിനാകും വിളിക്കുന്നത്.  പത്തര കഴിഞ്ഞെങ്കിലും ആകാംക്ഷയടക്കാൻ കഴിയാതെ മീര ലില്ലി ടീച്ചറെ വിളിച്ചു.  ബെൽ കട്ടാകുന്നതിനു തൊട്ടു മുമ്പാണ് ഫോണെടുത്തത്. മിസ്ഡ് കോൾ കണ്ടാണ് വിളിച്ചതെന്നു പറഞ്ഞപ്പോൾ ഒരു അത്യാവശ്യ കാര്യം പറയാനാണ് വിളിക്കുന്നതെന്ന് ലില്ലി  ടീച്ചർ മറുപടി പറഞ്ഞു.

അവൾ ഫോണുമായി ഹാളിലേക്ക് പോയി.  ഞാൻ അക്ഷമനായി കട്ടിലിൽ കിടക്കുകയാണ്.  പിള്ളെരാണെങ്കിൽ ഉറങ്ങി.  സ്വപ്നം കണ്ട ജോലിയോ പോയി. എന്നാൽ പിന്നെ വൈകിട്ട് മീരയെ കെട്ടിപ്പിടിച്ച് ശരിക്കൊന്നുറങ്ങാമെന്നു കരുതി അവളെ കാത്തിരിക്കുകയാണ്.

എതാണ്ട് അരമണിക്കൂറിലധികം എടുത്തെന്നു തോന്നുന്നു അവരുടെ ഫോൺ സംസാരം.  മീരയുടെ മുഖം മ്ലാനമായിരിക്കുന്നു.  ലൈറ്റെല്ലാം അണച്ച് അവൾ വന്നു കിടന്നു. ലില്ലി ടീച്ചർ എന്തു പറഞ്ഞെന്നു ചോദിച്ചപ്പോൾ ഓ എന്ന് അലക്ഷ്യമായി ശബ്ദിക്കുക മാത്രമാണ് അവൾ ചെയ്തത്. നിർബന്ധിച്ചപ്പോൾ