Chapter Title : മുല്ല പോലൊരു പെണ്ണ് [Jomon]

“ഈ സമയം ടൗണിലേക്ക് വണ്ടിയൊന്നും കാണില്ല…ഇന്നെന്റെ വീട്ടിൽ കഴിയാം ബാക്കിയൊക്കെ നാളെ തീരുമാനിക്കാം എന്തേ..?

ഷർട്ടിന്റെ ബട്ടനുകൾ ഇടുന്നതിനിടയിൽ പീലി ചോദിച്ചു…

“അങ്ങനെ ആവട്ടെ…”

ഒട്ടും പ്രതീക്ഷിക്കാതെയുള്ളയാ ചോദ്യത്തിൽ മറുപടി പറഞ്ഞു കൊണ്ടു ദാസനും മുൻപേ നടക്കുന്ന പീലിക്ക് പിറകെ നടക്കാൻ തുടങ്ങി…കള്ളി മുൾചെടികൾ നിറഞ്ഞ വഴിയിലൂടെ ഒരു കൂസലുമില്ലാതെ നഗ്നമായ കാലുകളുമായി നടക്കുന്ന പീലിയെ ദാസൻ ആശ്ച ര്യത്തോടെ നോക്കി…

ചെറിയൊരു കുന്ന് കയറിയതും ഓടിട്ടൊരു വീടിനു മുൻപിലേക്ക് അവർ നടന്നു കയറി….

“സൗകര്യങ്ങൾ കുറവാണ്…എന്തായാലും ഈ പാതിരായ്ക്ക് പട്ടണത്തിലേക്ക് പോകുന്നതിലും ഭേദം ഇവിടെയാണ്‌…”

ഉമ്മറത്തേക്ക് കയറുന്നതിനിടയിൽ പീലി പറഞ്ഞു…. ദാസനൊന്നും മറുത്തു പറഞ്ഞില്ല പകരം അവനാ വീട് മൊത്തത്തിൽ നോക്കി കാണുന്ന തിരക്കിലായിരുന്നു… ആ ഒരു പരിസരത്തു ഓടിട്ടു ചായം പൂശിയ ഒരൊറ്റ വീട് പോലുമില്ല എന്നാലൊരു ഗുണ്ടയായാ പീലിയുടെ വീട്ടിൽ ഓടും ഒണ്ട് ചായവും പൂശിയിരുന്നു പോരാത്തതിന് അടച്ചുറപ്പുള്ള ജനലും വാതിലും….

“ഭാനു…ഭാനു…!!!!

കോലായിലേക്ക് കയറിയ പീലി വാതിലിൽ മുട്ടികൊണ്ട് അകത്തേക്ക് വിളിച്ചു…മിക്കവാറും കേശവേട്ടൻ പറഞ്ഞയാ പെണ്ണിനെ തന്നെ ആവും…

എന്നൊക്കെ കണക്ക് കൂട്ടികൊണ്ട് ദാസൻ വെളിയിൽ തന്നെ നിന്നു…അവന്റെ മനസ്സിൽ അകത്തുള്ളവൾ പീലിയുടെ ഭാര്യയോ മറ്റോ ആണെന്ന് ആണ്…അയാൾക്ക് തന്നെ അമ്പതിനോട് അടുത്ത് പ്രായമില്ലേ അപ്പൊ അകത്തു ഉള്ളവരും പ്രായമുള്ളവർ ആകും…. കളി വീട്ടിലെ ലീലയെ മനസ്സിൽ കുടിയിരുത്തിയവന്റെ മനസ്സ് മറ്റൊരു ചിന്തയിലേക്കും പോകാതെ അങ്ങനെ തന്നെയിരുന്നു….

കട കട എന്നൊരു ശബ്ദത്തോടെ അകത്തു നിന്ന് വിചാകിരി മാറുന്ന ശബ്ദം കേട്ട ദാസന്റെ കണ്ണുകൾ അലസമായി വാതിക്കലേക്ക് പാളി വീണു…ഒരല്പം തുറന്ന വാതിലിലൂടെ അവന്റെ കണ്ണ് ഉടക്കിയത് ഇളകി ആടിയൊരു സാരി തുമ്പിലേക്ക് ആയിരുന്നു….. പുറത്തു നിന്നൊരു കാറ്റ് വീശിയതും താനേതോ മായിക ലോകത്ത് വന്നെത്തി പെട്ടത് പോലവന് തോന്നിപ്പോയി….

ആരെയോ താൻ തേടുന്നത് പോലെയെന്ന് തോന്നിയ അവന്റെ കണ്ണുകൾ ആർത്തിയോടും ഉത്സാഹത്തോടും കൂടെ വാതിലേക്ക് തിരിഞ്ഞു…വെളുത്തു മെലിഞ്ഞ കാല്പാദങ്ങൾ…. ആരുടെ ആണത്…. അവന്റെ മനസ്സ് മന്ത്രിച്ചു….

എന്നാൽ വാതിൽ ഒരല്പം തുറന്നതും ആ കാലുകൾ ഉള്ളിലേക്ക് തന്നെ വലിഞ്ഞു…. അടിവെച്ചടിവെച്ചകത്തേക്ക് ആരോ