Chapter Title : നാനെ രാജ, നാനെ മന്ത്രി [M.D.V]

അറിയാമോന്നു ചോദിച്ചപ്പോൾ, അവൻ ചിരിച്ചു. ഞാൻ അവളുടെ ഭർത്താവാണ് എന്നവനോട് പറഞ്ഞില്ല, പകരം അവൾക്ക് ജീവന് ഭീഷണിയുണ്ട് അതുകൊണ്ട് അവർ പുറത്തേക്ക് പോകുമ്പോ ദയവായി എനിക്കൊരു മെസ്സേജ് മാത്രം അയച്ചാൽ മതിയെന്നു ഞാനവനോട് പറഞ്ഞു.
അവൻ വിശ്വസ്തൻ ആണോ എന്നെനിക്കറിയില്ല! പക്ഷെ ഒരു ശ്രമം!

അങ്ങനെ സമ്മർ ഹോളിഡേയ്‌സ് തുടങ്ങി, അതുകൊണ്ട് തന്നെ അവളധികം ലൈബ്രറിയിൽ നിന്നും പുറത്തു പോയതുമില്ല, എനിക്ക് മനസിലായി.
ദൂരെ നാട്ടിലുള്ള ഏതോ ഒരു പയ്യൻ ആയിരിക്കണം അവനെന്നു ഞാൻ മനസിലാക്കി. വെക്കേഷനവൻ നാട്ടിൽ പോയതായിരിക്കാമല്ലോ. അങ്ങനെ ഒരു മാസത്തോളം ഞാൻ കാത്തിരുന്നു. ഒടുവിൽ ആ ദിവസം വന്നെത്തി.

ഓഫീസിൽ പുതിയൊരു കേസിന്റെ തലവേദനയിൽ ആയിരുന്നു ഞാൻ ഒരു തുമ്പുമില്ലാതെ എവിടെനിന്നു തുടങ്ങുമെന്നറിയാതെയിരിക്കുമ്പോൾ
ഹേമ ഒരു പയ്യന്റെയൊപ്പം പുറത്തേക്കിറങ്ങി എന്ന് മെസ്സേജ് വന്നു. സമയം ഏതാണ്ട് 3 മണി ആയിരുന്നുള്ളു. ഞാൻ ഒന്ന് പോയി നോക്കാമെന്നു വെച്ചു. അവരെന്തായാലും ബൈക്കിൽ പോകാനുള്ള സാധ്യ്ത ഇല്ലെന്നു ഞാൻ ഊഹിച്ചു, ലൈബ്രറിയുടെ അടുത്തുള്ള കോഫീ ഷോപ് മൂന്നെണ്ണമുണ്ട്, ഞാൻ ഓരോന്നായി തിരഞ്ഞെടുത്തു. ഒരെണ്ണത്തിൽ ചെന്നപ്പോൾ ഹേമ തനിച്ചാണ്, അവനെ കാണാനില്ല. ഞാൻ പിന്നെ കറങ്ങാതെ ഓഫീസിലേക്ക് തന്നെ തിരിച്ചു.

വൈകീട്ട് വീട്ടിലെത്തുമ്പോ അവൾ പതിവിലും സുന്ദരിയായി കണ്ടപ്പോൾ ഞാൻ അവളുടെ മുഖം കൈകുമ്പിളിൽ കോരിയെടുത്തുകൊണ്ട് ചുംബിച്ചു. ഹേമയുടെ നാണം അത് കാണാൻ തന്നെ രസമാണ്. ഇളം ചുണ്ടിൽ ഞാൻ വലിച്ചു കുടിക്കുമ്പോ അവളുടെ പൊട്ടിയ ചുണ്ടിൽ നിന്നും ഒരല്പം ചോര എന്റെ എന്റെ നാവിലേക്ക് വന്നു.!

“ഇതെന്താ ...ചോര!!”

“കഴിക്കുമ്പോ അറിയാതെ ചുണ്ട് കടിച്ചതാണ് ഗൗതം”