Chapter Title : നിധിയുടെ കാവൽക്കാരൻ 21 [കാവൽക്കാരൻ]

കൂട്ട് വേണോടാ...? എന്തൊക്കെ വലിയ കാര്യങ്ങൾ പറഞ്ഞാലും, നമുക്കിതിൽ എന്തെങ്കിലും ചെയ്യാൻ പറ്റുമെന്നുള്ള എന്റെ അവസാനത്തെ പ്രതീക്ഷയും ഇന്നലെ ഞാൻ ആ ചുമരിൽ പോയി ഇടിച്ചപ്പോഴേ തീർന്നതാ..."

ജീവിതത്തിൽ എല്ലാം നഷ്ടപ്പെട്ടവനെപ്പോലെയുള്ള എന്റെ ആ ഡയലോഗും എക്സ്പ്രഷനും കണ്ടപ്പോൾ സച്ചിനും രാഹുലും വാ പൊത്തിപ്പിടിച്ചു. അവന്മാർ രണ്ടുപേരും എന്റെ മുഖത്ത് നോക്കി ചിരി അടക്കാൻ ശരിക്കും പാടുപെടുകയായിരുന്നു.

അങ്ങനെ അവന്മാർ ചിരി കടിച്ച് പിടിച്ച് ഇരിക്കുമ്പോഴാണ്, പെട്ടെന്ന് ഞങ്ങളുടെ തൊട്ടടുത്തു നിന്നും കിലുക്കാംപെട്ടി കിലുങ്ങുന്നതുപോലെയുള്ള ഒരു പൊട്ടിച്ചിരി കേട്ടത്.

ശബ്ദം കേട്ട ഭാഗത്തേക്ക് നോക്കിയപ്പോളാണ് കണ്ണുകൾ സോഫയുടെ ഒരു വശത്ത് ഒളിച്ചുനിന്ന് ഞങ്ങളെത്തന്നെ ശ്രദ്ധിക്കുന്ന ആ കുറുമ്പിക്കണ്ണുകളിൽ ഉടക്കിയത്.

മീനാക്ഷിക്കുട്ടി!

അവൾ പതുങ്ങിപ്പതുങ്ങി ഞങ്ങളുടെ സംസാരം കേൾക്കുകയായിരുന്നു. ഞാൻ ചിരിച്ചുകൊണ്ട് അവളെ അടുത്തേക്ക് വിളിച്ചു.

"മീനാക്ഷിമോളേ... ഇങ്ങോട്ട് വന്നേ..." അവൾ ഓടിവന്ന് വീണ്ടും എന്റെ മടിയിലേക്ക് കയറി ഇരുന്നു.

"സച്ചിൻ അണ്ണൻ ഈ പറയുന്നത് സത്യമാണോ...? മാനസ ചേച്ചിക്ക് ഇത്രേം ശക്തിയൊക്കെയുണ്ടോ...? അവര് നാഗദേവതയാണോ?" ഞാൻ അവളോട് ചോദിച്ചു.

ഇനി ഒന്നുമറിയാത്ത ഈ കുട്ടിയുടെ പക്കൽനിന്നും കൂടിയേ അതിന്റെ ഉത്തരം എനിക്ക് കേൾക്കാനുള്ളൂ... അതുംക്കൂടിയായാൽ തൃപ്തിയായി...

എന്റെ ചോദ്യം കേട്ടതും ആ ചെറിയ കുട്ടിയുടെ മുഖത്ത് വല്ലാത്തൊരു അത്ഭുതവും ആവേശവും നിറഞ്ഞു. അവൾ വലിയ കാര്യത്തിൽ കൈകൾ വീശി തമിഴിൽ പറയാൻ തുടങ്ങി:

"""ആമാം അണ്ണാ... മാനസ അക്കാക്ക് റൊമ്പ പവർ ഇറുക്ക്... (അതെ അണ്ണാ, മാനസ ചേച്ചിക്ക് ഭയങ്കര ശക്തിയുണ്ട്...)

അക്കാ വെറും അക്കാ ഇല്ലൈ, സാമി താ... (ചേച്ചി വെറുമൊരു ചേച്ചിയല്ല, ദൈവമാണ്...)

ഒരു