Chapter Title : നായിക [Master]

നിമ്മി ആശ്വാസത്തോടെ കവിളുകള്‍ വീര്‍പ്പിച്ച് ഊതി പിന്നിലേക്ക് ചാരി.

“എനിക്ക് തോന്നുന്നത് മുതലാളി അവരെ സുഖിപ്പിച്ച് പണം ഇറക്കിപ്പിച്ചതാകാം എന്നാണ്. അവരുടെ ഭര്‍ത്താവ് ഒരു കഴിവില്ലാത്ത മനുഷ്യനാണെന്ന് എനിക്ക് നേരത്തെ തന്നെ അറിയാം. അയാള്‍ക്ക് വിദേശത്ത് എന്തോ ചെറിയ ജോലിയെ ഉള്ളൂ. ഇവരെ അയാള്‍ ചതിച്ചോ മറ്റോ കെട്ടിയതാകാം. അവര്‍ കോടീശ്വരി ആണ് മാഡം, കോടീശ്വരി. വെറുതെയല്ല മുതലാളി അവരെ ചാക്കിട്ടു പിടിച്ചത്” വിഷ്ണു അവന്റെ അനുമാനങ്ങള്‍ നിമ്മിയുടെ മുമ്പാകെ നിരത്തി.

അവള്‍ നിര്‍വികാരതയോടെ അവന്റെ മുഖത്തേക്ക് നോക്കി.

“എപ്പഴാ മാഡം പണം കൊടുക്കുക എന്നവര്‍ ചോദിച്ചു. അതനുസരിച്ച് അവര്‍ കേസും പിന്‍വലിക്കും” വിഷ്ണു പറഞ്ഞു.

“ഞാനവര്‍ക്ക് പണം കൊടുക്കില്ല” നിമ്മി നിസ്സാരമട്ടില്‍ പറഞ്ഞു.

വിഷ്ണു അമ്പരപ്പോടെ അവളെ നോക്കി.

“ഇനി അവരെ നേരിടാന്‍ എനിക്ക് നീ തന്നെ ആയുധം നല്‍കി. അതിനു നന്ദിയുണ്ട്. തല്‍ക്കാലം നിനക്ക് പോകാം. ഇനിയിവിടെ നിന്റെ ആവശ്യവും ഇല്ല”

വിഷ്ണു ഞെട്ടി. പക്ഷെ നിമ്മിയുടെ മുഖത്ത് ഭാവഭേദം ഇല്ലായിരുന്നു.

“നിന്റെ മൊബൈലില്‍ നിന്നും എന്റെ മൊബൈലിലേക്ക് ഞാന്‍ ആ വീഡിയോ അയച്ചു മോനെ. അതെന്റെ പക്കലുണ്ട്. അതുമതി എനിക്ക് ഈ കേസ് അവര്‍ക്കെതിരെ നിസ്സാരമായി തിരിച്ചുവിടാന്‍. പിന്നെ നിന്റെ കലാപരിപാടിയും എനിക്ക് നന്നായി മനസ്സിലായിക്കഴിഞ്ഞു. ചെല്ലുന്നിടത്തൊക്കെ അവിടുത്തെ പെണ്ണുങ്ങളുടെ വിശ്വാസം, നിഷ്കളങ്കത നടിച്ച് നീ നേടിയെടുക്കും. എന്നിട്ട് ആ വിശ്വാസം മുതലെടുത്ത്‌ നീ അവരെ ചതിക്കും. ആ ഫ്ലവര്‍ വേസില്‍ നീ ക്യാമറ വച്ചത് ഞാന്‍ കണ്ടില്ലെന്നാണോ നിന്റെ വിചാരം?” അവള്‍ ഒരു ചെറു ചിരിയോടെ പറഞ്ഞു.

വിഷ്ണുവിന്റെ തൊണ്ട വരണ്ടുണങ്ങി വറ്റിപ്പോയി. അവന് പറയാന്‍ യാതൊന്നും ഉണ്ടായിരുന്നില്ല.

“ക്യാമറയുടെ മുമ്പിലാണ് എന്റെ ജോലി. അതുകൊണ്ടുതന്നെ എന്റെ മുഖം അതില്‍ വരാതിരിക്കാന്‍ എങ്ങനെ പെരുമാറണം എന്ന് എനിക്ക് നന്നായി അറിയാം. ആ സ്ത്രീയെ ബ്ലാക്മെയില്‍ ചെയ്താണ് നീ ഈ കേസ് ഉണ്ടാക്കിച്ചത് എന്നുപോലും എനിക്ക് സംശയമുണ്ട്‌. അതെന്തായാലും എനിക്കൊന്നുമില്ല. എന്റെ ഭര്‍ത്താവുമായി രഹസ്യബന്ധം ഉള്ള അവര്‍ നല്‍കിയ കേസിന് പുല്ലുവില പോലും ഒരു കോടതിയും നല്‍കില്ല. അത് അവര്‍ രണ്ടുപേരുടെയും ഗൂഡാലോചനയാണെന്ന് മാത്രമേ