Chapter Title : നീലക്കൊടുവേലി 2 [Fire blade]

"

അവൾ തീരുമാനത്തിൽ നിന്നും തെല്ലൊന്നു പിന്നോട്ട് പോയത് അവന്റെ ഉള്ളിൽ നിരാശയുണ്ടാക്കിയെങ്കിലും അവനത് പുറത്ത് കാണിച്ചില്ല...

ഉറങ്ങി കിടന്ന പിള്ളയെ എണീപ്പിച്ച് ഭക്ഷണമില്ലെന്നു പറഞ്ഞത് പോലെ, ഹാ... എന്തേലുമാകട്ടെ...

" നീ എന്ത് കുന്തമെങ്കിലും ചെയ്യ്.... ഞാൻ ഇതൊന്നു മുഴുവനാക്കിക്കോട്ടെ... "

അവൻ വീണ്ടും പ്രൊഫഷണൽ ആയി അഭിനയിച്ചു... അവൾ കാണാൻ വേണ്ടി തന്നെ നിർത്താതെ 10 കിക്ക് പല അങ്കിളിലേക്ക് അടിച്ചുകൊണ്ട് അവളുടെ ത്വര കൂട്ടി...

കുറച്ചു സമയം കൂടി അവൾ അവിടെ നിന്നു...ദേഹത്തു എങ്ങനെയാണു തട്ടുക എന്നതിനെപ്പറ്റിയും ചിന്തിച്ചു നോക്കി...

നെഞ്ചിലേക്കല്ലേ അവൻ ചൂണ്ടിയത്.. അവിടെയൊക്കെ എങ്ങനാ തട്ടുക ...ഇനീപ്പോ തട്ടിയാലും സിദ്ധുവല്ലേ... അത് പ്രശ്നമുണ്ടാകുമോ... ഇതൊക്കെ ആലോചിച്ചെങ്കിലും അവൾക് ഒരു ഉത്തരവും കിട്ടിയില്ല... അവസാനം ലക്ഷ്മിയമ്മയോട് ചോദിച്ചു ഉത്തരം കണ്ടെത്താമെന്നുള്ള കണക്കിൽ അവൾ താഴേക്ക് പോയി

ലക്ഷ്മിയമ്മയുമായി ഈ കാര്യം ചർച്ച ചെയ്തപ്പോൾ അവർക്ക് അതിൽ വലിയ പ്രശ്നമൊന്നും തോന്നിയില്ല... ഇവരെ വേറൊരു കണ്ണിൽ സിദ്ധു കാണില്ലെന്നൊരു വിശ്വാസം അവർക്കുണ്ടായിരുന്നു...അതിനേക്കാളുപരി അകൽച്ച വെടിഞ്ഞു ഇവർ അടുക്കുന്നതിൽ ഒരു ആനന്ദം തോന്നുകയും ചെയ്തു..

അങ്ങനെ നീതു സിദ്ധുവിന് ശിഷ്യപ്പെട്ടു...വൈകീട്ട് എന്നും 1 മണിക്കൂർ അവൾക്കുള്ള കോച്ചിങ്ങിനു അവൻ തയ്യാറായി... ഇതിനെപ്പറ്റി അറിഞ്ഞെങ്കിലും താൽപ്പര്യം ഇല്ലെങ്കിലും സിതാര മറുത്തൊന്നും പറയാൻ പോയില്ല, ഡ്രസ്സ്‌ നല്ല രീതിയിൽ ഇട്ട് പോണമെന്നു മാത്രം...

അങ്ങനെ അടുത്ത ദിവസം മുതൽ നീതുവിനെ ക്ലാസ് ആരംഭിച്ചു... വര്ഷങ്ങളോളം പഠിച്ചതുക്കൊണ്ട് എങ്ങനെ ഒരാളെ പഠിപ്പിക്കണമെന്നത് അവന് നിശ്ചയമുണ്ടായിരുന്നു..

ആദ്യം തന്നെ അവളുടെ ശരീരം ഒന്ന് പരുവപ്പെടുത്തിയെടുക്കേണ്ട അവസ്ഥ ഉണ്ടായിരുന്നു.. അതിനു വേണ്ടി