Chapter Title : മീര ടീച്ചറായി [Shyam Nair]

ഉപേക്ഷിച്ച് മീര തുണിയലക്കുന്ന ജോലി തുടർന്നു. ഞാനും നിരാശനായി.

പിന്നീട് ജോലി കഴിഞ്ഞ് രാത്രി വളരെ വൈകിയാണ് ഫോൺ നോക്കുന്നത്.  ലില്ലി ടീച്ചറിന്റെ മിസ്ഡ് കോൾ കിടക്കുന്നു. എന്തിനാകും വിളിക്കുന്നത്.  പത്തര കഴിഞ്ഞെങ്കിലും ആകാംക്ഷയടക്കാൻ കഴിയാതെ മീര ലില്ലി ടീച്ചറെ വിളിച്ചു.  ബെൽ കട്ടാകുന്നതിനു തൊട്ടു മുമ്പാണ് ഫോണെടുത്തത്. മിസ്ഡ് കോൾ കണ്ടാണ് വിളിച്ചതെന്നു പറഞ്ഞപ്പോൾ ഒരു അത്യാവശ്യ കാര്യം പറയാനാണ് വിളിക്കുന്നതെന്ന് ലില്ലി  ടീച്ചർ മറുപടി പറഞ്ഞു.

അവൾ ഫോണുമായി ഹാളിലേക്ക് പോയി.  ഞാൻ അക്ഷമനായി കട്ടിലിൽ കിടക്കുകയാണ്.  പിള്ളെരാണെങ്കിൽ ഉറങ്ങി.  സ്വപ്നം കണ്ട ജോലിയോ പോയി. എന്നാൽ പിന്നെ വൈകിട്ട് മീരയെ കെട്ടിപ്പിടിച്ച് ശരിക്കൊന്നുറങ്ങാമെന്നു കരുതി അവളെ കാത്തിരിക്കുകയാണ്.

എതാണ്ട് അരമണിക്കൂറിലധികം എടുത്തെന്നു തോന്നുന്നു അവരുടെ ഫോൺ സംസാരം.  മീരയുടെ മുഖം മ്ലാനമായിരിക്കുന്നു.  ലൈറ്റെല്ലാം അണച്ച് അവൾ വന്നു കിടന്നു. ലില്ലി ടീച്ചർ എന്തു പറഞ്ഞെന്നു ചോദിച്ചപ്പോൾ ഓ എന്ന് അലക്ഷ്യമായി ശബ്ദിക്കുക മാത്രമാണ് അവൾ ചെയ്തത്. നിർബന്ധിച്ചപ്പോൾ അവൾ പറഞ്ഞു ആ ജോലി കിട്ടാൻ പോകുന്നില്ല എന്ന്.

അത് മുമ്പെ തന്നെ ലില്ലി ടീച്ചർ പറഞ്ഞിരുന്നതാണല്ലോ എന്ന് ഞാൻ പറഞ്ഞപ്പോൾ അവൾ വെറുതെ ഒന്നു മൂളി.  മറ്റെന്തോ വിവരം ഉണ്ടെന്ന് എനിക്കു തോന്നി.  അവൾ അത് എന്നോട് പറയാൻ ആഗ്രഹിക്കുന്നില്ല എന്നും തോന്നി.

ഞാൻ വീണ്ടും വീണ്ടും നിർബന്ധിച്ചപ്പോൾ അവൾ പതിയെ പറയാൻ തുടങ്ങി. ഇപ്പോഴുണ്ടായിരിക്കുന്ന സ്ഥിരം ഒഴിവിലേക്കുള്ള നിയമനം ലഭിക്കുന്നതിന് ലില്ലി ടീച്ചർ പറഞ്ഞുകൊടുത്ത ഒരു വഴിയാണ്. പറഞ്ഞതിങ്ങനെയാണ്.  നിയമനം സംബന്ധിച്ച് അവസാന വാക്ക് സ്കൂൾ മാനേജരായ ജോർജ്ജ് സാറിന്റേതാണ്. ജോർജ്ജ്