Chapter Title : മീര ടീച്ചറായി [Shyam Nair]

ചോദിച്ചു.  കഴിയില്ലെന്ന് നിസ്സഹായത പ്രകടിപ്പിച്ച് വിഷമിച്ച് തല താഴ്ത്തിയിരുന്ന മീരയുടെ തോളിൽ കൈ വെച്ച് ജോർജ്ജ് സാർ പറഞ്ഞു.

ഒരു പക്ഷെ എനിക്ക് സഹായിക്കാൻ കഴിഞ്ഞേക്കും.  പക്ഷെ അതിന് മീരയുടെ സഹകരണം വേണ്ടിവരും.  മീരയ്ക്ക് മനസ്സിലായില്ല.  ജോർജ്ജ് സാർ തുടർന്നു.  ഞാനിപ്പോൾ സഭയുടെ സമ്മർദ്ദം ഒക്കെ മാനേജ് ചെയ്തോളാം.  അപ്പോഴും സഭയ്ക്ക് നൽകേണ്ട തുക നൽകാതിരിക്കാൻ കഴിയില്ല.

കാശ് നൽകാൻ തയ്യാറായി അപേക്ഷകർ വേറെയുണ്ട്.  മീരയ്ക്കാണെൻകിൽ തുക നൽകാനുള്ള അവസ്ഥയിലുമല്ല. ഒരു കാര്യം ചെയ്യ്.  സഭയ്ക്ക് നൽകാനുള്ള തുക ഞാൻ നൽകിക്കൊള്ളാം. മീര നൽ കുന്ന തുകയാണെന്ന് പറഞ്ഞ് ഞാൻ ആ തുക എടുത്തുകൊള്ളാം.  അത്രയും വലിയ തുക ഞാനെടുക്കുന്നത് എന്റെ ആഗ്രഹ പൂർത്തീകരണത്തിനു വേണ്ടിയാണ്.

മീര ടീച്ചർ ഒരു ദിവസം എന്റെ കൂടെ കിടക്കുമോ. ഒരേയൊരു തവണ.  ഒന്നും പറയാനാകാതെ മീര ടീച്ചർ ജോർജ്ജ് സാറിന്റെ മുറി വിട്ടിറങ്ങി. നമുക്ക് ഈ ജോലി വേണ്ട ചേട്ടാ എന്നു പറഞ്ഞവളെന്നെ മുറുക്കി കെട്ടിപ്പിടിച്ചു.  ഞാൻ ഒന്നും പറയാതെ കുറെ ആലോചിച്ചു.

മീര ഒരു തവണ ഒന്ന് വഴങ്ങിക്കൊടുത്താൽ ലഭിക്കാൻ പോകുന്നത് സർക്കാർ ശമ്പളം ലഭിക്കുന്ന എയിഡഡ് സ്കൂളിലെ സ്ഥിര നിയമനമാണ്.  അതും ഹയർ സെക്കൻഡറിയിൽ. കുടുംബത്തിന്റെ ജീവിത നിലവാരം തന്നെ മാറും.  സാമ്പത്തിക നില മെച്ചപ്പെടും.  പിള്ളേരുടെ പഠനം നടക്കും.

കടമൊക്കെ തീർക്കാം.  ചിന്ത അങ്ങനെയൊക്കെ മുന്നോട്ടു പോയി.  കാര്യം മീരയോട് അവതരിപ്പിച്ചു.  കരണത്ത് അടി കിട്ടിയില്ല എന്നേയുള്ളൂ.  എന്നിട്ട് ഒരൊറ്റ കരച്ചിലായിരുന്നു. ഞാൻ ആശ്വസിപ്പിക്കാൻ ശ്രമിച്ചു.  കുറെനേരം ഞങ്ങൾ രണ്ടാളും ഒന്നും മിണ്ടിയില്ല.  ഈ ജോലി ലഭിക്കാത്തതിൽ ചേട്ടനു വിഷമമുണ്ട് അല്ലേ എന്ന മീരയുടെ ചോദ്യത്തിനു മുന്നിൽ ഞാൻ നിശബ്ദനായിരുന്നതേയുള്ളൂ.

കുറെ നേരത്തെ ആലോചനയ്ക്ക് ശേഷം അവൾ പറഞ്ഞു ചേട്ടന്റെ താല്പര്യം അങ്ങനെയാണെങ്കിൽ നമുക്ക് മുന്നൊട്ട് പോകാം.  പക്ഷെ മുന്നോട്ടുള്ള ജീവിതത്തിൽ ഇതൊരു പ്രശ്നമാകില്ല എന്നതിന് എന്താണുറപ്പ്.  ജോലി കിട്ടുന്നതിനു വേണ്ടി മാനേജർക്ക് വഴങ്ങിക്കൊടുത്തവൾ എന്ന നിലയ്ക്കല്ലേ ചേട്ടൻ എന്നെ പിന്നീട് കാണൂ എന്ന ചോദ്യത്തിനും ഞാനാദ്യം ഒന്നും പറഞ്ഞില്ല.

ഞാനവളെ ചേർത്തു പിടിച്ചുകൊണ്ട് പറഞ്ഞു.  ഒരിക്കലുമില്ല.