Chapter Title : നിറമണിയും ഗഗന പഥം 3 [സ്പൾബർ] [Climax]

എനിക്ക് തികച്ച് തരാൻ നിങ്ങൾ കാമദേവനല്ലേ… ?.. ഒരു പ്രാവശ്യം, ഒരൊറ്റ പ്രാവശ്യം ഞാനൊരു മനുഷ്യ സ്ത്രീയാണെന്ന് നീ പരിഗണിച്ചോ..നിനക്ക് മാത്രമല്ല, എനിക്കും വികാരങ്ങളുണ്ടെന്ന് നീ മനസിലാക്കിയോ..?.ഇല്ലല്ലോ..അപ്പോ നീ അതിനെ പറ്റി അധികം പറയണ്ട… എനിക്ക് തോന്നിയ പോലെ ഞാൻ ജീവിക്കും…””..

“”അത് എന്റെ വീട്ടിലല്ല, പുറത്ത്… പുറത്ത് പോയി നീ തോന്നിയ പോലെ ജീവിച്ചോ… വല്ല ബസ്റ്റാന്റിലും പോയി കിടക്കെടീ വേശ്യേ…””..

രാജൻ പതിയെ നിലത്ത് നിന്നെണീറ്റു… പോരിനെന്ന പോലെ അവൻ ശാലിനിയെ നോക്കി..

“”ഇല്ലെടാ പട്ടീ… ഞാനിവിടെത്തന്നെ നിൽക്കും… എനിക്ക് വേണ്ടവരെ ഞാനിങ്ങോട്ട് വിളിച്ച് വരുത്തും..എന്ത് ചെയ്യും നീ… ?.. തല്ലുമോ..?..തല്ലെടാ… ചുണയുണ്ടേൽ തല്ല്… “..

ശാലിനി ചീറി.. രാജൻ വലത്കൈ ആഞ്ഞ് വീശി… ആ കയ്യിൽ പിടിച്ച ശാലിനി, രാജന്റെ മുഖമടക്കം ഒറ്റയടി..!

രാജൻ തെറിച്ച് പോയി വീണു.. കലി തുള്ളി വന്ന ശാലിനി അവനെ പൊക്കിയെടുത്ത് ഒന്നൂടി കൊടുത്തു..

“”തല്ലണോ… ?.. നിനക്കെന്നെ തല്ലണോടാ പട്ടീ… കുറേ ഞാൻ സഹിച്ചു.. ഒരാവശ്യവുമില്ലാതെ നിന്റെ അടി കൊണ്ടു… എന്റെ ശരീരവും മനസും നീ തകർത്തില്ലേടാ നായേ… ഞാനെന്ത് തെറ്റ് ചെയ്തു നിന്നോട്… ?.”

രാജൻ ഞെട്ടിപ്പോയിരുന്നു..ഇങ്ങിനെ ഒരു നീക്കം ശാലിനിയിൽ നിന്നും അവൻ കരുതിയതേയല്ല..അവൾ തന്നെ തല്ലിയിരിക്കുന്നു..അത് പൊറുക്കാനാവില്ല..ഇപ്പോ ഇവളുടെ പത്തിനോക്കി കൊടുത്തില്ലെങ്കിൽ താനാണാണെന്നും പറഞ്ഞ് നടക്കുന്നതെങ്ങിനെ… ?..തന്റെ ഭാര്യയാണിവൾ.. ഇവൾ തന്നെ തല്ലാൻ മാത്രമായോ.. ?..

ശാലിനി പ്രതീക്ഷിക്കാത്ത നേരത്ത് രാജൻ അവളുടെ അടിവയർ നോക്കി ആഞ്ഞ് ചവിട്ടി..എന്നാൽ അതിന് വലിയ ശക്തിയില്ലാത്തത് കൊണ്ട് ശാലിനി നിന്നിടത്ത് നിന്ന് അനങ്ങിയില്ല..അവൾ കാലുയർത്തി ഒറ്റച്ചവിട്ട്..അലറിക്കൊണ്ട് രാജൻ തെറിച്ച് വീണു..അവന് ശ്വാസം വിലങ്ങിപ്പോയി.. ഇത് വരെ തല്ല് കിട്ടിയിട്ടില്ല, കൊടുത്തിട്ടേ ഉള്ളൂ..

സുധി പറഞ്ഞ കാര്യം ശാലിനിയുടെ ഓർമ്മയിലുണ്ടായിരുന്നു.. തല്ലിത്തുടങ്ങിയാ പിന്നെ ഒന്നിൽ നിർത്തരുത്..തനിക്ക് കിട്ടിയത് പലിശയും കൂടി കൂട്ടിക്കൊടുക്കണം എന്നാണ് സുധി പറഞ്ഞത്.. അവൾ നിലത്ത് നിന്ന് രാജനെ പൊക്കിയെടുത്തു..

“” നീയെന്ത് കരുതിയെടാ… കാലാകാലം നിന്റെ ചവിട്ടേറ്റ് പുഴുവിനെപ്പോലെ ഞാനിവിടെ കിടക്കുമെന്നോ… ?.. ഇത്രയും കാലം ഞാൻ ക്ഷമിച്ചത് എനിക്ക് നിന്നെ തല്ലാനറിയാമ്പാടില്ലാഞ്ഞിട്ടല്ല..എന്റെ ഭർത്താവായിപ്പോയി എന്ന ഒറ്റക്കാരണത്താലാ… ഇനിയതില്ല.. നീ

എന്റെ ഭർത്താവല്ല… ഞാൻ നിന്റെ ഭാര്യയുമല്ല… ഇന്നത്തോടെ തീർന്നു നമ്മളുമായുള്ള ബന്ധം… “..

പിടിച്ച് നിർത്തി ശാലിനി അവന്റെ കരണം നോക്കി ആഞ്ഞടിച്ചു..

“” ഒരു തെറ്റും ഞാനിന്ന് വരെ ചെയ്തിട്ടില്ല… നീ പറഞ്ഞതിനോ,