Chapter Title : മുഹബത്ത് 2 [Vashalan]

ഞങ്ങൾ ഞങ്ങളുടെ മുറിയിലേക്ക് കയറി വാതിലടച്ച് കുറ്റിയിട്ടു.

വാതിൽ കുറ്റിയിട്ടതോടെ പുറത്തെ ലോകം മുഴുവൻ അവിടെ അവസാനിച്ചതുപോലെ തോന്നി. മുറിക്കുള്ളിലെ എസിയുടെ തണുപ്പ് ശരീരത്തെ പൊതിഞ്ഞു. ലൈറ്റിന്റെ മങ്ങിയ വെളിച്ചത്തിൽ, നൈറ്റിയിലേക്ക് വസ്ത്രം മാറി വന്ന് കട്ടിലിന്റെ ഒരറ്റത്തിരിക്കുന്ന

ഹൻസിബയെ ഞാൻ നോക്കി. ആ വെളിച്ചത്തിൽ അവളുടെ മുഖത്തിന് ഒരു പ്രത്യേക ഭംഗിയായിരുന്നു.

ഞാൻ പതുക്കെ നടന്ന് അവളുടെ അടുത്തിരുന്നു. പകൽ മുഴുവൻ നടന്ന് ക്ഷീണിച്ചതിന്റെ ചെറിയൊരു തളർച്ച അവളുടെ കണ്ണുകളിലുണ്ടായിരുന്നെങ്കിലും, എന്നെ കണ്ടതും ആ മുഖത്ത് മൃദുവായ ഒരു പുഞ്ചിരി വിടർന്നു.

"എന്താ ഇക്കാ... ഇത്ര കാര്യമായി നോക്കുന്നത്? ക്ഷീണം കാരണം മുഖമാകെ വാടിയിരിക്കുവാണോ?" അവൾ പതിഞ്ഞ ശബ്ദത്തിൽ ചോദിച്ചു.

"ഏയ്... എന്റെ പെണ്ണിനെ എത്ര നോക്കിയാലും മതിയാവില്ലടി," ഞാൻ അവളുടെ തോളിലൂടെ കൈയിട്ട് ചേർത്തുപിടിച്ചു.

അവൾ പതുക്കെ എന്റെ നെഞ്ചിലേക്ക് തല ചായ്ച്ചു. അവളുടെ നനവാർന്ന മുടിയുടെയും അത്തറിന്റെയും സുഗന്ധം എന്റെ നാസിക

തുമ്പിലേക്ക് പടർന്നു കയറി. നാൽപത് ദിവസത്തെ നീണ്ട വിരഹത്തിന് ശേഷം കയ്യിൽ കിട്ടിയ എന്റെ ജീവനാണ് ഈ നെഞ്ചിൽ കിടക്കുന്നത് എന്നോർത്തപ്പോൾ ഉള്ളിൽ പ്രണയം വീണ്ടും ഇരച്ചുകയറി.

ഞാൻ പതുക്കെ അവളുടെ കവിളുകളിൽ തടവി, ആ മുഖം അല്പം ഉയർത്തി. ആ കറുത്ത കണ്ണുകളിലേക്ക് നോക്കി അവളുടെ നെറ്റിയിലും കവിളുകളിലും ആർദ്രമായി ചുംബിച്ചു.

അവളുടെ ശ്വാസഗതി വേഗത്തിലാകുന്നത് ഞാൻ അറിഞ്ഞു. വിറയ്ക്കുന്ന ചുണ്ടുകളോടെ അവൾ എന്റെ ഷർട്ടിന്റെ ബട്ടണുകളിൽ വിരലുകളമർത്തി.

"ഇക്കാ... ഇവിടുത്തെ എല്ലാവരെയും എനിക്ക് ഒരുപാട് ഇഷ്ടമായി. എനിക്ക് ഒട്ടും അപരിചിതത്വം തോന്നാത്ത രീതിയിലാണ് ചേട്ടനും പിള്ളേരുമൊക്കെ എന്നോട്