Chapter Title : നിധിയുടെ കാവൽക്കാരൻ 18 [കാവൽക്കാരൻ]

തപസ്സ് ഇരിക്കുന്നത് പോലെ ധ്യാനത്തിലിരിക്കുന്നു. ചുറ്റുമുള്ള ബഹളങ്ങളൊന്നും അവരെ ബാധിക്കുന്നില്ല.

ആ പരിസരത്താവട്ടെ, പലതരം പക്ഷികൾ... വർണ്ണപ്പകിട്ടുള്ള തത്തകളും, പ്രാവുകളും, അപൂർവ്വയിനം പറവകളും ഒക്കെ ആരെയും ഭയക്കാതെ സ്വതന്ത്രമായി പറന്നു നടക്കുന്നു.

ശരിക്കും ഒരു പറുദീസ എന്ന് വിശേഷിപ്പിക്കാം ഈ സ്ഥലത്തെ....

"എടാ... ഇത് തമിഴ്നാട് തന്നെയാണോ...?"

റോസ് ചുറ്റും നോക്കി അത്ഭുതത്തോടെ ചോദിച്ചു. അവളുടെ ചോദ്യം ന്യായമായിരുന്നു. ജപ്പാനിലോ ചൈനയിലോ എത്തിയ ഒരു പ്രതീതി.

കല്ലുകൾ പാകിയ മനോഹരമായ നടപ്പാതയിലൂടെ ഞങ്ങൾ ഓരോന്നും നോക്കി മുന്നോട്ട് നടന്നു. ആ അന്തരീക്ഷത്തിലെ ശാന്തതയും, ഇടയ്ക്കിടെ കേൾക്കുന്ന പരിശീലനത്തിന്റെ ശബ്ദങ്ങളും വല്ലാത്തൊരു അനുഭൂതിയാണ് നൽകിയത്.

പെട്ടെന്നാണ് ഞങ്ങൾ ഒരു വലിയ കെട്ടിടത്തിന് മുന്നിലെത്തിയത്.

മരം കൊണ്ട് നിർമ്മിച്ച, അരികുകൾ വളഞ്ഞ മേൽക്കൂരയോട് കൂടിയ പഴയൊരു ജാപ്പനീസ് ക്ഷേത്രത്തെ ഓർമ്മിപ്പിക്കുന്ന വലിയൊരു ഹാൾ.

ഞങ്ങൾ അതിനടുത്തേക്ക് എത്തിയതും ഉള്ളിൽ നിന്നും ലോഹങ്ങൾ തമ്മിൽ ഉരസുന്ന ശബ്ദം കേട്ടു.

അതും വാളുകൾ തമ്മിൽ കൂട്ടിമുട്ടുന്ന, രക്തം മരവിപ്പിക്കുന്ന ശബ്ദം.

ആ ശബ്ദം കേട്ടതും ഞങ്ങൾ നടത്തം നിർത്തി. എന്തോ ഒരു ആകാംഷ ഞങ്ങളെ അങ്ങോട്ട് വലിച്ചടുപ്പിച്ചു.

"വാ... നോക്കാം..."

ഞാൻ മെല്ലെ ആ ഹാളിന്റെ തുറന്ന വാതിലിലേക്ക് നടന്നു. പിന്നാലെ ബാക്കിയുള്ളവരും. അവിടെ എന്താണ് നടക്കുന്നതെന്ന് കാണാനുള്ള ആകാംക്ഷയോടെ ഞങ്ങൾ അതിനുള്ളിലേക്ക് കയറി....

പുറത്തെ ശാന്തമായ അന്തരീക്ഷത്തിൽ നിന്നും തികച്ചും വ്യത്യസ്തമായ, വീര്യം തുളുമ്പുന്ന ഒരു ലോകമായിരുന്നു അതിനുള്ളിൽ.

മിനുസപ്പെടുത്തിയ തടിപ്പാകിയ തറ.

വായുവിൽ വിയർപ്പിന്റെയും, പഴക്കമുള്ള മരത്തിന്റെയും, എന്തോ ഒരുതരം എണ്ണയുടെയും സമ്മിശ്ര ഗന്ധം തളംകെട്ടി നിൽക്കുന്നു.

ഹാളിന്റെ അരികുകളിലായി