നിമിഷ ചേച്ചിയും ഞാനും 6

Nimisha Chechiyum Njaanum Part 6 | Author : Esthapan

[ Previous Part ]

വീണ്ടും ഒരു വെള്ളിയാഴ്ച..ലീവായത് കൊണ്ടു തന്നെ വളരെ വൈകിയാണ് എണീറ്റത്..സമയം 11 കഴിഞ്ഞു..അതു കൊണ്ടെന്താ ബ്രെക്ക്ഫാസ്റ്റ് ലാഭമായി..

സൂപ്പർ മാർക്കറ്റിൽ പോയി കുറച്ചു സാധനം വാങ്ങണം..കുളിച്ചു ഫ്രഷ് ആയി, വണ്ടിയെടുത്തു റോഡിലേക്കിറങ്ങിയപ്പോ ഒരു വിളി..

"കണ്ണാ..ഷോപ്പിലേക്ക് ആണോ..?

നോക്കിയപ്പോൾ ബെന്നിയേട്ടൻ ആണ്.. ആരോടോ മൊബൈലിൽ സംസാരിച്ചു കൊണ്ടാണ് ചോദ്യം..

"അതെ ചേട്ടാ...ഷോപ്പിലേക്കാണ്.."

"നീ വരുമ്പോ കുറച്ചു സാധനം വാങ്ങി ഇവിടെ കൊടുക്കോ…ഇവിടെ ചിക്കൻ വേണം എന്നും പറഞ്ഞു ബഹളമാ രണ്ടു പേരും..എനിക്കാണെങ്കിൽ ഷോപ്പിൽ പോയി വരാനുള്ള സമയവും ഇല്ല..ഫ്രണ്ട്സ് വെയ്റ്റിംഗ് ആണ്.."

"ഞാൻ വാങ്ങിച്ചോളാം..എന്തൊക്കെയാണ് വേണ്ടത് എന്നു മെസേജ് അയച്ചാൽ മതി"

അതും പറഞ്ഞു ഞാൻ വണ്ടിയുമെടുത്തു ഷോപ്പിലേക്ക് പോയി,സാധനങ്ങൾ ഒക്കെ വാങ്ങി തിരിച്ചു സോഫിയുടെ വീട്ടിലെത്തി..

ബൈക്കിന്റെ ശബ്ദം കേട്ടത് കൊണ്ടാവണം ബെല്ലടിക്കാതെ തന്നെ സോഫി വാതിൽ തുറന്നു പുറത്തേക്ക് വന്നു..

"നിന്നെ അങ്ങേര് കുറച്ചു ബുദ്ദിമുട്ടിച്ചല്ലേ...ഇവിടുന്നു ചിക്കൻ വേണമെന്നും പറഞ്ഞു വാശി രണ്ടു പേർക്കും..മൂപ്പർക്ക് സമയമില്ലെന്നും പറഞ്ഞു ഒഴിവാവാൻ നോക്കുമ്പോഴാ അങ്ങേർക്ക് നിന്നെ കിട്ടുന്നത്"

"എന്തു ബുദ്ധിമുട്ടു ചേച്ചി...വരുന്ന വഴിക്ക് കുറച്ചു സാധനം ഇവിടെ തരുന്നതിന് അത്രയ്ക്ക് പാടാണോ"

"ആട്ടെ...ഇന്ന് ഉച്ചയ്ക്ക് എന്താ കഴിക്കാൻ…"

"പച്ചക്കറി കുറച്ചു വാങ്ങി..എന്തേലും കറിയും ഉണ്ടാക്കി മുട്ട ആമ്പ്‌ലൈറ്റും.."

"ഇനിയിപ്പോ ഉണ്ടാക്കി കഴിക്കാൻ വൈകില്ലേ..ഇന്നിവിടുന്നു കഴിക്കാം..നീ പോയിട്ട് സാധനം കൊണ്ടു വെച്ചു വാ.. അപ്പോഴേക്കും ഞാൻ ഒന്നു കുളിക്കട്ടെ…എന്നിട്ട് ഒരുമിച്ചു കുക്ക് ചെയ്യാം"

"ശരി