Chapter Title : നീലത്തടാകത്തിൽ [അർജുൻ]

കേട്ട്.. നോക്കിയപ്പോൾ ഡ്രൈവർ ആയ ടാക്സിക്കാരൻ... യാത്രക്കാരനോട് ഏതോ അഡ്രെസ്സ് പറഞ്ഞു കൊടുത്തു അദ്ദേഹം അവിടെയിറങ്ങി.... ബാക്കി ക്യാഷ് എണ്ണി നോക്കി പോക്കറ്റിൽ വെക്കുന്നതിനിടയിൽ എന്റെ മുഖത്തുകണ്ട പുഞ്ചിരിക്കു മറുപടി ഒരു ചിരി സമ്മാനിച്ചു അയാൾ എന്നെയും കടന്നുപോയി...... അയാൾ വന്ന ടാക്സി മുന്നോട്ടു പോകാൻ തുടങ്ങിയപ്പോൾ... എന്റെ പിന്നിൽ ഒരു പെൺ ശബ്ദം... "ടാക്സി....... " തിരിഞ്ഞ് നോക്കിയ ഞാൻ കാണുന്നത് ഒരു പെൺകുട്ടി ഓടി വരുന്നതാണ്... അവളെ സഹായിക്കാണെന്നവണ്ണം ഞാൻ ടാക്സിക്കാരനെ വിളിച്ചു...." ടാക്സി..... " അപ്പോഴേക്കും ഡ്രൈവർ ആ പെൺകുട്ടിയെ കണ്ടു.. കാർ നിർത്തി... അവൾ അടുത്ത് വന്നപ്പോഴാണ് എനിക്കതിനെ മനസ്സിലായത്... രാവിലെ റിസപ്ഷനിൽ കണ്ട ആ ഫോൺകാരി തരുണിമണി. അവളെ കണ്ടു ഒന്ന് പുഞ്ചിരിക്കാൻ ഞാൻ ഒരു ശ്രമം നടത്തി... അവൾ ആരെയും ശ്രദ്ദിക്കാതെ ഓടി കാറിൽ കയറിപ്പോഴാണ് അവൾ കരഞ്ഞു കൊണ്ടാണ് ഓടി വന്നതെന്ന് എനിക്ക് മനസ്സിലായത്... അവളുടെ കണ്ണീർ ധാര ധാരയായി അവളുടെ കവിൾതടം നനച്ചു... കഴുത്തിൽ ചുറ്റിയിരുന്ന ഷാളെടുത്തു തുടച്ചുകൊണ്ട് ഡ്രൈവറോട് എന്തോ പറഞ്ഞു.... കാർ പതിയെ മുന്നോട്ടു നീങ്ങി തുടങ്ങി...

എത്രയായാലും ഒരു പെണ്ണിന്റ കണ്ണീർ കണ്ട എന്റെ മനസ്സ് അസ്വസ്ഥമായി... പതിയെ തിരിഞ്ഞു നടന്നു.... വെയിലിനു കനം കൂടി വരുന്നു... ശരീരം ചുട്ടു പൊള്ളുന്ന പോലെ... എന്തോ ഒരു വല്ലായ്കറിസപ്ഷനിൽ ആരെയും കാണുന്നില്ല... കസേരകളിൽ നേരത്തെ ഉണ്ടായിരുന്നവരെയും കാണുന്നില്ല.. ഇപ്പൊൾ വന്നവരാണെന്ന് തോന്നുന്നു രണ്ടുമൂന്നുപേർ അവിടെയിരിക്കുന്നു... പുറത്തേക്കാൾ ചൂട് ഇപ്പോൾ ഇതിനകത്തണെന്ന് തോന്നുന്നു.... ഒട്ടും സഹിക്കാൻ പറ്റുന്നില്ല... ഒരു വല്ലാത്ത പരവേശം.... പതിയെ അടുത്തു കണ്ട സോഫയിലേക്കിരുന്നു.... കണ്ണുകൾ അടയുന്നപോലെ.... എത്ര ശ്രമിച്ചിട്ടും കണ്ണ് തുറന്നിരിക്കാൻ പറ്റുന്നില്ല... ഉള്ളം കൈ വിയർത്തു... ശരീരം എനിക്ക് വഴങ്ങുന്നില്ല... കൈകളുടെ ശക്തി ചോർന്നു പോകുന്ന പോലെ..... ഞാൻ പതിയെ നിദ്രയിലേക്ക് വീഴുന്നപോലെ.. കാഴ്ചകൾ മറഞ്ഞു.... ചുറ്റും ഇരുട്ടു പരന്നു... മുകളിലേക്കുയർന്നു പൊങ്ങുന്ന ഒരു ആകാശ ബലൂണിനുള്ളിൽ നിന്ന് കൊണ്ട് താഴെ ഭൂമിയുടെ മാസ്മരികത നോക്കി ആസ്വദിക്കുന്ന എന്നെ അലോസരപ്പെടുത്തിക്കൊണ്ട് പൂർവാധികം ശക്തിയായി അത് താഴേക്ക് പോകുന്നു.... എനിക്കൊന്നും ചെയ്യാനാകും മുന്നേ അത് താഴേക്ക് വീണു... കൂടെ ഞാനും...ഞാൻ ഉച്ചത്തിൽ അലറി... തല ചെന്നു ഏതോ ശക്തമായ പ്രതലത്തിൽ ഇടിച്ചതു കൊണ്ടാകണം ....നല്ല വേദന... കണ്ണുതുറന്നു നോക്കുമ്പോൾ സോഫയുടെ തൊട്ടടുത്തുണ്ടായിരുന്ന കസേരയിൽ തലയിടിച്ചു കൊണ്ടതാണ്... എല്ലാരും എന്നെ നോക്കുന്നു... ഞാനാകെ ചമ്മിയ പോലെ...