Chapter Title : മൂവർ സംഘവും ടീച്ചറും 4 [Dream Lover]

ഇരിക്കുന്ന അവസാനത്തെ ബെഞ്ചിലേക്ക് നടന്നു.. എപ്പോളും ആ മൂന്ന് പേര് മാത്രമേ ആ ബെഞ്ചിൽ ഇരിക്കാറുള്ളൂ.. ക്ലാസിലെ ബാക്കിയുള്ള കുട്ടികൾക്ക് വരെ അവരെ പേടിയാണ്...

സാറ നടന്ന അവരുടെ ബെഞ്ചിൽ പോയിരുന്നു..

അവരുടെ ഭാഗത്തേക്ക് വരാൻ മടിക്കുന്ന സാറ അവരുടെ ബെഞ്ചിൽ വന്നിരുന്നതിൽ അവർക്ക് അതിശയം തോന്നി... അവർ പരസ്പരം നോക്കി...
എന്തോ കാര്യമായി പറയാനുണ്ടെന്ന് അവർക്ക് മനസിലായി...

ഫാത്തിമ ചോദ്യഭാവേന സാറയെ നോക്കി...

സാറ അവരോട് പുഞ്ചിരിച്ചു..

കുറച്ചു കഴിഞ്ഞതിന് ശേഷം സാറ അവളുടെ മൊബൈൽ എടുത്തു..
എന്നിട്ട് അതിലെ വീഡിയോ മറ്റാരും കാണാതെ അവരെ കാണിച്ചു...

അത് കണ്ട മൂന്നുപേരും ഞെട്ടി

ഇതെങ്ങനെ...

അവർ മൂന്ന് പേരും മനസിൽ ചോദിച്ചു...
എന്നിട്ട് വീണ്ടും പരസ്പരം നോക്കി...

സാറ : എങ്ങനെയുണ്ട്...

ഹിബയാണ് സാറയുടെ എടുത്തിരിക്കുന്നത്..
ഹിബ സാറയുടെ കൈ പിടിച്ച് പറഞ്ഞു..

മിസ് ഇതൊരു വിഷയം ആക്കരുത്.. അതൊരു റാങ്കിങ്ങിൻ്റെ ഭാഗമായി സംഭവിച്ചതാണ്..

സാറ : ഇതാണോ റാങ്കിംഗ്...
ആയിക്കോട്ടെ നിങ്ങളുടെ വീട്ടുകാരെ വിളിച്ച്.. നിങ്ങളുടെ റാങ്കിംഗ് അവരും കൂടെ ഒന്ന് കാണട്ടെ..

ഫാത്തിമ : അയ്യോ മിസ്സ് അങ്ങനെയൊന്നും ചെയ്യല്ലേ... ഇനി ഉണ്ടാവില്ല

ഫാത്തിമ സാറയോട് കെഞ്ചി..

സാറ : നിങ്ങൾ എന്തു പറഞ്ഞിട്ടും കാര്യമില്ല നാളെ എല്ലാവരും പേരൻ്റ്സിനെ കൂട്ടി രാവിലെ കോളേജിലേക്ക് വന്നാൽ മതി..

പ്രീതി : ഞങൾ മിസ്സിൻ്റെ കാലുപിടിക്കാം ഇനി ഇങ്ങനെ ഉണ്ടാവില്ല.. ഈ പ്രാവശ്യത്തിൽ ക്ഷമിക്ക്...

സാറ : നിങ്ങളോട് ക്ഷമിക്കാനോ... ഒരിക്കലും ഇല്ല.. നിങ്ങളെ ഇവിടെ നിന്ന് പറഞ്ഞുവിടാൻ ഒരു കാരണം തപ്പി നടന്നതാണ്