Chapter Title : നിധിയുടെ കാവൽക്കാരൻ 9 [കാവൽക്കാരൻ]

• സംസാരിച്ചില്ല...

ഡൈനിങ് ടേബിളിൽ ഇരുന്നുകൊണ്ട് ഓരോന്ന് സംസാരിച്ചു.പ്രധാന ചർച്ചാ വിഷയം എന്നേ കൂട്ടാതെ പോയ ക്രിക്കറ്റ്‌ മാച്ചിനേ കുറിച്ചായിരുന്നു....

തോറ്റു എന്നറിഞ്ഞപ്പോഴുള്ള സന്ദോഷം പറഞ്ഞറിയിക്കാൻ കഴിയുന്നതിലും വലുതായിരുന്നു...

നിധി കിച്ചണിൽ കിടന്ന് എന്തൊക്കെയോ കാണിക്കുന്നുണ്ട്. പിന്നേ നല്ല മീൻ വറുക്കുന്നതിന്റെ മണം വരുന്നതുകൊണ്ട് പോയി നോക്കാൻ നിന്നില്ല...

കുറച്ചു കഴിഞ്ഞതും രണ്ടു കയ്യിലും ഓരോ പ്ലേറ്റ് വീതമായി അവൾ ഞങ്ങളുടെ അടുത്തേക്ക് വന്നു...

അവൾ കൊണ്ടുവന്ന പ്ലേറ്റുകളിലൊന്ന് എന്റെ മുന്നിലേക്ക് വെച്ചു.

​ആവി പറക്കുന്ന ചോറും അതിനൊപ്പം മൊരിയിച്ചെടുത്ത മീൻ വറുത്തതും...അതും രണ്ടെണ്ണം... 🫦

​അതിന്റെ മണം മൂക്കിലേക്ക് അടിച്ചുകയറിയപ്പോൾ തന്നെ വായിൽ കപ്പലോടിക്കാനുള്ള വെള്ളം ഊറി വന്നിരുന്നു. വിശപ്പ് സഹിക്കാൻ പറ്റാത്ത അവസ്ഥയിൽ ആയതുകൊണ്ടാവാം, ആ മീനിലേക്ക് നോക്കിയപ്പോൾ ലോകത്ത് വേറെ ഒന്നിനും അത്ര ഭംഗിയുള്ളതായി എനിക്ക് തോന്നിയില്ല.

​എന്നാൽ ബാക്കി കാര്യങ്ങൾ ഞാൻ പ്രതീക്ഷിച്ചതുപോലെ ആയിരുന്നില്ല നടന്നത്...

​കയ്യിലുള്ള രണ്ടാമത്തെ പ്ലേറ്റ് സച്ചിനോ രാഹുലിനോ കൊടുക്കുന്നതിന് പകരം, അവൾ അത് ടേബിളിൽ എന്റെ പ്ലേറ്റിനോട് ചേർത്ത് വെച്ചു.

ശേഷം ഒരു കസേര വലിച്ചിട്ട് എന്റെ തൊട്ടടുത്ത് തന്നെ ഇരുന്നു.

​തൊട്ടടുത്ത് എന്ന് പറഞ്ഞാൽ, ഒന്ന് അനങ്ങിയാൽ ദേഹം മുട്ടുന്ന അത്രയും അടുത്ത്...

​ഇതെല്ലാം കണ്ട് വായും പൊളിച്ച് ഇരിക്കുന്ന സച്ചിനെയും രാഹുലിനെയും ഞാൻ പാളിയൊന്ന് നോക്കി.

അവരുടെ മുഖഭാവം കണ്ട് ചെറിയൊരു സന്ദോഷം എനിക്ക് തോന്നാതിരുന്നില്ല

​അവന്മാരുടെ നോട്ടം കണ്ടാൽ എന്നെയും മീനിനെയും കൂട്ടി പച്ചയ്ക്ക് കടിച്ചു തിന്നുമെന്ന് തോന്നും.

അവരുടെ കൊത്തിപറി ​സഹിക്കാൻ വയ്യാതെയായപ്പോൾ ഞാൻ മെല്ലെ അവളെ ഒന്ന് തോണ്ടി.

​"ഡീ... അവർക്ക് കൊടുക്കുന്നില്ലേ...? "

​ശബ്ദം കുറച്ചാണ് ചോദിച്ചതെങ്കിലും, അത് കേട്ടതും അവൾ ഒന്ന് തിരിഞ്ഞുനോക്കി.

ശേഷം അവന്മാരെയും...

"ഇതെനിക്കും ദേവക്കും മാത്രമേ ഉള്ളു. നിങ്ങൾക്കുള്ളത് കിച്ചണിൽ ഉണ്ട് പോയി എടുത്ത് കഴിച്ചോ... "

അവൾ