Chapter Title : നിധിയുടെ കാവൽക്കാരൻ 18 [കാവൽക്കാരൻ]

തലയാട്ടി.

"എന്തിനാ ഇങ്ങോട്ട് വന്നത്...?"

അവളുടെ ശബ്ദത്തിൽ സംശയം നിറഞ്ഞുനിന്നിരുന്നു.

പെട്ടു...!

റോസ് പറഞ്ഞ കള്ളം ഇനി തിരുത്താൻ പറ്റില്ല. അങ്ങനെ ചെയ്താൽ ചിലപ്പോൾ അറ്റകൈ പ്രയോഗിക്കേണ്ടി വരും. അതുകൊണ്ട് തുടങ്ങിയ കള്ളത്തിൽ തന്നെ കടിച്ചു തൂങ്ങാൻ ഞാൻ തീരുമാനിച്ചു.

ഞാൻ ഒന്നു ചുമച്ചു, തൊണ്ട ശരിയാക്കി. മുഖത്ത് പരമാവധി ഗൗരവം വരുത്തി, വിശ്വസിക്കുമോ ഇല്ലയോ എന്ന് പോലും നോക്കാതെ ഞാൻ തട്ടിവിട്ടു:

"അത്... ഞങ്ങൾ... ഞങ്ങൾ ഇവിടെ പഠിക്കാൻ വന്ന സ്റ്റുഡന്റസാണ്..."

ഞാൻ എല്ലാവരെയും ഒന്ന്‌ പാളി നോക്കി. എല്ലാവരും ഞാൻ എന്താണ് പറയാൻ പോവുന്നത് എന്നറിയാൻവേണ്ടി കാത് കൂർപ്പിച്ചു നിൽക്കുകയാണ്...

"എന്റെ... എന്റെ ഒരു ഫ്രണ്ട് പറഞ്ഞിട്ടാണ് ഇങ്ങനെയൊരു സ്ഥലത്തെപ്പറ്റി അറിഞ്ഞത്. ഇവിടെ എല്ലാത്തരം അയോധന കലകളും പഠിപ്പിക്കുമെന്ന് കേട്ടു. ഞങ്ങൾക്കും കുറച്ചൊക്കെ... കുറച്ചൊക്കെ അടിയും തടയുമൊക്കെ അറിയാം. പക്ഷേ അതൊന്നും പോരല്ലോ... അതുകൊണ്ട് ആ അറിവ് ഒന്ന് മറക്കാതിരിക്കാനും, ഉള്ള കഴിവ് ഒന്ന് മൂർച്ച കൂട്ടാനും വേണ്ടിയാണ് ഞങ്ങൾ ഇങ്ങോട്ട് വന്നത്..."

പറഞ്ഞു നിർത്തിയപ്പോൾ എനിക്ക് തന്നെ കിതപ്പ് വന്നു. ഇത്രയും വലിയൊരു നുണ, ഇത്രയും ആത്മവിശ്വാസത്തോടെ ഞാൻ ഇതിനുമുമ്പ് പറഞ്ഞിട്ടില്ല.

എന്റെ വാക്കുകൾ കേട്ട് അവൾ നെറ്റി ചുളിച്ചു. അവളുടെ നോട്ടം എന്റെ മുഖത്തുനിന്നും മാറ്റി, പുറകിൽ നിൽക്കുന്ന ബാക്കിയുള്ളവരിലേക്ക് നീണ്ടു.

റോസ് പറഞ്ഞത് പ്രകാരം എന്നെയും ആമിയെയും നിധിയെയും മാത്രമാണ് അഡ്മിഷന് വേണ്ടി ചൂണ്ടിക്കാണിച്ചത്. ബാക്കി നാലുപേർ വെറുതെ നിൽക്കുകയാണ്.

അവൾ രാഹുലിനെയും സച്ചിനെയും കൃതികയെയും റോസിനെയും മാറി മാറി നോക്കി.

"അപ്പോ ഇവർക്കോ...? ഇവർക്ക് ചേരണ്ടേ...?"

അവൾ കൈ