Chapter Title : മോളിയുടെ രണ്ടാം ജീവിതം [Thorappan Kochunni]

ഡോര്‍ അടച്ചു മോളി വീട്ടിലേക്കുപോയി.

രാവിലെ തന്നെ ചോറ് വെച്ചിരിക്കും.. എന്തെങ്കിലും കറി ഉണ്ടാക്കുന്നത് 12 മണി ആകുമ്പോഴാണ്.

ചോറ് വിളമ്പി വെച്ച് അജിത്തിനെ പറഞ്ഞുവിട്ടു.

അജിത്ത് ഊണ് കഴിച്ചു വന്നിട്ടാണ് മോളി ഊണ് കഴിക്കാന്‍ പോകാറ്. അല്ലെങ്കില്‍ ഉച്ചക്കത്തെ ചെറിയൊരു കച്ചവടം പോകും.

മോളി, ഊണും വിളമ്പി തിരികെ കടയില്‍ എത്തി അജിത്തിനോട് പറഞ്ഞു:

അജിമോനെ ചോറെടുത്ത് വെച്ചിട്ടുണ്ട്..ഇപ്പൊ തിരക്കില്ലല്ലോ.. പോയി ഊണ് കഴിച്ചു വാ..

അജിത്ത് അപ്പോളും ഒന്നും മിണ്ടിയില്ല..

അവന്‍ കമ്പ്യൂട്ടറില്‍ എന്തോ പണിതു കൊണ്ടിരുന്നു.

അല്‍പ സമയം കഴിഞ്ഞിട്ടും അജിത്തിനെ കാണാതെ, മോളി സെന്ററില്‍ പോയി നോക്കി.

അവിടുത്തെ ഡോര്‍ അടഞ്ഞു കിടക്കുകയായിരുന്നു, മോളി വീട്ടിലേക്കുള്ള പിന്‍വാതില്‍ വഴി പോകാന്‍ തുടങ്ങിയപ്പോള്‍ അജിത്ത് മുന്‍വശം വഴി, അവന്റെ സെന്ററിലേക്ക് പോയി,

അവന്‍ മോളിയെ ഒന്ന് നോക്കിയത് പോലുമില്ല.

മോളിക്കത് വിഷമമായി.

അവള്‍ ഊണ് കഴിക്കാന്‍ പോയില്ല.

വൈകിട്ട് സാധാരണ അഞ്ചര ആകുമ്പോള്‍ സാറ കടയടച്ചു വീട്ടിലേക്ക് പോകും, വീട്ട്പണിയൊക്കെ തീര്‍ക്കാന്‍.

വര്‍ക്ക് പെന്റിംഗ് ഉണ്ടെങ്കില്‍ അതും തീര്‍ത്തു, ഏഴു മണിയോടെ അജിത്ത്, കടയടച്ചു വീട്ടിലെത്തും.

അതിനിടെ ബുക്ക്‌ ഷോപ്പില്‍ ആരെങ്കിലും വന്നാല്‍ അജിത്ത് അവിടെയും നോക്കിക്കൊള്ളും.

ഏഴു മണി കഴിഞ്ഞാല്‍ പിന്നെ ആളില്ല, പിന്നെ ആരെങ്കിലും വല്ല ചാര്‍ട്ട് പേപ്പറോ ലെഡ്ജറോ മറ്റോ വാങ്ങാൻ വന്നാലായി,

അത് അവര്‍ വീട്ടില്‍വന്നു വിളിച്ചു കൊള്ളും. അപ്പോള്‍ അജിത്ത് പോയാല്‍ മതി.

അഞ്ച് മണിക്ക്ശേഷം കടയിൽ നിന്നും വീട്ടിലെത്തിയ മോളി കുറച്ചുനേരം എന്തൊക്കെയോ ആലോചിച്ചിരുന്നു.

അവള്‍ക്കൊന്നും ചെയ്യാന്‍ താത്പര്യമുണ്ടായിരുന്നില്ല.

നാളെ ബോബിയും വൈഗയും മോളും വരും. അവര് വന്നാല്‍ പിന്നെ ഒന്നിനും നേരം കിട്ടില്ല. കുഞ്ഞിനെ കളിപ്പീരും മറ്റുമായി സമയം പോകും.

അവള്‍ റൂമില്‍ പോയി സാരി ഊരി ബെഡ്ഡില്‍ ഇട്ടു പാവാടയും ബൌസും മാത്രമിട്ട് അടുക്കളയിലേക്കു പോയി.

വൈകിട്ടത്തേക്കുള്ള ചപ്പാത്തിക്ക് കുഴച്ചുവെച്ചു. രാവിലത്തെ അല്പം കറി ബാക്കിയുണ്ട് . നാളെ വൈകിട്ട് അവര്‍ എത്തുമ്പോഴേക്കും ചിക്കനോ മറ്റോ വാങ്ങിയാല്‍ മതി.

കുറച്ചു ദിവസം അജിത്ത് ഇല്ലാതിരുന്നത് കൊണ്ട് മോളി കൂടുതല്‍ ഒന്നും കരുതിയിരുന്നില്ല.

ഒരു