Chapter Title : ?നവ്യാനുഭൂതി 3 ? [നവ്യ]

ഇച്ചായൻ ബാങ്കിൽ പോയിട്ട് വിവരങ്ങൾ അറിയാതെ എനിക്ക് ഒരു സമാധാനവും ഇല്ലായിരുന്നു . എങ്ങനെ എങ്കിലും സമയം കളയണം , ഇച്ചായൻ വിളിക്കുന്നത് വരെ . " രവിയേട്ടന്റെ  നാടെവിടെ ആണ് ,ശെരിക്കും ?" "കണ്ണൂർ ആണ് ജനിച്ചതും വളർന്നതും ഒക്കെ , പിന്നെ ജോലി ആയപ്പോൾ അവിടെ നിന്നിട്ടില്ല , ഇടക്കിടക്ക് ട്രാൻസ്ഫർ കിട്ടുമ്പോൾ ഓരോ സ്ഥലങ്ങൾ ..... അങ്ങനെ അവസാനം നാടുമായി വലിയ ബന്ധം ഒന്നുമില്ലാതായി ." " നാട്ടിൽ ഇപ്പോൾ ആരാ ഉള്ളത് ?" " എന്റെ അച്ഛനും അമ്മയ്ക്കും ഞങ്ങൾ രണ്ടു മക്കൾ ആയിരുന്നു , ഞാനും അനിയത്തിയും . അച്ഛനും അമ്മയും കുറേ വർഷങ്ങൾക്ക് മുൻപേ മരിച്ചു , അനിയത്തി ഈ അടുത്തയിടക്കാണു മരിച്ചത് . " "ഹമ് , അപ്പോൾ അവരുടെ ഫാമിലി ആയിട്ട് ബന്ധം ഒന്നുമില്ലേ ,?"

" ബന്ധത്തിന് പ്രോബ്ലം ഒന്നുമില്ല , അളിയൻ വർഷങ്ങൾക്ക് മുൻപേ മരിച്ചു പോയി , അവർക്ക് രണ്ടു പെണ്മക്കൾ ആയിരുന്നു , അവർ കല്യാണം ഒക്കെ കഴിഞ്ഞു സുഖായിട്ട് ജീവിക്കുന്നു ." "ഹമ് ....അപ്പോൾ രവിയേട്ടന്റെ ഭാര്യ വീട്ടുകാർ നാട്ടിൽ ഇല്ലേ ?." " എന്റെ ഭാര്യ ഒറ്റ മകൾ ആയിരുന്നു , അവളുടെ അച്ഛനും അമ്മയും മരിച്ചപ്പോൾ ഉള്ളതൊക്കെ വിറ്റു പെറുക്കി ഞങ്ങൾ ഇവിടെ ഫ്ലാറ്റ് മേടിച്ചു . ഇപ്പോൾ അവിടെയും പറയത്തക്ക ബന്ധങ്ങൾ ഒന്നും തന്നെ ഇല്ലാ ." "നിങ്ങടെ അറേഞ്ചഡ് മാര്യേജ് ആയിരുന്നോ ?" " ഞാനും എന്റെ ഭാര്യയും ചെറുപ്പം മുതലേ അറിയുന്നവർ ആയിരുന്നു , അച്ഛന്റെ കൂട്ടുകാരന്റെ മകൾ ആയിരുന്നു . പരസ്പരം കളിച്ചു വളർന്നവർ , ഒരു പ്രായം ആയപ്പോൾ വീട്ടുകാർ ഞങ്ങടെ കല്യാണം തീരുമാനിച്ചു , പിന്നെ ഞങൾ വീട്ടുകാരുടെ സമ്മതത്തോടെ പ്രണയിച്ചു, എനിക്ക് ജോലി ആയി കഴിഞ്ഞപ്പോൾ ആണ് കല്യാണം നടന്നത്  . " " അത് കൊള്ളാലോ .... നിങ്ങൾ നല്ല കൂട്ടായിരുന്നോ ചെറുപ്പം  മുതൽ ?" "അതെ , പരസ്പരം നന്നായി അറിയുന്നവർ , അതുകൊണ്ട്