Chapter Title : നീലച്ചിറകുള്ള മോഹങ്ങൾ 2 [ഒലിവർ]

അറിഞ്ഞിട്ടുമുണ്ടാകും. എന്നിട്ടും അവൻ തനിക്ക് വേണ്ടി തുണയ്ക്കെത്തി. മഹേഷിനെ അവൻ തല്ലിച്ചതച്ചു. എന്നിട്ടും മതിയാകാതെ ജീവച്ഛവമാക്കി. തന്നെ വേണ്ടെന്ന് വെച്ച് പോയവളെയും സംരക്ഷിക്കാൻ അവൻ എത്തിയല്ലോ എന്ന് ഓർത്തപ്പോൾ അവൾക്ക് കരച്ചിൽ അടക്കാനായില്ല.

​താൻ ഒരിക്കലും സ്വപ്നത്തിൽ പോലും വിചാരിക്കാത്ത രീതിയിൽ അവൻ തന്നെ രക്ഷിച്ചിരിക്കുകയാണ്. മഹേഷിന്റെ ഈ കിടപ്പ് തനിക്ക് കിട്ടിയ മോചനമാണ്. കഴിഞ്ഞ രണ്ട് വർഷമായി അനുഭവിച്ച ശ്വാസംമുട്ടലിന് ഇപ്പോഴാണ് ഒരു അയവ് വന്നത്.

പാലക്കാട് അവൾ തനിച്ചാക്കി വന്ന ആ പാവം പയ്യൻ, ഇന്ന് അവളറിയാതെ തന്നെ അവളുടെ രക്ഷകനായി വന്നിരിക്കുന്നു. ആരോടും പറയാൻ പറ്റാത്ത ഈ രഹസ്യം ഉള്ളിലൊതുക്കി അവൾ ഒരുപാട് കരഞ്ഞു. ​കൈ പിൻപുറം കൊണ്ട് കണ്ണുനീർ തുടച്ച് അവൾ ദീർഘമായി ഒന്ന് ശ്വാസം വിട്ടു. ആശുപത്രിയിലെ ആ മരുന്നിന്റെ മണം അവൾക്ക് ഇപ്പോൾ അത്ര അരോചകമായി തോന്നിയില്ല. ദൂരെ സരസ്വതിയമ്മയുടെ വിലാപം ഇപ്പോഴും കേൾക്കാം. സങ്കടത്തിന്റെ ഒരു വലിയ കടൽ മുന്നിലുണ്ട്.

​പക്ഷേ ഇപ്പോൾ അവളുടെ ഉള്ളിൽ ഒരു ചെറിയ പ്രതീക്ഷ വന്നു തുടങ്ങിയിട്ടുണ്ട്. പഴയ കാലത്ത് നിന്ന് ഒരാൾ തന്നെ തേടി വന്നതുപോലെ. ചുളുങ്ങിയ സാരിയൊന്ന് ഒതുക്കി, മുടി കോതിയൊതുക്കി അവൾ പതുക്കെ എഴുന്നേറ്റു. ഇനിയും ആ സങ്കടം പിടിച്ച ഭാര്യയായി അഭിനയിക്കേണ്ടതുണ്ട്. എങ്കിലും ഐ.സി.യുവിന്റെ അടുത്തേക്ക് തിരിച്ചു നടക്കുമ്പോൾ അവളുടെ കാലുകൾക്ക് ഒരു വല്ലാത്ത ഉറപ്പുണ്ടായിരുന്നു. ഗോകുൽ ഇവിടെയുണ്ട്... തൽക്കാലം ആ ഒരു ചിന്ത മാത്രം മതി അവൾക്ക്.

******

​സേലം എത്തിയപ്പോൾ കണ്ട അത്യാവശ്യം തിരക്കുള്ള ആ ഹോട്ടൽ ഗോകുൽ മനപ്പൂർവ്വം തിരഞ്ഞെടുത്തതാണ്. ഗീതയെ