Chapter Title : മുള്ളി തെറിച്ച ബന്ധങ്ങൾ 5 [മാൻഡ്രേക്ക്]

നടന്നത് സത്യമാണോ സ്വപ്നം ആണോ എന്ന് സ്വയം ചോദിച്ചു കൊണ്ടു ഞാൻ നടന്നു..

.........................................................................

സൈക്കിൾ തള്ളി സന്തോഷം കൊണ്ടു തുള്ളി ചാടി ഞാൻ വീടിന്റെ മുമ്പിൽ എത്തി.. അതാ സ്റ്റെപ്പിൽ ഒരു ഹീൽ ചെരുപ്പ്..ഇതു മുമ്പ് കണ്ടിട്ടില്ലലോ..കാണാൻ നല്ല ഭംഗിയും മോഡേനും ആയ ചെരുപ്പ്.. ഇതാരാണാവോ..??

"അമ്മ കുഞ്ഞമ്മയുടെ വീട്ടിൽ കൂട്ടിനു നിൽക്കാൻ പോയി.. ഞാൻ പോയില്ല.. കുഞ്ഞമ്മ ഓരോന്ന് പറയും.. അപ്പോൾ ഇവിടേക്കു വന്നു കുറച്ചു ദിവസം നിങ്ങളുടെ കൂടെ നിൽകാം എന്ന് ഓർത്തു " അകത്തു നിന്നും മധുരമായ ശബ്ദം..

"അത് എന്തായാലും നന്നായി മോളെ.. നിങ്ങൾക്കു എന്തെങ്കിലും ഒക്കെ മിണ്ടിയും പറഞ്ഞും ഇരിക്കാമലോ.. അപ്പൂന് ആണെങ്കിൽ സൈക്കിളിൽ നിന്നു ഇറങ്ങാൻ സമയം ഇല്ല.." അപ്പാപ്പൻ ആരോടോ പറയുന്നു..

"അല്ലാ അവനെ വന്നപ്പോൾ മുതൽ നോക്കുവാ.. എവിടെ പോയി?" ആ ശബ്ദം വീണ്ടും.

"ദേ വന്നിട്ടുണ്ട് ഊരു തെണ്ടി " എന്നെ കണ്ടു പുച്ഛിച്ചു ചിരിച്ചു ലിസി ചേച്ചി ആരെയോ നോക്കി പറഞ്ഞു.. എന്റെ കണ്ണുകൾ അയാളെ തേടി..

"അപ്പുസേ.. നീ എവിടാരുന്നു..? ജെസ്സി ചേച്ചിയെ ഓർമ ഉണ്ടോ? " ലിസി വീണ്ടും ചോദിച്ചു.. ഞാൻ ജെസ്സിയെ നോക്കി .. സ്തംഭിച്ചു പോയി.. ഇവർക്കു ഇത്രെയും മുഖ സാദൃശ്യം ഉണ്ടായിരുന്നു..? അന്ന് വീട്ടിൽ വന്നപ്പോൾ കണ്ട മുഖം മനസ്സിൽ നിന്നും മാഞ്ഞിരുന്നു..ഉദാഹരണത്തിന് ലിസി ചേച്ചിക്ക് ഐശ്വര്യ റായ് ഇന്റെ മുഖം ആണെങ്കിൽ ജെസ്സി ചേച്ചിക്ക് നമ്മുടെ ലോക്കൽ ഡ്യൂപ്ലിക്കേറ്റ് ഐശ്വര്യ റായ് ഇന്റെ മുഖം.. എന്നാലും പെട്ടന്നു നോക്കിയാൽ ഇരട്ടകൾ പോലെ തോന്നും..