Chapter Title : നീലക്കുറിഞ്ഞി പൂക്കുന്ന നാട്ടിൽ [അമൃത രാജ്]

ഡ്യൂട്ടി. അതിനായി പലയിടങ്ങളിൽ അവളുമായി പോകേണ്ടി വരികയും ചെയ്തു. ഞാൻ അവർക്ക് കൂടെ പോവുന്നതിൽ ഒരു എതിർപ്പും അവനില്ല എന്നാണ് എന്റെ വിശ്വാസം ഈ നിമിഷം വരെ. ഇങ്ങനെ പോവുന്ന സമയങ്ങളിൽ പലപ്പോഴും അവർക്കിടയിലെ പലതും കാണേണ്ടി വരുകയും ചെയ്തു. കൊച്ചിയിലെ പല സ്വകാര്യത നിറഞ്ഞ ഇടങ്ങളിലും അവർ തമ്മിൽ ഉള്ളിലെ ദാഹം തീർക്കുന്നതിനായി ദൂരേക്ക് മാറി ഇരുന്ന് അനുവദിച്ചു നൽകി. അങ്ങനെ ഒരു ദിവസമാണ് അവൾ എന്നെ വിളിച്ചു അവളുടെ കുളി തെറ്റിയ കാര്യം എന്നെ അറിയിക്കുന്നത്. വയറ്റിൽ ജീവൻ ജനിച്ചതോടെ അവൾ വല്ലാതെ പരിഭ്രാന്തിയായി എന്തെല്ലാമോ സംസാരിച്ചു. അവനോടു ഈ കാര്യം പറഞ്ഞെങ്കിലും കൂസൽ ഇല്ലാതെ അബോർട്ട് ചെയ്യാമെന്ന തീരുമാനത്തിലേക്ക് ആയിരുന്നു അവന്റെ നീക്കം. എന്നാൽ ഒരു പെണ്ണിന് തന്റെ ഉള്ളിലെ ആദ്യ ജീവൻ കളയുക എന്നത് എത്രത്തോളം വിഷമമാണെന്ന് ആണിന് ഒരിക്കലും മനസിലാകില്ല.

കഥകളിൽ നിന്റെ കുട്ടിയെ ഞാൻ വളർത്താം എന്നൊക്കെ പറഞ്ഞു വെക്കാം എന്നാലും ലൈഫിൽ അതൊന്നും അത്ര എളുപ്പമല്ല. നിരന്തരമായ അവന്റെ നിർബന്ധത്തിൽ അവൾ അതിനു സമ്മതം മൂളുകയായിരുന്നു. പിന്നീടുള്ള ചോദ്യം എവിടെ എങ്ങനെ എന്നായിരുന്നു.. ആരും അറിയാതെ സുരക്ഷിതമായി അബോർട്ട് ചെയ്യാനുള്ള കാര്യങ്ങൾ ചിന്തിച്ചപ്പോഴാണ് എന്റെ സ്‌കൂൾ കൂട്ടുകാരി രചനയുടെ അമ്മയെ ഓർമ്മ വന്നത്. ആള് ഇപ്പോൾ അടിമാലിയിൽ ഒരു ക്ലിനിക് നടത്തുകയാണ് എന്നു മാത്രം അറിയാം. ഞാൻ ഉടൻ തന്നെ രചനയെ വിളിച്ചു അമ്മയുടെ നമ്പർ വാങ്ങി. തുടർന്ന് രേവതി ആന്റിയെ വിളിച്ചു ഏകദേശ രൂപം പറഞ്ഞു. ആദ്യം എന്നോട് ദേഷ്യപ്പെട്ടു എങ്കിലും അവസ്ഥ പറഞ്ഞതോടെ ഞങ്ങളോട്