Chapter Title : നിധിയുടെ കാവൽക്കാരൻ 19 [കാവൽക്കാരൻ]

പറഞ്ഞു. കൃതിക വേഗം ഒരു കുപ്പി വെള്ളം എടുത്തു കൊടുത്തു.

നിധി കുറച്ചു വെള്ളം കയ്യിലെടുത്ത് ആമിയുടെ മുഖത്ത് തളിച്ചു.

"ആമീ... എഴുന്നേൽക്ക്..."

വെള്ളം വീണപ്പോൾ അവളൊന്നു ഞരങ്ങി. പല്ലുകൾ കൂട്ടിയിടിക്കാൻ തുടങ്ങി. ശരീരം വിറയ്ക്കുന്നുണ്ട്.

ആമിയുടെ ഈ അവസ്ഥ കണ്ട് എനിക്ക് കരച്ചിൽ വരുന്നുണ്ടായിരുന്നു. ആ ഫൈറ്റ്... ആ മോതിരം... അത് അവളുടെ ഊർജ്ജം മുഴുവൻ വലിച്ചെടുത്തിരിക്കുന്നു.

"പേടിക്കണ്ട... ഒന്നും ഉണ്ടാവില്ല..."

നിധി എന്റെ കൈയ്യിൽ മുറുകെ പിടിച്ചു. അവളുടെ കൈകളും വിറയ്ക്കുന്നുണ്ടായിരുന്നു. ആമിയുടെ ചൂട് ഞങ്ങളിലേക്ക് പടരുന്നത് പോലെ... കാറിനുള്ളിലെ അന്തരീക്ഷം ആകെ വഷളായിക്കൊണ്ടിരുന്നു.

കാർ ചീറിപ്പാഞ്ഞു പോവുകയാണ്. എന്റെ മടിയിൽ കിടക്കുന്ന ആമിയുടെ ശരീരം ഓരോ നിമിഷവും കഴിയുന്തോറും കൂടുതൽ കൂടുതൽ ചൂടുപിടിക്കുകയായിരുന്നു.

അവളുടെ വിരലിലേക്ക് ഞാൻ നോക്കി. ആ മോതിരം... അതൊരു കനൽക്കട്ട പോലെ തിളങ്ങുന്നുണ്ട്.

"ഇതാണ്... ഇതാണ് ഇതിനെല്ലാം കാരണം..."

ഞാൻ പല്ലിറുമ്മിക്കൊണ്ട് ആ മോതിരം അവളുടെ വിരലിൽ നിന്നും ഊരാൻ തുടങ്ങി.

എന്നാൽ അത് കണ്ടതും നിധി വെപ്രാളത്തോടെ എന്റെ കൈ തട്ടിമാറ്റി.

"വേണ്ട ദേവാ... നീ അതിൽ തൊടണ്ട... ഞാൻ ഊരാം..."

എന്നെ അപകടപ്പെടുത്തണ്ട എന്ന് കരുതി, അവൾ വേഗം ആ മോതിരത്തിൽ പിടിച്ചു.

പക്ഷേ, നിധിയുടെ വിരൽ ആ മോതിരത്തിൽ തൊട്ടതും വലിയ ശബ്ദത്തോടെ,ശക്തമായൊരു ഷോക്കേറ്റതുപോലെ അവൾ സീറ്റിൽ നിന്നും പിന്നിലേക്ക് തെറിച്ചുപോയി. അവളുടെ തല ഡോറിൽ ശക്തിയായി ഇടിച്ചു.

"അയ്യോ... നിധി...!!"

ഞങ്ങളെല്ലാവരും ഞെട്ടിപ്പോയി. കൃതിക വേഗം അവളെ താങ്ങിപ്പിടിച്ചു.

നിധി വേദനകൊണ്ട് പുളഞ്ഞെങ്കിലും, പെട്ടെന്ന് തന്നെ തല ഉഴിഞ്ഞുകൊണ്ട് എഴുന്നേറ്റു.

"കു... കുഴപ്പമില്ല...