Chapter Title : നരകത്തിലേക്കുള്ള വഴി

പോലത്തെ ഒരെണ്ണം മേടിക്കാനാ "

" ഉവ്വ ..എന്നിട്ട് കുത്ത് പടം കേറ്റാന്‍ അല്ലെ ..."

'അതൊന്നുമല്ല ഇക്കാ ...ആ ഫോണിനു വീട്ടീ റേഞ്ച് ഒണ്ട് ..അതാ " ജോസൂട്ടി തല ചൊറിഞ്ഞു

' നോക്കട്ടെ .. ശനിയാഴ്ച ആട്ടെ .... ഞാനോര്‍ത്തു സാലിക്ക് വല്ല ആലോചനയും ആണെന്ന് "

' ഒന്നും അങ്ങോട്ട്‌ ആകുന്നില്ലിക്ക '

" ഞാന്‍ പറഞ്ഞതല്ലേ ...ജാതീം മതോം ഒന്നും നോക്കണ്ട ..ഞാന്‍ കേട്ടികോളം എന്ന് " ബഷീര്‍ കുലുങ്ങി ചിരിച്ചു

' രണ്ടു കെട്ടിയത് പോരെ " ജോസുട്ടി പിറു പിറുത്തോണ്ട് തിരിഞ്ഞു നടന്നു

....................

രാവിലെ പതിവ് പോലെ സാലിയുടെ ഒച്ചപ്പാട് കേട്ടാണ് അവന്‍ എഴുന്നേറ്റത്. പല്ല് തെപ്പോക്കെ സാലിയുടെ മുന്നില്‍ പെടാതെ കഴിച്ചു .അടുക്കളയില്‍ വന്ന് എന്നാ കാപ്പിക്ക് എന്ന് നോക്കിയപ്പോള്‍ ചെണ്ട കപ്പയും മത്തി കറിയും . വായില്‍ വെള്ളമൂറി . മീന്‍ ആഴ്ചയില്‍ ഒരിക്കലെ കവലയില്‍ വരൂ ...ജോസുട്ടി ടൌണില്‍ ഓട്ടം പോകുവാനെ വങ്ങും . അവന്‍ ഒരു പ്ലേറ്റില്‍ കപ്പയും മീനും എടുത്തു

' വെക്കടാ അവിടെ ...നിന്റെ പെമ്പറന്നോത്തി ഒണ്ടാക്കിയതല്ല ...അത് '

സാലി അവന്റെ കയ്യില്‍ ഒറ്റ തട്ട് . പ്ലേറ്റ് സഹിതം കപ്പയും മീനും താഴെ

' അവന്‍ വന്നേക്കുന്നു ..കിടക്കാനും തിന്നാനും ...വേറെ എന്തേലും ഉപകാരമുണ്ടോട നിന്നെ കൊണ്ട് "

ജോസുട്ടിക്കു ഒന്നും മനസിലായില്ല . രണ്ടു മൂന്നു പേര്‍ക്ക് കഴിക്കാനുള്ള കപ്പയുണ്ടതില്‍

'ഞാന്‍ മടുത്തു ...ഞാനോരുത്തി ഇവിടെ ഉണ്ടെന്ന ചിന്തയില്ലാതെ എല്ലാരും കാലത്തേ പോകും ..ഞാനീ കോഴീം പശൂം ആയിട്ട് വര്‍ത്താനോം പറഞ്ഞു " സാലി അവിടെ തറയിലിരുന്നു ഭിത്തിയിലേക്ക് ചാരി കരയാന്‍ തുടങ്ങി . ജോസുട്ടിക്കു അവളെ ആശ്വസിപ്പിക്കണം എന്നുണ്ട് ..പക്ഷെ അവളുടെ സ്വഭാവം വെച്ച് എന്നാ പറയുന്നേ എന്നാ പ്രവര്‍ത്തിക്കുന്നെ എന്ന് അറിയാന്‍ പറ്റത്തില്ല . സാലി ഓരോന്ന് പതം പറഞ്ഞു എങ്ങലടിക്കുവാണ്. ജോസുട്ടി അവളുടെ അടുത്തിരുന്നു തല അവന്റെ തോളത്തേക്ക് ചായ്ച്ചു വെച്ചു'. ഭാഗ്യത്തിന് എതിര്‍പ്പൊന്നും ഉണ്ടായില്ല

" കരയാതെ കുഞ്ഞേച്ചി ..എല്ലാം