Chapter Title : നീലച്ചിറകുള്ള മോഹങ്ങൾ 1 [ഒലിവർ]

അവനെന്റെ കാരണവർ ആണെന്നാണ്.” അവൾ പരിഹാസത്തോടെ ഒന്ന് ചിരിച്ചു.

“ ഹസ്ബന്റ് ബിസിനസ്സ് ട്രിപ്പിലാണ്. ഞാൻ ഇത്രയും നേരം പുറത്തുനിൽക്കുന്നത് കണ്ടാൽ ആ പാവം ഡ്രൈവർക്ക് ടെൻഷനാ... അവനാകും വഴക്ക് മൊത്തം. ഞാൻ ഇങ്ങനെയൊക്കെ അടിച്ചുപൊളിക്കുമെന്ന് അവൻ സ്വപ്നത്തിൽ പോലും കരുതിക്കാണില്ല.”

​“കെട്ട്യോൻ ഭയങ്കര സ്ട്രിക്റ്റ് ആണല്ലേ?” മഹേഷ് അവളുടെ അടുത്തേക്ക് കൂടുതൽ ചേർന്നിരുന്നു. അവന്റെ ചൂടുള്ള ശ്വാസം അവളുടെ തോളിൽ തട്ടുന്നുണ്ടായിരുന്നു.

​“അയാൾക്ക് അയാളുടേതായ കുറച്ച് ടേംസ് ആൻഡ് കണ്ടീഷൻസുണ്ട് മഹീ,” നേർത്ത ചിരിയോടെ അവൾ ഫോൺ സൈലന്റ് ആക്കി ടേബിളിൽ കമിഴ്ത്തി വെച്ചു. അവൾ കൈ രണ്ടുമുയർത്തി അല്പം ഒന്ന് നടുനിവർത്തിയപ്പോൾ,

“സത്യം പറയാമല്ലോ... പണ്ട് കോളേജിൽ പഠിക്കുമ്പോഴേ എന്റെ മനസ്സിനുള്ളിലെ അനുപമ ഇങ്ങനെയൊക്കെയായിരുന്നു,”മഹേഷ് ശബ്ദം താഴ്ത്തി അവളുടെ കാതിനടുത്തേക്ക് നീങ്ങിയിരുന്നു.

​“നിന്നെക്കൊണ്ട് ഒരു ‘യെസ്’ പറയിക്കാൻ ഞാൻ പിന്നാലെ നടന്നിരുന്ന കാലത്ത് പോലും എന്റെ സ്വപ്നം ഇതൊക്കെയായിരുന്നു. ഇതുപോലെ നിന്നെ മോഡേൺ ആക്കി ഒരുക്കിയെടുക്കുന്നതും, ബൈക്കിന് പിന്നിലിരുത്തി യാതൊരു അതിർവരമ്പുകളും ഇല്ലാതെ കറങ്ങിനടക്കുന്നതുമൊക്കെ... പക്ഷേ... എല്ലാം പാതിവഴിയിൽ പോയില്ലേ,” അവൻ തന്റെ സ്വരത്തിൽ ഒരു ചെറിയ ഗദ്ഗദം കരുതിക്കൂട്ടിത്തന്നെ കൊണ്ടുവന്നു.

അനുപമ തന്റെ ഗ്ലാസ്സിൽ നിന്നും കണ്ണെടുത്ത് അവനെ ഉറ്റുനോക്കി. “എനിക്കും നിന്നെ ഒരുപാട് ഇഷ്ടമായിരുന്നു മഹീ... അത് നിനക്കും അറിയാമായിരുന്നു എന്നാണ് എന്റെ ഊഹം. അല്ലാതെ വെറുമൊരു വൺസൈഡ് ലൗവിന് വേണ്ടി ആരെങ്കിലും പത്തു വർഷം പാഴാക്കുമോ?”

​“പിന്നെന്തിനായിരുന്നു അനു ആ ഒഴിഞ്ഞുമാറൽ?” അവൻ ഗ്ലാസ്സിലെ ഐസ് കട്ടയിൽ വിരൽകൊണ്ട് വട്ടം കറക്കി. “എന്തിനായിരുന്നു ആ ‘നോ’ പറയലൊക്കെ? എന്നെ അത്രയ്ക്ക് വിശ്വാസമില്ലായിരുന്നോ?”

അവളൊന്ന് ദീർഘശ്വാസം വിട്ടു.

“മഹീ... ഞാനൊരു പാവപ്പെട്ട വീട്ടിലെ പെണ്ണായിരുന്നെന്ന് നിനക്കറിയാല്ലോ. എന്റെ ചേച്ചി പ്രേമിച്ചു വയറ്റിലുണ്ടാക്കിയതിന്റെ ചീത്തപ്പേര് ആ നാട്ടുകാർ മറന്ന് തുടങ്ങുന്നതേയുണ്ടായിരുന്നുള്ളൂ. നിന്റെ കണ്ണുകളിൽ അന്ന് പ്രേമം മാത്രമായിരുന്നില്ല മഹീ, അതിൽ വേറെയും ചിലതുണ്ടായിരുന്നു… ഇന്നും നിന്റെ കണ്ണില്‍ നിന്ന് വായിച്ചെടുക്കാവുന്ന അതേ കാര്യങ്ങൾ തന്നെ. അന്ന് നിന്നോട് മനസ്സിലെ ഇഷ്ടം പറഞ്ഞാൽ അത് കൈ കോർത്തുപിടിച്ചു നടക്കുന്നതിൽ മാത്രം അവസാനിക്കില്ലെന്ന് എനിക്ക് ഉറപ്പായിരുന്നു. തൊടാനും