Chapter Title : നിധിയുടെ കാവൽക്കാരൻ 11 [കാവൽക്കാരൻ]

നോക്കി നിന്നുപോയി...

വേറെ നിവൃത്തിയില്ലാത്തതുകൊണ്ട് ഞാൻ എന്റെ മുറിയിലേക്ക് നടന്നു.

​മനസ്സിൽ അപ്പോഴും അവളുടെ ആ സ്പർശനം തന്ന ലഹരി വിട്ടുമാറിയിട്ടുണ്ടായിരുന്നില്ല.

ശേഷം വേഗം ബാത്‌റൂമിൽ കയറി നല്ലൊരു കുളി പാസാക്കി. തണുത്ത വെള്ളം ദേഹത്ത് വീണപ്പോഴാണ് ശരീരത്തിന് കുറച്ചെങ്കിലും ആശ്വാസം കിട്ടിയത്.

കുളിച്ചിറങ്ങി കോളേജിൽ പോവണ്ടതുകൊണ്ട് ഒരു ജീൻസും ഷർട്ടും എടുത്തിട്ടു.

അപ്പോഴാണ് കൃതി തന്ന ഫോണിന്റെ കാര്യം ഓർമ്മ വന്നത്.ബോക്സ്‌ തുറന്ന് സിം ഇട്ട് ഓൺ ആക്കുമ്പോഴായിരുന്നു വാതിലിൽ ഒരു മുട്ട് കേട്ടത്.

​ചെന്നു തുറന്നപ്പോൾ കുളിച്ചൊരുങ്ങി സുന്ദരിയായി നിധി നിൽക്കുന്നു. നനഞ്ഞ മുടി തോർത്ത്‌ കൊണ്ട് കെട്ടിവെച്ചിട്ടുണ്ട്.

​"വാ... പോവാം..."

​ഞങ്ങൾ താഴേക്ക് നടന്നു.

ഡൈനിങ്ങ് ടേബിളിൽ ഐഷു മിസ്സ്‌ ഉണ്ടാക്കി വെച്ച നല്ല വെളുവെളുത്ത അപ്പവും, മസാല മണം പരത്തുന്ന മുട്ടക്കറിയും ഇരിപ്പുണ്ടായിരുന്നു.

അട ഗോമ്മാലേ.... എന്താ മണം... മിസ്സിനേ പോലേ തന്നേ...😌

​ഞാൻ പ്ലേറ്റിലേക്ക് അപ്പവും കറിയും വിളമ്പി കഴിക്കാൻ തുടങ്ങി.

ഇടയ്ക്ക് അവൾ ഒരു കഷ്ണം അപ്പമെടുത്ത് കറിയിൽ നന്നായി മുക്കി എന്റെ വായയിലേക്ക് നീട്ടി.

​ഒരു ചിരിയോടെ ഞാൻ അത് കഴിച്ചു.

​പിന്നീട് അങ്ങോട്ട് അവൾ അതൊരു പതിവാക്കി. ഇടയ്ക്കിടെ അവൾ സ്വന്തം കൈകൾ കൊണ്ട് എനിക്ക് വാരി തന്നുകൊണ്ടിരുന്നു.

​അവൾ കഴിക്കുന്നില്ലേ എന്ന് നോക്കിയപ്പോൾ അവൾ എന്നെത്തന്നെ നോക്കി ഇരിക്കുകയാണ്.

​"നിനക്ക് വേണ്ടേ...?"

​ഞാൻ ചോദിച്ചു.

​അതുകേട്ടതും കുസൃതിയോടെ അവൾ വായ തുറന്നു കാണിച്ചു.

ചെറിയൊരു നാണമുണ്ടായിരുന്നെങ്കിലും ഒരു അപ്പക്കഷ്ണം മുട്ടയുടെ വെള്ളയോട് ചേർത്ത് കറിയിൽ മുക്കി അവൾക്കും വാരി നൽകി...

​അങ്ങനെ പരസ്പരം കൊഞ്ചിച്ചും