Chapter Title : നാമം ഇല്ലാത്തവൾ 10 [വേടൻ] [Climax]

ഇവൾക്കെന്തോ പ്രാന്താ..!!

നേരെ വെളിയിലേക്ക് ഇറങ്ങുന്നനേരം കുട്ടത്തിൽ കുഞ്ഞിനെ ഒന്ന് നോക്കിട്ടാണ് അവളിറങ്ങിയത്, ഉണർന്നാൽ പെണ്ണലമ്പാണെ..

"" ന്താ അച്ചാ കാര്യം.. ""

ഞങ്ങൾ അങ്ങോട്ടേക്ക് ചെന്നതും അച്ഛനും അമ്മയും അവിടെ ഉണ്ടായിരുന്നു.

"" നാളെ നിങ്ങള് പറ്റുച്ചാ.. ഒന്ന് ആ വടക്കേലെ മധുന്റെ മോൾടെ കല്യാണത്തിനൊന്ന് പോവോ.

ഞാൻ പോകാന്ന് കരുതിയാ ഇരുന്നേ.. പക്ഷെ ഇപ്പോ ദണ്ടേ പെൻഷന്റെ കാര്യത്തിന് അങ്ങോട്ടൊന്ന് ചെല്ലാണോന്ന് പറഞ്ഞാ മെമ്പറ് വിളിച്ചു....""

അച്ഛൻ ന്റെ മുഖത്തേക്കൊന്ന് നോക്കി, കൂടെ ബാക്കി രണ്ടാളും.,

"" ഇതാണോ ഇത്രേം വല്യ കാര്യം... എടാ നീ ഇവളേം കൊച്ചിനേം കൂട്ടി നാളെ അവിടെ വരെ പോണം ന്ന് പറയേണ്ടതിനാ.. ചുമ്മാ.. നാളെയല്ലേ അത് പോയേക്കാം,, അല്ലേടി.. ""

ഞാൻ ആമിയെ നോക്കിയതും .

"" അത് ഞങ്ങള് പൊക്കോളാമച്ചാ.. ""ന്നവളും പറഞ്ഞതും പുള്ളി ഹാപ്പി.. ഇത്രേം കാര്യത്തിനാണ് ഇയ്യാള് ചുമ്മാ സെന്റിമെന്റൽ അപ്പ്രൂച് നടത്താൻ പോയെ..

അതിനും ഒരു തീരുമാനമാക്കി നിൽകുമ്പോൾ ഒരു കട്ടൻ ഇടാമോ ന്ന് ചോദിച്ച ന്നോട് അവള് പറ്റത്തില്ലെന്ന് മുഖത്തടിച്ചു പറഞ്ഞെന്ന്....ചെറ്റ..

"" നിക്ക് മോനെ.. ഞനിട്ട് തരാം.. "" അമ്മ അത് പറഞ്ഞകത്തേക്ക് കയറിയതും ഞാൻ മുഖം വെട്ടിച്ചു വെളിയിലേക്ക് ഇറങ്ങി. ന്റെ പുറകെ വാലായി അവളും..

"" ഹ്മ്മ്.. "" കുറച്ച് നേരമായി അരികിൽ നിൽക്കുന്നയാ കണ്ണുകൾ ന്നിലാണെന്ന് മനസിലായതും ഞാൻ പുരികം വളച്ചു.

"" പിണങ്ങിട്ടാ നിക്കണേ..? നിക്ക്....നിക്ക് വയ്യാത്തോണ്ടല്ലേ...! ""

"" അശ്ശെ.. നീയിങ്ങ് വന്നെയെന്റെ പെണ്ണെ.. ""

അവളുടെ മുഖം മാറിയതും ഞാനവളെ ചേർത്തുപ്പിടിച്ച നിലാവിന്റെ ആഴമളന്നു, ചെറുതണുപ്പേറിയ യാ രാത്രിയുടെ മ മായക്കാഴ്ചയിൽ ദൂരെ എങ്ങോ കുറുക്കുന്ന വേഴാമ്പലിന്റെ നാദത്തിനു കൂട്ടായി ഞങ്ങളും പരസ്പരം പ്രണയിച്ചോണ്ടിരുന്നു.

"" കാമുകി കാമുകൻന്മാര് രണ്ടും ഇവിടെ മഞ്ഞോള്ളൂവാ..!""

പിന്നിൽ നിന്നും വന്നെത്തിയ മുരടനക്കത്തിനുപിന്നാലയെത്തിയ ശബ്ദത്തിന് ഞങ്ങൾ രണ്ടാളും തിരിഞ്ഞു നോക്കി നിറപുഞ്ചിരി നൽകുമ്പോൾ.. അവളും നടന്നടുത്തേക്ക് എത്തിയിരുന്നു.. വയറിനോട് ചുറ്റിപ്പിടിച്ച കൈകൾ അയക്കാതെ നിന്നവൾ ശ്രീയെ അടുത്തേക്ക് വിളിച്ചു, അവളോടി ന്റെ അരികിലെത്തി ന്നെയും കെട്ടിപ്പിടിച്ചു