Chapter Title : നവ്യാപുരാണം 8 [പ്രിയപ്പെട്ട പ്രിയ]

"താങ്ക്യു മാഡം, ഞാൻ എന്തെങ്കിലും ആവശ്യം ഉണ്ടെങ്കിൽ മാത്രമേ വിളിക്കൂ. ഞാൻ ദാ മിസ്സ് കോൾ അടിച്ചിട്ട് ഉണ്ട്. എന്റെ പേര്‌ ശ്യാം. Cutie Shyam എന്ന് പേര്‌ സേവ് ചെയ്താൽ മതി."
നവ്യ:"അയ്യട, ഒരു cutie വന്നേക്കുന്നു. പോയി ആ ചേട്ടന് തുവര പരിപ്പ് എടുത്ത് കൊടുക്ക്."
ശ്യാം:"അയ്യോ ഞാൻ ഇനി ആ വഴിക്ക് പോകില്ല. അന്നേരം മാഡത്തിന്റെ മുമ്പിൽ ഷോ കാട്ടാൻ വേണ്ടി എവിടുന്നോ കിട്ടിയ ഒരു ധൈര്യത്തില് പറഞ്ഞതാണ്. ശരിക്കും ഞാൻ ഒരു പേടി തോണ്ടാനാ."
നവ്യ ചിരിച്ച് കൊണ്ട്‌ തിരിഞ്ഞ് ബില്ലിങ് ചെയ്യാനായി നടന്നു. നടക്കുന്ന വഴി അവൾ ശ്യാമിന്റെ നംബർ 'പാവം വായിനോക്കി ശ്യാം' എന്ന് സേവ് ചെയ്തു.

✔️✔️✔️✔️✔️✔️✔️✔️✔️✔️✔️✔️✔️✔️✔️✔️✔️✔️✔️✔️✔️

ഇതേ സമയം കാറിൽ,
രാഹുൽ:"അങ്കിളേ അവൾ പോയിട്ട് കുറേ നേരം ആയില്ലേ. ഞാൻ ഒന്ന് പോയി നോക്കട്ടെ."

മാത്യു:"ഇവിടെ ഇരിക്ക് ഡോക്ടറെ. അവൾ ഇങ്ങ് വന്നോളും."

തോമസ്:"അവൾ അവളുടെ ഫ്രീഡം ഒന്ന് ആസ്വദിച്ചു പാറി പറന്ന് നടക്കട്ടെ രാഹുല്‍."

രാഹുൽ:"അതല്ല അങ്കിൾ, അവള്‍ക്ക് എന്തെങ്കിലും കുഴപ്പം പറ്റിയോ എന്ന് ഓര്‍ത്താണ് എനിക്ക് പേടി."

തോമസ്:" അങ്ങനെ കുഴപ്പം പറ്റിയാൽ അത് കൈകാര്യം ചെയ്യാൻ ഉള്ള കഴിവും പ്രാപ്തിയും അവള്‍ക്ക് ഉണ്ട് എന്ന വിശ്വസം ആണ്‌ വേണ്ടത്. അല്ലാതെ അവള്‍ക്ക് എന്തെങ്കിലും പറ്റുമോ എന്ന ആധി അല്ല.".

രാഹുൽ ഒന്നും പറഞ്ഞില്ല.

തോമസ്:"ഇനി അഥവാ അവള്‍ക്ക് കൈകാര്യം ചെയ്യാൻ പറ്റാത്ത എന്തെങ്കിലും കുഴപ്പം വന്നാൽ തന്നെ സഹായം ചോദിക്കാൻ അവൾ തന്നെ നമ്മളെ വിളിച്ചോളും. അവളുടെ കൈയിൽ ഫോൺ ഇല്ലേ."