നിന്‍റെ ഓർമകളിൽ

നിന്‍റെ ഓർമകളിൽ 01
Ninte Ormakalil Part 1 Autor : Shankar

നന്ദുവേട്ടാ... എഴുന്നേക്ക്... നേരം ഒരുപാടായി... പ്രിയയുടെ വിളികേട്ട് നന്ദു കണ്ണു തുറന്നു. അവൻ ക്ലോക്കിലേക്കു നോക്കി ആറു മണി. കട്ടിലിൽ നിന്നും എഴുന്നേറ്റു മുടി കെട്ടിക്കൊണ്ടിരുന്ന അവളെ അവൻ അവന്റെ ദേഹത്തേക്ക് വലിച്ചിട്ടു. "കുറച്ചു കഴിയട്ടെ മോളെ.. നീയിവിടെ കിടക്ക്".
തുറന്ന് കിടന്നിരുന്ന ജനാലയിലൂടെ പുഴയിൽ നിന്നുതണുത്ത കാറ്റടിച്ചു കൊണ്ടിരുന്നു. അവൾ അവന്റെ നഗ്നമായ നെഞ്ചിൽ തലചായ്ച്ചു..
ഇത് നന്ദുവിന്റെ കഥയാണ്. നന്ദകുമാർ എന്ന പേര് റെക്കോർഡ്സിൽ മാത്രമാണ്. എല്ലാവർക്കും അവൻ നന്ദുവാണ്. നാട്ടിലെത്തന്നെ ധനികരിൽ ഒരാളായ അശോക് കുമാറിന്റെ ഏക മകൻ. ചെറുപ്പത്തിലേ അമ്മയെ നഷ്ടപ്പെട്ട അവൻ വളർന്നത് ഒരു വലിയ വീട്ടിലെ ജോലിക്കാർക്കിടയിലാണ്. അശോകിന് അവനെ ശ്രദ്ധിക്കാൻ സമയമുണ്ടായിരുന്നില്ല. സമയം കണ്ടെത്താൻ ശ്രമിച്ചിരുന്നില്ല എന്നതാണ് ശരി. ഭാര്യയുടെ മരണശേഷം ദുഃഖം മറക്കുവാനായി മുഴുവൻ സമയവും അയാൾ ബിസിനസ്സിൽ ചിലവഴിച്ചു. വല്ലപ്പോഴും വീട്ടിൽ സമ്മാനപ്പൊതികളുമായി വരുന്ന അതിഥിയായിരുന്നു അവന് അച്ഛൻ. ചുമരിലെ ചിത്രം മാത്രമായി അമ്മയും.
അവനെ എടുത്തുകൊണ്ടു നടന്നതും വളർത്തിയതും അയൽപക്കത്തെ ജാനകി ചേച്ചിയായിരുന്നു. ജാനകി ചേച്ചി അവന്റെ അമ്മ മാലിനിയുടെ കൂട്ടുകാരിയാണ്. ജാനകിക്ക് നന്ദുവിനെക്കാൾ രണ്ടു വയസ്സിനു മൂത്ത ഒരു മകനുണ്ട് ആദി എന്നു വിളിക്കുന്ന ആദിത്യൻ. ചെറുപ്പം